حسام بك..
انا تحت امرك يافندم..
أولا.. الراجل ده ثقه جدا لاكتر من سبب..
اولا.. هو كان شغال في مقار توكيل اوبل اللي في البحوث لفترة كويسة..
وحاليا هو شغال في ارتوك اوتو توكيل سكودا وهو مهندس ميكانيكا مش مجرد فني..
ثانيا الصنايعيه اللي معاه هناك مش اي كلام.. في 2 او 3.. بس الاسطي الكبير اللي فيهم بيشتغل برضه في مقار..و شغلهم بصراحة في منتهي الجمال..و النضافة..
بالنسبة لقطع الغيار انا بانزل اشتريها من شارع شمبليون في وسط البلد..لو حبيت انزل معاك او اوصفلك المكان و اسامي الشركات..
المصنعية انا والحمد لله بيعمل معايا واجب كويس قوي و هاوصيه عليك لو هتروحله..
اما عن المكان .. تعرف شارع العروبة او السعودية زي ما بيسموه عشان مساكن الشركة السعودية اللي هناك.. وده في صقر قريش.. اللي فيه مستشفي الهيئة العربية للتصنيع..
هو في تاني شارع بعد المستشفي دي..
شوف كده بس لو هتروح قوللي و هاجي معاك او هاديلك ارقامه و هاظبطك معاه..
ان شاء الله تعالي الموضوع معاه مش هيوصل 1000 جنيه اصلا..
ربنا ييسر الحال
المفضلات