المشاركة الأصلية كتبت بواسطة khaled_sabry
يتهيألى حيبقى من السهل كمان انك تضيف عداد للحراره و البنزين
الحراره سهله .. كمان بالنسبه للبيك مش بتتعاير و بتطلعلك القيمه دقيقه بدون معايره
لكن البنزين اللى فعلا خايف منه
لأن عوامة البنزين عباره عن مقاومه متغيره (ريشه و ماره على سلك ) و ساقطه فى تانك البنزين
و العداد بيقيس قيمه الجهد اللى خارج منها ... ماشى كل ده حلو
بس ازاى بيعمل القصه وهو ضامن ان مافيش شراره حتطلع من عموامة البنزين ...
خاصه ان فى عربياتنا القديمه مش حتلاقى الملف ده منتظم اوى .. يعنى ممكن الريشه دى تفصل لحظيا و ممكن تطلع شراره ولو صغيره
فعلا انا خايف اقربلها لأن اى غلطه معناها انفجار
بس فعلا نفسى تزود موضوع البنزين ده ... و يبقى فيه زرار بنقلب فيه بين الشاشات على lcd (شاشة المسافه
- شاشة الحراره - شاشه البنزين)
و بكده ممكن نحسب معدل استهلاك البنزين بسهوله ... و بتفتحلك مداخل لافكار تانيه كتير