الموضوع: الطريق الي الشيخ زايد

المشاركة الأصلية كتبت بواسطة m.osama

السلام عليكم

لو سمحتم عاوز اعرف الطريق الي مدينة الشيخ زايد - الاتنين مواصلات وبالعربيه

بالنسبه للمواصلات يفضل من كلية الزراعه او الدائري او رمسيس

واسعار الايجار هناك كام تقريبا ؟؟

وعليكم السلام

بص الطريق بالعربيه هتطلع الدائري من ميت نما (الطلعه الولي وانت جاي من بنها)اللي هي في اتجاه اسكندريه والهرم الصحراوي

هتنزل نزله المحور الاولي اللي يوديك اتجاه اكتوبر

هتفضل ماشي عالمحور حبه

هتلاقي نزلتين الصحراوي سيبها وعدي

هتكمل حبه بسيطه بتاع 2 كيلو او اكتر شويه بس خليك في حاره البطئ اللي هي اقصي اليمين

خلي بالك من المطبات

هتلاقي هايبر وان علي يمينك المدخل اللي قبله علطول هو ده مدخل الشيخ الزايد
.................................................. .................................................. ................................................
مواصلات:

1-هتركب من المؤسسه ميكروباصات يا هتلاقي اكتوبر ودي الاغلبيه هينزلك عند هايبر وان

2-هتركب من رمسيس لو في ميكروباصات الشيخ زايد هتركبه وينزلك داخل الشيخ زايد

ولو مفيش يبقي هتركب ميكروباصات اكتوبر وهتنزلك عند هايبر وان

المشاركة الأصلية كتبت بواسطة m.osama

شكرا جزيلا علي ردك



وبين هايبر وان وبين الشيخ زايد نفسها كتير ؟؟ يعني تبقي مشي ولا فيه مواصله تانيه ؟

العفو يا باشا

والله انا مدخلتش زايد من جوه بس بيبقي فيه ميكروباصات اللي جايه من التحرير ورمسيس بتبقي داخله

الشيخ زايد من عند هايبر وان فا مش عارف تتمشي والا تركب حاجه تانيه

هايبر وان يعتبر مدخل الشيخ زايد