الف مبروك
ربنا يبارك لك فيها و يحفظها من كل سوء
رقم العضوية : 5330
تاريخ التسجيل : 07Feb2008
المشاركات : 233
النوع : ذكر
الاقامة : القاهره - مصر
السيارة: لا يوجد
السيارة[2]: ياريس 2008
الحالة :
السلام عليكم
الحمد لله استلمت الياريس فول اوبشن نبيتي
اولا احب اشكر ربنا انه وفقني في عربيه بجمال و قوه الاداء دا
ثانيا موقع نيل موتوز الي وجه تفكيري للعربيه دي
ثالثا كل الشباب الي في نيل موتوز الي حاولو يسعدوني اني اشتري العربيه دي و اخص بالذكر طبعا احمد شاركي - دموع التلج - ابوعبدالله و كل الناس التانيه الي ساعدني بالمعلومات
انا استلمتها يوم الخميس الصبح و طبعا حاولت اجرب السواقه بتعتها اولا صعقت جدا من موضوع اني موش شايف اطراف العربيه و خصوصا المقدمه و اول فرمله عملتها كانت قويه جدا لاني كنت لسه متعدوتش علي الاداء القوي بتاع الفرامل دا و الحمد لله ان احنا كنا الصبح و الا كان واحد لبس فيا من ورا بالاضافه ان انا كان عندي اعتقاد ان فيها انذار ضد السرقه لكن دا مكنش حقيقي اكتشفت ان مفهاش انذار و طبعا اكون مشكور ان كان حد عندو حل للموضوع لكن مشيت بيها شويه و انا عندي رهبه كبيره جدا لدرجه ان انا مكنتش عاوز اجري بيها و روحت المرور و سيبت المندوب يخلص اجراءات الترخيص و كلمت احمد شاركي علي الموبيل علشان انقله كل الي انا حسيت بيه دا لكن هو طمني و قالي الموضوع كله مجرد وقت
و فعلا كان كلامه صحيح مجرد ما خرجت من وحده المرور بعد الترخيص لقيت ان الموضوع سلس جدا و قدرت اعوض موضوع عدم قدرتي علي الالمام بموضوع اطوال العربيه من ورا بالمريات الجميله الي جيبه كل التفاصيل و الكبوت بان انا خليت المندوب يقف قدام العربيه بالظبط و قدرت احدد المسافه و اتعود عليها
طبعا انا كنت بطبق كل نصايح احمد شاركي بالملي في اول 1000 كيلو مفيش ذياده عن سرعه 80 كيلو بالعربيه و لو ان دا حسسني ان العربيه بتسخن بسرعه شويه لانها بتكون في نهايه الترس التالت الاتوماتيك و طبعا صوتها بيعلي و عاوزه تنقل علي الرابع و طبعا انا بشيل رجلي من علي دواسه البنزين قبل ما بتنقل مفيش تكيف نهائي بس طبعا جربته لمده 10 دقايق طبعا تلاجه و اكتر من التلاجه لان انا مجبتش اخره مفيش فرامل مفاجئ و رحت بيها مشور لبورسعيد انتو عارفين من الاسماعيليه لبورسعيد كلام فارغ لكن مع السرعه البطيئه انا وصلت في حوالي ساعه و نص
انطبعاتي عن العربيه لغايه دلوقتي
اولا كل الناس الي كانت بتخوفنا من موضوع العداد الي في النص يا ريت تجرب الاول و بعدبن تقلنا ايه الاخبار لان انا شايف ان المفروض كل العربيات تكون كده علي فكره انا مهندس طيران و ااقدر ااقول ان اهم عدادات في الطياره هيا الي بتكون في الوسط
ثانيا موضوع سحب العربيه و انها 1300 فا بتكون ضعيفه احب ااقول ان انا جربت العربيه علي سرعه 100 كيلو مع التكيف مفيش اي تاثير و كائن مفيش اي حمل ذياده في العربيه علي فكره انا كان معي ناس ورا و قدام يعني العربيه محمله و حاجات في الشنطه كمان ولا كائن العربيه تقيله بالعكس دي كانت سلسه جدا
ثالثا الجماعه الي كانوا بيقولوا ان العربيه موش ثابته بعد 140 نفسي اعرف مين قال الكلمه دي و يجيلي و نجرب مع بعض و ان الاتوماتيك موش بيجيب اكتر من 160 امبارح انا جبت 160 كيلو و لسه كان ممكن اذود اكتر من كده طبعا مع الاعتذار لاحمد شاركي علشان تكسير النصايح بس و الله دا كان لمده بسيطه جدا حوالي 10 دقايق و يمكن ااقل و دا كمان يثبت مدي التسارع بتاع العربيه و كانت العربيه مكلبشه في الارض لدرجه اني انا كنت حاطط ازازه ميه قدامي الميه الي جوه القزازه مكنتش بتتهز
رابعا و اهم حاجه اعتقد ان العربيه دي بتمشي علي بخار البنزين موش البنزين لانها موفره جدا ;) ال 100 كيلو حوالي 7 لتر
رابعا الباور الكهربا دا كمان معجزه لانه موش بياخد اي بور من العربيه و كمان ناعم جدا
طبعا انا لغايه دلوقتي موش لاقي اي عيوب في العربيه عدا بس ان الكاسيت مفهوش سي دي رغم جمال صوته لكن انا هجيب الاف ام موديلاتور بس هو اختفي شويه من راديو شاك لكن انشاء الله هجيب واحد اول ما يجي و حاجه كمان موضوع حزام الامان الي ملهوش اي حاجه انذار في العربيه لان انا بنساه علي طول يا ريت لو حد عندو حل برده للموضوع دا و شكرا
رقم العضوية : 153
تاريخ التسجيل : 24Apr2007
المشاركات : 3,306
النوع : ذكر
الاقامة : cairo
السيارة: .....
السيارة[2]: sirion
دراجة بخارية: ...
الحالة :
الف مبروك
ربنا يبارك لك فيها و يحفظها من كل سوء
إن لم تستح ..... فأصنع ما شئت
رقم العضوية : 4631
تاريخ التسجيل : 20Jan2008
المشاركات : 830
النوع : ذكر
الاقامة : عايز اعيش فى اسكندرىة
السيارة: سويفت ٢٠١٥
السيارة[2]: سيريون 2008 Glx
دراجة بخارية: no
الحالة :
الف مبروك العربية ... بس برضه التكييف ما تشغلهوش فى فترة التليين
ربنا يديلك خيرها ويكفيك شرها
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
الف الف مبرووووووووووووووووك يا وليد والله فجاتنى انك الحمد لله استلمت بالسرعه دى
ربنا يكفيك شر طريقها ويديك خيرها يارب والف مبروووووووووووك كمان مره
بس قولنا استلمت بالسرعه دى ازاى بسم الله ما شاء الله
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف الف مبروووووووووووووك و ربنا يباركلك فيها بس بلاش تمشى بسرعة كدة علشان التليين
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 167
تاريخ التسجيل : 24Apr2007
المشاركات : 1,982
النوع : ذكر
الاقامة : A lot of Places
السيارة: Lada2017
السيارة[2]: Yaris
دراجة بخارية: NA
الحالة :
الف الف مبروك يا وليد علي الياريس....
ربنا يديك خيرها ويكفيك شرها....
ومبروك لينا انضمامك في نادي اليارساوية...
بالنسبة للانذار:
العربية فيها ايموبيليزر ....ودة بيمنع دوران الموتور من غير المفتاح المشفر...ولية لمبة في اول التابلوة تحت الزجاج الامامي بتنور وتطفي لما تبطل موتور العربية.....
لكن الانذار الصوتي ...دة انت ممكن تركبة بعدين..
بالنسبة للحزام:
لو عودت نفسك اول ما تركب العربية وقبل ما تدورها تربط حزام الامان ..هاتلاقيك بتعمل كدة حتي لو كنت انت الراكب الامامي...مش السواق..من غير ما تشعر....(يعني هايتحول عندك لرد فعل انعكاسي من غير تفكير)
العربية شكلها عاملالك اغراء في السحب والجري بس خلي علي الاقل اول 1000 كم ما تزودش الـrpm عن 3000...(في المانيوال العربية ممكن تجيب لحد 100 او 110 كم علي الخامس).
بلاش برضة تقرص علي الموتور قوي كدة ...انت لسة بتلين ...يعني حلي الـ 150 او 160 بعد الـ3000 كم ..احسن..
وربنا يحفظهالك...ويباركلك فيها
-----------------------------------------------------------------------
"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"------------------------------------------------------------------------
رقم العضوية : 201
تاريخ التسجيل : 25Apr2007
المشاركات : 1,938
النوع : ذكر
الاقامة : cairo
السيارة: RENAULT CLIO 1.2 2003
السيارة[2]: lancer1.6 AT2008
دراجة بخارية: لا يوجد
الحالة :
الف مبروك ربنا يخفظهالك وتاخذ خيرها ويبعد عنك شرها
رقم العضوية : 168
تاريخ التسجيل : 24Apr2007
المشاركات : 7,982
الاقامة : المحله الكبري
الحالة :
الف مبروك و ربنا يديك خيرها و يحميك من شرها.
:)
المشاركات : n/a
الحالة :
ألف مبرووووك
ربنا يبارك لك فيها و يكفيك شر الطريق ؛؛؛
رقم العضوية : 4046
تاريخ التسجيل : 09Jan2008
المشاركات : 2,916
النوع : ذكر
الاقامة : Egypt,mansoura
السيارة: ..
السيارة[2]: Yaris 2oo8 a/t f/o
الحالة :
الف مبروووك على العربية
بس موضوع الثبات دا ;);) ها؟
My lil Baby xD
المفضلات