تم تنظيف سربنتينة التكييف

**mailo** · 08-09-2011 04:27 PM

ممكن حد يدلنى على مكان ممكن ينظف لى السربنتينة بالطريقة دى من غير فك التابلوة ولا اعادة الشحن --الرجاء الرد بسرعة

أنا أعرف واحد جنب بيتي قال لي إنه بيعملها كده بس هياخد 100 جنيه معرفش بقى فيه فصال ولا لأ
عشان كلمة الصنايعية 150 وعشان خاطرك 100 على أساس إننا كنا مع بعد فالمدرسة
المهم يعني ممكن نرتب مع بعد واوديك ليه لو عايز بس أنا مجربتوش في الكلام ده
هو غيرلي مرة بلف وشحن فريون وخلاص
ومعرفش إذا كان كويس ولا لأ بس كده كده التنضيف ده مش محتاج صنايعي قوي يعني

**AutoTycoon** · 14-09-2011 01:34 AM

معلش امال السربنتينة اللي في اول العربية دي بتاعت اية ؟ مش بتاعت التكييف !!! امال انا بحس التكييف اتحسن لما بنظفها لية !!؟؟؟؟

**tarek_2005** · 14-09-2011 01:54 AM

المشاركة الأصلية كتبت بواسطة autotycoon

معلش امال السربنتينة اللي في اول العربية دي بتاعت اية ؟ مش بتاعت التكييف !!! امال انا بحس التكييف اتحسن لما بنظفها لية !!؟؟؟؟

السربنتينه الي في صدر العربية من الامام اسمها الكولدنسر ووظيفتها تهدئة حرارة الفريون الخارج من الكباس قبل دخوله للسربنتينة الي تحت التابلوه التي تسمي المبخر او بلغة الصنايعية الثلاجة وتنظيف اياً من الكولدنسر او المبخر يفيد جداً في كفائة التكييف وينصح بدورية تنظيف الكولدنسر لانه اكثر عرضة للانسداد بين الريش بتاعته (( انسداد خارجي )) مما يؤثر علي معامل تبديد الحرارة

**tarek_2005** · 14-09-2011 02:22 AM

المشاركة الأصلية كتبت بواسطة autotycoon

اشكرك يا فندم
طب لية في مراكز الصيانة بيهملوا تنظيف الجزء دا ... غريبة اوي... فعلاً لا يحك ظهرك مثل ظفرك :) شكراً على الموضوع

لاشكر علي واجب
بيكتفوا بتنظيفها بالهواء فقط او بالماء في حالة غسيل المحرك لديهم

**tarek_2005** · 14-09-2011 02:18 AM

اسف علي التاخير
دي نمازج للبخاخة الاوتوماتك المستعملة
الاولي

الثانية

ودول متوفرين في اي سوبر ماركت كبير مثل هيبر او كارفور في قسم ادوات الزراعة وسعر الاولي 15 جم والثانية 25 جم

وجاري رفع صور باقي العدة المستخدمة

**swimmer25** · 15-09-2011 11:27 AM

المشاركة الأصلية كتبت بواسطة tarek_2005

السربنتينه الي في صدر العربية من الامام اسمها الكولدنسر ووظيفتها تهدئة حرارة الفريون الخارج من الكباس قبل دخوله للسربنتينة الي تحت التابلوه التي تسمي المبخر او بلغة الصنايعية الثلاجة وتنظيف اياً من الكولدنسر او المبخر يفيد جداً في كفائة التكييف وينصح بدورية تنظيف الكولدنسر لانه اكثر عرضة للانسداد بين الريش بتاعته (( انسداد خارجي )) مما يؤثر علي معامل تبديد الحرارة

هو الكوندنسر مالوش فلتر غاز في اللانوس
لما الصنايعي فتح الكوندرنسر بتاع الياريس وطلع الفلتر كان اسود تماما من الشوائب والجديد كان ابيض تماما....أكيد الشوائب دي بتقلل عمر الكومبيسور وممكن كمان تتسبب في سد المواسير الداخلية والبلوف
ممكن كصيانة الدنيا دي تتنضف كويس (المواسير الداخلية للتكييف والكومبريسور وزيت الكومبريسور يتغير) ولو فيه فلتر للكوندنسر يتغير

**swimmer25** · 15-09-2011 11:31 AM

موضوع فلتر التكييف الخارجي شكله كويس بس اللي عايز يستعيض عنه...ميشغلش فتحة التكييف الخارجية اللي بتحيب الهواء من الخارج وبكده يبقي مش محتاجه
الفكرة بقي ان الفلتر الخارجي مش هيمنع غير التراب من الخارج...يعني لو فيه تراب داخل العربية المروحة هتسحبه وتدخلة برده علي السربنتينة الداخلية...فالطبيعي ان مكان الفلتر يكون بالظبط قبل المروحة فبالتالي تكون الفلترة علي كل الدايرة...وده اللي بيحصل في العربيات اللي فيها فلتر داخلي

-

-

الموضوع: تم تنظيف سربنتينة التكييف

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

تنظيف سربنتينة تكييف اللانوس بالفيديو

تنظيف سربنتينة التكييف الداخلية فى اللانوس

تنظيف ثلاجة التكييف (سربنتينة) التكييف

سربنتينة التكييف

سربنتينة التكييف

الكلمات الدلالية لهذا الموضوع

المفضلات

المفضلات

ضوابط المشاركة