السلام عليكم
ايه الاخبار يا جماعه هل فيه جديد للموضوع دي محاوله لإحياء الموضوع
عاوز اعمل الشغل ده عندي فى العربية بس مش ليا علاقة بالالكترونيات فلو ينفع يتنفذ بمقابل مادي العربية فيات 131
السلام عليكم
ايه الاخبار يا جماعه هل فيه جديد للموضوع دي محاوله لإحياء الموضوع
عاوز اعمل الشغل ده عندي فى العربية بس مش ليا علاقة بالالكترونيات فلو ينفع يتنفذ بمقابل مادي العربية فيات 131
والله كويس انك صحيت الموضوع ده ، انا نفسى اكمل فيه بس معنديش وقت خالص حاليا للاسف وما عنديش عربية اصلا دلوقتى وفي مرحلة البحث عن سيارة جديدة (ارخم مرحلة ممكن تمر بيها في حياتك )
انا ناوى يا عمرو انفذه بس زى ما كلمتك الدايره بتاعه ابو حسنى بتاعه الأر بى ام مطلعه عينى التوصيلات كلها مظبوطه وبرضو فى مشكله ........... الحاجه الغريبه انى لقيت الدايره دى بره مشتغلتش مع ناس كتير عشان كده عايز اتأكد هو ابو حسنى عمل عليها تعديل ولا لأ
ده اللنك اللي كان بايظ
http://......gadgets.com/2009/05/25/...al-conversion/
المشكلىة ان الموقع اسمه H a c k e d G a d g e t s والمنتدى حيشيل اول كلمة اوتوماتك
جماعه انا قرأت الموضوع من أوله وصراحة مجهود ممتاز انا عندي عدة اقتراحات :
1-بالنسبة للعداد الديجيتال بتاع السرعه ممتاز ولكني وجدت ان ممكن نزيده جمالاً ونخليه شبة الستروين بيتغير وحدة وحدة. مشكلته انه بيتغير بسرعه 21 14 12 41 ممكن نعمل لووب بفر داخل الكود يعني نخلي فيه ثانيتين لينتقل العداد للقرائة الجديدة ... للتوضيح مثلا القرائة الان 12 كيلو وبعد نص ثانيه 17 و بعد نص ثانيه 21 و بعدين 25 دلوقتي حنعمل جزء في الكود تزود السرعه تدريجيا لل25 واهمال ال 17 و 21 و ممكن كمان نخليها بالخمسات يعني يزيد خمسة خمسة او اتنين اتنين او يقل خمسة خمسة او اتنين اتنين
2-لو الدائرة شغالة كويس ممكن نعمل حاجة احسن اننا نلغي موضوع الميكرو كنترولر و الشاشة الال سي دي ونضبط الدائرة ونخليها يطلع النبضات ناخدها على مدخل يو اس بي على جهاز كمبيوتر صغير وده حيسهل البرمجة بصورة كبيرة ويمكننا اضافة حاجات كتير بسهولة واخطاء السوفتوير حتكون اسهل في التصليح و من غير حرق على بكات و كده انا ممكن اضبطلكم اجهزة كبيوتر تعمل في السيارة حجمها 13 سم في 13 سم في 3 سم وبيشتغل على 12 فولت بس محتاج نعمله دائرة بور تطلع 3.3 امبير بس ايه رايكم
بالنسبة للشاشة عندنا حلين الاول نعمل خرج على شاشة من امه 200 جنيه عن طريق جهاز بيحول الفيجا لفيديو rca او نستخدم شاشة تاتش صغيرة 7 بوصة ومدخل فيجا بس دي حنتضطر نجيبها من على النت
بالنسبة لنظام التشغيل حيبقى لينكس او وندوز على حسب مانتفق وممكن نضيف حاجات كتير تانية دي ميديا بلاير .. كاميرات و تسجيل وممكن نوصل جهاز جي بي اس ويبقى فيه تتبع للسيارة و ممكن نوصل كرتة موبيل ويبقى فيه تحكم بالرسائل وانترنت وتحكم بالانترنت وممكن نعمل نظام تشغيل اسمه نايل موتورز كلنا نشترك في برمجته وتصميم الجرافيك و امكانياته الأجهزة جاهزة والناس اللي بتفهم في البرمجة والجرافيك والسوفتوير في المتتدى هنا اكتر بكتير من الناس اللي بتفهم في المايكروكونترولور وكده ندمج الاتنين وممكن الموضوع يكبر معانا ابه رايكم
اقتراحات جميلة واضح كدة اننا هنعمل شغل قريب مع بعض :D
موضوع التأخير كل ثانيتين ، ده سهل يتعمل لانك ممكن في الكود تتحكم في مدة التايمر انا مخليها نص ثانية ، ممكن تخليها ثانتين عادى جدا وممكن تخلى الارقام متقربة لاقرب 5 ، ده عادى جدا جدا
بس انا كنت عاملها سريعة عشان يدى قراءة لحظية ودى انا شايفها احلى خصوصا مع السحب ، خلينا زي البوجاتى احسن من الستروين :D :D :D
انت قصدك بأجهزة الكمبيوتر دى اجهزة embedded systems ؟
انا بالفعل كنت عملت بالبك 18 اف انه بيبعت السرعة على اليو اس بي ووصلت اللاب توب في العربية وعرضت العداد على شاشة اللاب توب ، وده كان جزء في مشروع التخرج بتاعى ، ( جزء من نظام مرورى بيعرف سرعتك والسرعة القانونية حسبب المنطقة ويدى تحذير ومخالفات اوتوماتيك )
كلمنى اكتر عن الاجهزة اللى انت قصدك عليها وتكلفتها بتكون في حدود كام
وهل ممكن نجيب شاشات ملونة كبيرة بدل الال سي دى و التكلفة هتكون في حدود كام
والاجهزة دى شغالة بنظام لينكس ولا ايه بالظبط ؟
تقريبا انت قرأت افكارى في الرد التانى
ما شاء الله عليك ، لا تمام اوى اوى اوى