تغير سير الكاتينه

**M.Mokhtar** · 12-04-2008 02:57 PM

انا المفروض اغير سير الكاتينه من حوالى 5000 كيلو
وقررت اخيرا اغيره اليومين دول
ياترى فى نصائح معينه؟
انا ناوى اغيره فى التوكيل ولا انتوا ايه رأيكوا؟

**abdelaziz-waleed** · 12-04-2008 10:57 PM

ياه يا محمد وجالك قلب تستنى كل ده
انا اسمع انه بيتغير كل 40 الف بس انا ناوي ان شاء الله اغيره على 35 ولسة فاضلي حوالي 5000 كيلو. دي هاتكون اول مرة اغيره بعد ما اشتريت العربية
انا بصراحة افضل انك تغيره في التوكيل اضمن. بس برده استنى رأي الخبراء في المنتدى

**M.Mokhtar** · 12-04-2008 11:57 PM

المشاركة الأصلية كتبت بواسطة abdelaziz-waleed

ياه يا محمد وجالك قلب تستنى كل ده

انا اسمع انه بيتغير كل 40 الف بس انا ناوي ان شاء الله اغيره على 35 ولسة فاضلي حوالي 5000 كيلو. دي هاتكون اول مرة اغيره بعد ما اشتريت العربية
انا بصراحة افضل انك تغيره في التوكيل اضمن. بس برده استنى رأي الخبراء في المنتدى

ههههههههههههههههههه
يا وليد باشا ده عامل معايا حاولى 50 الف واكتر ولسه شغال والله بس انا خايف يقطع منى يودينى فى داهيه
فعشان كده قولت اغيره
والكمبيوتر كمان لسه قايلى انهارده انى محتاج تيل فرامل بس العبيط مش محدد قدام ولا ورا فهكشف عليهم واغير اللى محتاج بس بردو مش عارف من التوكيل ولا منين
اصل انا كل تعاملاتى مع التوكيل بس حاسس ان اسعارهم زياده عن بره كتير

**HISHAM80** · 13-04-2008 07:09 AM

For vectra A old shape every 60000 KM

**ENG\AHMED** · 13-04-2008 09:24 AM

سيور الفيكترا كل 60000 كم
التوكيل اضمن لو فى اى مشكلة بتاعتهم وهترجعلهم احسن لما تجيب من برة و يبقى فيها حاجة

**M.Mokhtar** · 14-04-2008 10:42 PM

الحمد لله تمت العملية بنجاح بس ضحينا بجيب العميل عشان العربيه تعيش
اولا انا كنت ناوى اغير سير الكاتينه وتيل الفرامل زى ما قولت قبل كده

لاقيته بيقول عايزين نغير رومان بلى الكاتينه مش عارف ده مين اصلا وبلية شداد الكاتينه بس مكنتش عامل حسابى كنت جبتله كام بلية من بتوعى وانا رايح

وغيرت تيل الفرامل لاقيته بيقولى فى حساس طار عشان قرصت على التيل وهو متاكل مع ان الكمبيوتر قالى ان التيل محتاج تغير من يومين بس
بس بصراحه انا قرصت على الفرامل اوى امبارح كذا مره يمكن ده السبب

http://www.nilemotors.net/Nile/showt...546#post226546

اللنك ده فى اسعار الحاجات اللى جبتها
كل ما اقول مش هروح الوكيل ده مش عارف ايه اللى بيودينى ليه تانى انا خلاص فلست :)

**Ahmad Aboul Fotouh** · 05-05-2008 11:59 AM

محدش يعرف هوه المفروض يتغير كل كام في الاسترا 2005 اوتوماتيك؟

**Ahmad Allawy** · 07-05-2008 08:04 PM

بيتهيألي يا باشا كله بيتغير في حدود نفس المسافة..
يعني من 50 الف لحد 60 الف..

**Ahmad Aboul Fotouh** · 11-05-2008 12:14 PM

انا رحت يوم الخميس اللي فات التوكيل علشان اغير سير الكاتينة وواخد معايا حوالي 400 جنيه
واللي حصل اني اتصدمت , قالولي لازم تغير البلي و الشدادة و كمان سير الدينامو والشداة بتاعته
يعني الموضوع دخل في حوالي 1800 جنيه شامل تغيير زيت موبيل 1

انا بصراحه خارج من التوكيل بدخنننننننننن وناوي مروحش هناك تاني

**Ahmad Allawy** · 11-05-2008 12:31 PM

شوف يا باشا..
اللي اعرفه من المهندس اللي باتعامل معاه.. ان بيتغير سير و بلية و شداد الكاتينة مع بعض..
و في الكورسا كان تمنهم لوحدهم حوالي 350 جنيه.. فاكيد في الفيكترا هيكون اكتر..
اما موضوع سير الدينامو فهو غالبا لما بيفك الكاتينة بيفك ده كمان بالمرة..

الفلوس الكتير دي معروف في التوكيل بسبب المصنعيات العالية و الضريبة و الكلام ده..
و كمان الريت ده لوحده يطلع باكتر من 200 جنيه..
يعني لو عملت الموضوع ده كله برة ممكن يكلفك حوالي 700 او 800..
لو حبيت قوللي اظبطك عند واحد يعمل الموضوع ده بكفاءة كويسة و هاوصيه عليك قوي في المصنعيه متقلقش خالص..
بس لما تنوي قولي باذن الله..
بالمناسبة هو في المعادي عشان تشوف المشوار هيبقي كبير عليك ولا قريب..

الموضوع: تغير سير الكاتينه

LinkBack

أدوات الموضوع

عرض

تغير سير الكاتينه - انشر الموضوع فى :

-

-

-

-

-

المواضيع المتشابهه

تغير سير الكاتينه للاوبترا ... عضو جديد اوبتراوى

ميعاد تغير مجموعه الكاتينه

ميعاد تغير سير الكاتينه لاوكتافيا a4

تغير سير الكاتينه

تغير سير الكاتينه

الكلمات الدلالية لهذا الموضوع

المفضلات

المفضلات

ضوابط المشاركة