الموضوع: صيانة 20 ألف كم

ازيكم يا شباب
اخباركم ايه؟!
يارب تكونوا بخير
ان شاء اللاه فاضلي 500 كم واروح اعمل صيانة ال 20000 كم لفيرنتي الحبيبة
بما اني ركبت سنتر وانذار فالعربية كدة برة الضمان اضافة اني زهقت من غبور بسبب مصنعياته العالية الغير طبيعية
دلوقتي عايز اعرف انا هغير ايه في العشرين ألف وياريت ترشحولي مركز صيانة كويس وابن حلال وميكونش حراق اوي عشان الواحد بدأ يحس ان العربية بتلسع

المشاركة الأصلية كتبت بواسطة emo_ayman

مين بس اللى قال ان تركيب السنتر والانذار يطلعوا برة الضمان؟ انا مركب وحدة رفع ومحدش قاللى حاجة عليها وكان كل كلامهم ان لو الكهربا او الضفيرة اتاثرت يبقى الضفيرة والكهربا برة الضمان.

كل عربية ليها حاجات بتتغير وتتظبط فى الصيانات.ممكن تكلم خدمة العملاء على 16101 وتقولهم ايه اللى بيتعمل فى الفيرنا فى صيانة ال20.او من على موقع gbauto بموديل العربية تقدر تعرف ايه اللى هيتعمل فى الصيانات.

ولو بقى مفيش شكوى بامر الله من العربية يبقى اتوكل على الله واى مركز معتمد هيعملها وبسعر معقول يعنى مثلا هتربط عفشة-هتنضف فلتر تكييف-تغيير زيت.

هو غبور كويس انا عارف
وحكاية الكهربا انا برده عارفها
كل القصة ان مصنعياته غالية زيادة عن اللزوم الحقية ؟!

المشاركة الأصلية كتبت بواسطة mmolazem

غالبا يتم تغيير :
بوجيهات
فلتر بنزين
فلتر هواء
بالاضافه الى غيار و فلتر الزيت

و تروح و ترجع بألف سلامه

ربنا يبارك فيك يا رب
طب معلش ممكن اسعار الحجات دي !

وانا لما سألت لقيت ان فيه كوري وفيه اصلي
ايه الفرق بين الكوري والاصلي وايهما افضل؟!