العربيه بتتشد لورا

**zaza2002** · 24-03-2011 01:28 PM

ازيكم ياجماعه دلوقتى انا عندى استفسار صغير لو انا ماشى على التانى وشيلت رجلى من على الدواسه العربيه زى ماتكون بتتشد لورا فياترى ده طبيعى ولا فى حاجه محتاج اكشف عليها مع العلم ان الحركه ده بتحصل مع التانى بس انما النقلات التانيه كلها تمام ولكم جميعا جزيل الشكر مقدما

**MMamdouh** · 24-03-2011 02:30 PM

لو جربت على الاول حتلاقى نفس الموضوع و بشكل اقوى... دة طبيعى

MMamdouh

**magdyusf** · 24-03-2011 08:52 PM

المشاركة الأصلية كتبت بواسطة mmamdouh

لو جربت على الاول حتلاقى نفس الموضوع و بشكل اقوى... دة طبيعى

mmamdouh

السلام عليكم
انا ليا استفسار اسمحولى ...
1- انا عندى نفس المشكلة دى على كل الغيارات بتظهر بعد ما اسيب رجلى
من على دواسة البنزين بحوالى 3 ثوانى مش علطول يعنى وبحس بيها لما اكون مشغل التكييف برضو...
2- مابتسحبش الا لما اكون لسا طالع بيها وبعد ما تسخن بنصف ساعة او ساعة تبتدى سحبها يقل وتنتش
على خفيف ما بين النقلات

هل ده طبيعى ولا فيه مشكلة ؟؟؟

**moko_2004** · 24-03-2011 10:53 PM

غير فلتر البنزين هتروح الشدة دي

**gassarian** · 25-03-2011 12:52 AM

طيب أنا أصلاً الأول لو العربية ماشية و لو بسرعة بطيئة أوي يعني مش مجمعة حلو على التاني مش بترضى تنقل على الأول و بتعض جامد
أنا مش عارف أزقها جامد للأول و لا في مشكلة كدا عندي؟؟؟
و نفس الحكاية بس أقل في العضة من الأول في النقلة التانية لو سقط النقلة

نوبيرا مانوال 2007

**م.محمد علاء** · 25-03-2011 01:12 AM

ممكن تجرب حاجه بردو عشان تطمن..
جرب كده تزق العربيه..لوحدك..على طريق مستوي..و متكونشي معشق ولا شادد الهاند.
لو العربيه متزحزحتش من مكانها..ممكن تكون الفرامل قافشه.
و هتبان معاك لما تكون سايق و تشيل رجلك من على البنزين..تحس إنها بتتكتف.

**mustafavet** · 25-03-2011 09:16 AM

و هتبان معاك لما تكون سايق و تشيل رجلك من على البنزين..تحس إنها بتتكتف.[/color][/QUOTE]

هو انا باكد بس علي حاجه وهي انها لازم هتتكتف لانك معشق الفتيس
لكن ممكن تعملها بانك تمور العربيه

**magdyusf** · 25-03-2011 02:13 PM

انا مغير كل حاجة
-فلتر بنزين
-فلتر هواء
-الفرامل مش قافشة بدليل لما بفك التعشيقة مابيحصلش الشدة دى
-كشفت على طرمبة البنزين تمام

**hondaman** · 25-03-2011 02:16 PM

الموضوع طبيعى جدا فى العربيات المانويل ولو مش عايز تحس بيها وانت بتشيل رجلك من على دواسة البنزين ممكن تدوس دبرياج اكنك بتدى غيار بس من غير متدى غيار هتلقيها مبتعملش كدة وعمتا انا بعتبرها ميزة مثلا لو ماشى على الغيار التالت ولسة محرقتش علية وشيلت رجيلك سنة صغيرة بتحس نفس الاحساس بس على خفيف ودوست تانى تلاقى العربية سحبت اكتر مع الحركة دى
انما لو فى طقة او خبطة يبقى راجع على القواعد وخلافة