مساعدة فى عمل عمرة لموتور شاريد 90

**saifnazzal** · 24-03-2011 03:21 PM

السلام عليكم

عايز إستشارة صغيرة منكم
عربيتى شاريد 90 هاتشباك لسة جايبها من 4 أشهر والظاهر إنى لبست الموتور كذا ميكانيكى يقولى الموتور مفوت ويقولى لازم يتعمر فاعيز أعرف عمرته تتكلف فى حدود كام ومين الميكانيكى الجامد أوى وفى نفس الوقت مش سفاح فى الفلوس
لأن فى واحد قبل كدة قالى إن عمرة الموتور تتكلف 5000 جنيه فعشان كدة هات موتور جديد إستيراد هتكلفك 4000 جنيه بالتركيب فعايز فعلا أعرف راسى من رجليا فى الموضوع ده
وياريت لو تعرفو حد تانى غير أوشين لأنه بدأ يغلى أسعاره مش عارف ليه
ولكم جزيل الشكر لقراءة موضوعى

**Ali_mehrem** · 25-03-2011 11:28 PM

هاتلك مكنة برودوا كليسا 1000 سىسى 55 ححصان تشيل معاك باور و تكيف و كل حاجة مكنة عفية و مش هتعدى ال 3000

**saifnazzal** · 26-03-2011 10:37 PM

مشكووووووووور يا باشا بس أنا كنت عايز أعرف هو محدش عنده شاريد عملها عمرة قبل كدة
وكلفت ساعتها كام وهل فعلا إنى أجيب مكنة أحسن من إنى أعملها عمرة
وبالمناسبة المكنة اللى راكبة فيها 1200 سى سى بس الصراحة مش عارف كام حصان
ومشغلة التكييف والدنيا تمام بس مشكلتها فى إنه مفوت شوية بس العربية بتجيب ال 140 على الطريق
فيا ريت لو حد عنده نصيحة يبقى تمام لتعم الفائدة
وشكرا

**mohamed_rhem** · 27-03-2011 11:54 AM

بصفتي اكتر واحد اشتغل في الموضوع ده وفي مواضيع كتير ممكن تبقي مرجع

بتكلم فيها عن العمرة والنص عمرة وكده

الموتور اما 1000 سي سي 3 سلندر او 1300 4 سلندر

العمرة التكلفة حسب اللي في الموتور بمعني بتفك الموتور وتشوف ايه اللي لازم يتغير

طاقم شنبر مثلا 90 جنيه تقريبا

طاقم سبيكة 135 020 او 030

طاقم بستم 010 او 020 في حدود 200 او كثر

طاقم صباب 125

طاقم هلايل 125

طاقم جوانات + جوان وش سلندر 65 جنيه

طاقم دبرياج كامل 450 ديسك اسطوانه بليه

سللك دبرياج 40 جنيه

شحن فريون 100

زيت موتور 65

بنزين للتليين 50 جم بنزين 80

فلتر بنزين وطاقم اصلاح كربراتير 65

مصنعيه كربراتير 40

سليكون ومسامير 50 جم

خراط وش وده احسن واحد في مصر مختار اللي في التجنيد مصنعيه في حدود 100 جنيه علي الاكثر ان مكنش اقل

خراط ماكينات عندك زهران ولاولاد الجندي ودول احسن ناس في حدود 250 خرط البلوك والكرنك والتركيب

كده الباشا الميكانيكي مش حيعمل الا انه يركب الجوانات

يعني العمرة بتبقي عمرة خراط

طيعا ممكن متحتاجش ده كله

وممكن تلاقي الكرنك ضايع

المصنعيه من 250 الي 500 حسب الصنايعي

طبعا هات شكمان جديد ابو اليزيد 180 جم

الموتور استيراد بالفتيس 2800 الفتيس 5 سرعات

انا رأيي تخلص علي الموتور بتاعك وتشتريلك واحد استيراد اضمن

**هانى سمير** · 12-02-2013 10:43 AM

نصيحه لوجة الله
ابعدواااااااا عن العمرة ثمن ماتور استيراد ويمكن اكتر وغير الوقت الضايع مع الصنيعية ومعالجتهم النفسية وهتصاحبهم اخر المطاف ومش هيكون احسن من الاستيراد إلا لو اتكلف ثمن 2 ماتور
ريح نفسك وجنون العظمه بتاعه الصنيعية والفتى وهات واحد استيراد بس خد حد بيفهم يجربه ويدورة فى مكانه وانسى التعب وهتدعى لينه ولو جربت العمرة هتدعى علينا
ربنا يوفق وراجع نفسك
واوعى تفكر مجرد التفكير وصنيعى يفهمك انك هتلم العمرة ومش هتكلفك بيورطك

**i_Am_Legend** · 12-02-2013 11:21 AM

استيراااد

**Qmax** · 12-02-2013 01:31 PM

والله يااستاذ محمد كفيت ووفيت بس هو هايلاقي مكنه نضيفه فين عند ولاد نوح ولا في الحرفيين ولا بورسعيد

وسؤال ليا بعد اذن صاحب الموضوع عندي في رشح من غطا التاكيهات متعرفش حد عنده جوانات نضيفه لأن من سنه كده اشتريته من عند اوشن ورجعته خامته رديئه وقلت مش مركب جوانات الغطا عندي بربطة الفبريكه ومفيش شكوى من اي نوع الحمدلله وخايف افكه احتاس وملقاش جوان

**mohamed55_3** · 13-06-2013 04:27 PM

انا معايا عربيو دايهاتسو شاريد موديل 90 (1000 سى سى 3سلندر ) عاوز اسقط الموتور واجيب موتور غيرة بس يكون 1300 سى سى 4سلندر مع العلم انا لسة عامل عمرة والموتور زفت ولا سحب ولا اى حاجة ارجو المساعدة !!!!