أحب أن أبدأ كلامي بشكرك يا أستاذ محمد علي المشاركة القيمة.
أنا رحت (أوتو ماجد) كمحاولة أخيرة لضبط الزوايا اللي عليها عفريت :) الأسبوع اللي فات.
مهندس الإستقبال هناك شاب مبتسم جداً و متعاون جداً.....و ده ميمنعش اني قعدت هناك 4 ساعات و في الأخر طلعت برضه و الزوايا بايظة :?
التوكيل ده غير انه أصلاً شغال في فورد و هيونداي.....حالياً في معرض اسمه ناشيونال موتورز بيجيب عربيات خليجي و يدي الضمان عليه.....ده غير عز العرب كمان.....
فببساطة التوكيل ده حالياً شغال في (فورد, هيونداي, ميتسوبيشي, فولكس,سيتروين و بروتون ده غير اللي مشفتوش هناك يومها)....و من الاخر الكلام ده ميطمنش, و خصوصاً ان مهندس الإستقبال هناك قاللي ان المهندسين(واحد للميكانيكا و التاني للدهان) و الفنيين همه همه, بس خدوا دورات تدريبية....
و موضوع الأجهزة الحديثة ده أنا مش متأكد منه بس جهاز الزوايا اللي هناك قديم حبتين مش زي الحاجات الهنتر الجديدة و
بصفة عامة و بناء علي ما رأيت أنصح أخوتى ملاك بروتون بالبقاء مع عز العرب.....
أي نعم معرفوش يضبطولي الزوايا برضه
بس أنا باستريح نفسياً هناك...علي الأقل في العجوزة الشغل بيتعمل قدامك...و ممكن تعزم بسيجارة علي الفني و تتكلم معاه...غير انك ضامن ان قطع الغيار أصلية.
أما بالنسبة لأمير و جوزيف مأقدرش أتكلم عنه من واقع تجربة شخصية....بس كل اللي راحوه بيشكروا فيه.
أتمنى أن أكون قد أفدت.
المفضلات