الموضوع: باركولى وادعولى وفيدونى كيا سيراتو 2011 sx خليجى

المشاركة الأصلية كتبت بواسطة medoakef

1-امشى على سرعه كام اول 1000 كيلو

متزوتشي عن 80 و حاول سرعتك تكون متغيره متثبتشي علي سرعه معينه و متفتحشي التكييف خالص الا بعد صيانه الاف كيلو و زي ما الاخ قال الrbm ميزتشي عن 3000 لفه

2-الصيانه بعد 1000 كيلو ايه بالظبط

هيبقا في صيانه ال5000 تربيط عفشه و تشييك

و بعدها ال10000 و هتكون تغيير زيت و فلتر زيت علي حد علمي
و بعدها 20000 تشييك علي التيل و تغيير زيت و فلتر بردو
و هكذا

3-شركه تأمين تكون انتم عاملتوها وادفع كام فى السنه ورقم تليفون الشركه

ولله انا مأمنتش الا في التأمين الاجباري مش فاكر كام ولله بس كان مبلغ رمزي يعني 100 وشويه باين و الشباب هنا هيفدوك في افضل شركه

4-نصائح اهل الخبره فى المحافظه على العربيه لغايه 50000 كيلو

الصيانه في مواعدها و تسخين العربيه ابل التحرك فتره لات نزيد عن دقيقه في الشتاء و زي ما الاخ الفاضل قال بلاش الملفات علي سرعات عاليه ولا اكل نقر و مطبات و عدم غسل المحرك بالماء ابدا و عدم غسل السياره بصفه مستمره كفايا مره كل اسبوعين او تلاته

و خطء كتير بيقع فيه و بيظن انه كدا بيحافظ علي المحرك انك تمشي و ال rbm اقل من 2000 لفه دا مضر جدا علي الموتور زي الحرق الكتير بالظبط و ممكن اصعب لازم تحافظ علي الrbm ما بين 2000 ل 4000 لفه

5-اركب انذار نوعه ايه ويشتغل مع المفتاح بتاعها

ولله الشباب هنا يفيدوك انا معنديش فكره عنهم

6-لو عندك اى معلومه متبخلش عليه بيها وانا ادعيلك

انا قلت شوي علي قد ما اقدر عاوز دعوه حلوه بقا