المشاركة الأصلية كتبت بواسطة adelseliem
الدكاتره المحجوزين هما اللى طلب الشرطه العسكريه
الشرطه العسكريه وصلت لتأمين خروج الدكاتره المحجوزين
الفيديوهات مش كامله
الشرطه العسكريه طلبت من المعتصمين يسهلوا طريق لخروج الدكاتره
الطلبه رفضت
الشرطه العسكريه أبلغتهم أن ده مخالف ( أحتجاز الدكاتره ) ويجب عدم التعرض لأفراد الشرطه العسكريه وحذرتهم من عدم السماح للدكاتره بالخروج , الطلاب رفضوا
تم خروج الدكاتره بدون أيذاء الطلبه , العصايا المكهربه لم تلمس طالب أنما كانت للتخويف , أى حد بيسمع صوتها بيبعد بسرعه
ده اللى حصل , حد معترض على كده , حد معترض على خروج الدكاتره المحتجزين بأى طريقه لأن الطرق السلميه أترفضت
حضرتك بتقول ما تقبلوش على أصحابى وأخواتى , طب حضرتك تقبله على والدك ووالدتك لو كانوا هما المحجوزين
وهل اللى عمله الطلبه من تصعيد الأعتصام وحبس الدكاتره صح
ليه بنقول مهما عملوا ميكونش مصيرهم الأهانه, ليه دايما بنبرر الغلط وننتقد الصح
لو حضرتك فى البيت ووالدتك أو مراتك أتصلت بيك وقالتلك الطلبه حاجزينا فى المكاتب ومش عارفين نخرج , هتعمل أيه بالضبط , متهيألى الشرطه العسكريه هتكون ملايكه بالنسبه للى هتعمله حضرتك , ولا ليك تصرف تانى
وأيه دخل الطلبه بعميد الكليه أنه يمشى