شكراً يا نادر باشا .....
عرض للطباعة
شكراً يا نادر باشا .....
خلليك مع التخليقى
الفلش مفيد للعربيات اللى فيها كستبانات زى الدايو
اشترى الفلتر من برة احسن... الفلتر المهلى ب 15 و المان كان ب 18 و الاصلى ب 20
MMamdouh
السلام عليكم ....
موضوعكم مميز ومهم في أنواع زيوت السيارات واعذروني اني تابعت الموضوع متأخر ...
كان عندي سؤال ... يمكن جاوبتو عليه ... لكني مش هقدر أرجع وأقرأ كل ال اتكتب ...
أنا عندي سيارة قديمة (نيسان داتسون موديل 1983) ...
ايه أنسب نوع ليها من الزيوت ... وتغيير الزيت أخليه كل كام كيلو ...
وبصورة عامة ايه أفضل الزيوت للسيارات القديمة ويكون التغيير كل فترة قد ايه ...
جزاكم الله كل خير ...
على حسب حالة الموتور،، لو الموتور خفيف أو قرب يخك "كبس أقل من 70%"
يبقى استخدم زيت معدني أحادي الدرجة تقيل وليكن زيت مصر للبترول على سبيل
المثال، أما لو حالتة أفضل من كدة يبقى استخدم زيت معدني متعدد الدرجات من اللي
بيتغير كل 1500 كم مثل كالتكس هافولين فورميولا ذو الغطاء الأزرق وليس الأحمر.
-الفرق ببساطة أن الزيوت التخليقية خواصها مختلفة عن خواص الزيوت المعدنية
لأن بيتم تصميمها للتأقلم مع درجات الحرارة المختلفة، المرتفعة منها والمنخفضة،
كما تتميز الزيوت التخليقية بقدرة عالية على التزييت ومقاومة الاحتكاك مما يكسبها
ميزة الحفاظ على عمر واداء الموتور لفترة كبيرة.
-أما الزيوت المعدنية فهي من مشتقات البترول ومضاف عليها بعض الاضافات بالطبع
ويوجد منها أنواع مختلفة ودرجات لزوجة مختلف لتتماشي مع حالة موتور السيارة
فمنها الزيوت الثقيلة أحدية الدرجة ومنها الزيوت متعددة الدرجات وهكذا.
بالنيبة للـGen2 فقم باستخدام الزيوت التخليقية كزيت موبيل1 على سبيل المثال
لتحافظ على عمر الموتور وأدائة لأكبر فترة ممكنة.
طيب سؤال صغير الزيت الكويس لفيرنا فيفا تبقي ايه
انا بصيت في الكاتالوج لقيت
API SG/CD
وانا بحط موبيل XHP و دا API SL/CF
وفي توتال كوارترز 5000 و دا برضه API SL/CF
انا شايف انهم زي بعض بس السعر فيه فرق رهيب الموبيل جايبه ب 95 جنيه و التوتال انا شايفه ب 72
يا تري في فرق بينهم
و كمان انا شوفت كالتكس بس مش فاكر اسمه ايه هوا علي العموم هالوقين و كان SG/CD
بس ببص علي النت لقيتهم بيقولوا انه للعربيات اللي قبل 1988
مع انه نفس اللي مكتوب علي العربيه عند و دا 44 جنيه
انت ايه رأيك انا علي العموم كنت المره اللي فاتت جبت توتال بس غلطت و جبت توتال 3000 و حطيته بعد موبيل XHP
بس المره دي غيرت الفلتر و حطيت الموبيل
عاوز اعرف مفروض اسيبه كام الف كيلو عارف ناس بتسيبه لغايه 5000 كيلو
و التوتال كويس و ينفع بعد الموبيل احطه ولا لازم اغير فلتر تاني
طيب سؤال تاني بقى
هل صحيح ان الزيت التخليقي لازم يتغير بالكتير كل 8 شهور حتى لو مكانش كمل ال 8000 كيلو
اى زيت مش التخليقى فقط
MMamdouh
لو فقد لزوجتة ولونة اغمق وتحول للون مشابة للون العسل الأسود
ويكون ملمسة غير ناعم أو بمعنى أصح يكون محمل تراب كتير فيجب التغيير
في هذه الحالة،، لو لسة شغال في ناس بتقعدة لاكثر من 10 أشهر وبينزل
الزيت وشكلة وملمسة معقول بس استعمالهم مش تقيل.
يهني المهم ان الزيت ميكونش فقد خواصة للتزييت والتبريد والحماية
من الاحتكاك.
السلام عليكم اخواني
ارجو افادتي في اني كنت بغير زيت توتال 2500 غيرته مرتين وفضل عندي منه 2 لتر وبعدين اخر مرة اشتريت توتال كوارتز 3000 وده فضل منه واحد لتر وبعدين اضفت الثلاثة لتر علي بعض ال 2500 علي ال 3000 وهغيرهم هل ده صح ولا غلط خاصة وان عندي ابيزا 98 وموتور عامل 197000 كيلو متر والموتور حالته جيده لكن اعمل ايه في القصة دي واغير ايه بعد كده افيدوني افادكم الله لأني مستخدم جديد للسيارات وعايز اتعلم
علما بأن المحرك عندي 1000 سيسي وممتاز في السحب والسرعه والزيت بينزل منه كويس واللي اشتريتها منه كان بيحط موبيل xhp وكان بيغيره علي 3000 فقط
وكمان حتي الأن ما غيرتش فلاتر ولا زيت ولا بنزين وعملت بيها حوالي 6 الاف كيلو في شهر تنصحوني اعمل ايه!!!!!!!!!!
وجزاكم الله خيرا
هل في مواصفات الزيوت انها لابد تتغير كل 8 شهور او كذا الف كيلو وللا دة عرف جرى ان الزيت مايقعدش اكتر من كدة؟؟؟
بمعنى آخر, هل جركن موبيل وان مكتوب علية انك تغيرة كل 10000 كيلو او 8 شهور ايهما اقرب ؟؟؟
يعني انا مثلا مشيت عالزيت حوالي 7000 كيلو في مدة حوالي 10 شهور هل أغير الزيت و للا لسة أمشي علية كمان الفين كيلو مثلا
أولاً بما انك شاري العربية فكان المفروض انك اول حاجة تغير الزيوت كلها
والفلاتر والسيور والبوجيهات والمشط الالكتلروني "لو محتاج الغيير فقط".
ثانياً لا يجوز خلط انواع زيوت مختلفة مع بعض.
ثالثاً العربية شغالة 6000 كيلو بزيوت معدنية ومخلطة كمان!! غير الزيت
في اقرب فرصة.
متشكر جدا يا اخ نادر علي ردك لكن انا ما حطيتش زيت مخلوط لسه في السيارة وكنت بغيره علي وقته اللي علي العبوة لكن فقط انا خلطت اتنين لتر من ال 2500 ب لتر من 3000 هل اغيرهم المرة اللي جاية ولا ارميهم ويعوض عليا ربنا ولو حطيتهم اغيرهم تاني علي كام افيدوني خاصة ان كلا النوعين اللي خلطتهم علي بعض مصنفين زي بعض وتصنفهم (api/sf/cc) ده المكتوب علي العبوتين
فين الرد يا رجالة انتو فييييييييييييييييين
سبق وقلت لك لا تخلط زيوت مختلفة مع بعض سواء
كانت درجة اللزوجة او فترة التغيير مختلفة.
الخلط بيكون في حالات محدودة جداً مثلاً:
- لعبوات من نفس الزيت ولكن تاريخ انتاجهما
متقارب.
- أو إذا كان محرك سيارتك خفيف ومحتاج تأخر
العمرة بتخلط مع الزيت الاحادي الدرجة زيت شنبر.
السلام عليكم
انا عربيتي ابيزا 2000 كبس الماتور 70%
انا اشتريتها من شهر ونص وغيرت الزيت وحطين موبيل Xhp
بس معملتش أي حاجة تاني فيها
انا مشيت 4000 كيلو
هل أغير الزيت دلوقتى ولا لأ
فيه حد بيقولي حط مصر للبترول رخيص... هيفرق ولا أحط توتال
وأحط أنهي نوع من مصر للبترول
وجزاكم الله خيرا
70% لسة موصلش للمرحلة دي.
لو الزيت بينقص معاك في حدود ربع لتر او 200 ملي
تقريباً يبقى غير نوع الزيت، لكن لو مش كدة يبقى خليك
مع الزيت متعدد الدرجات.
خبراء الميكانيكا أكدوا أن الزيت التخليقى مثل موبيل 1 يعمل بكفاءة حتى 30 ألف كيلوا بدون أى مخاوف إطلاقاً .
30 الف دا في موبيل1 بتاع بره الي بيعمل 25 الف او سنة الي في مصر نصف الكيلومترات و المدة يعني 10 الاف او 6 شهور ( علي حسب كلامهم) في واحد صحبي عن تجربة حط موبيل 1 18 الف كيلو في عربية واجا عاملة 70 الف كيلو وسواقتة زي الزفت و بيسافر كتير العربية فضلت محترمة نفسها لحد ما الزيت عمل 16 الف تقريبا و بعدين صوت الموتور بداء يعلي و حاجات كدا المهم كمل بيها لحد 18 الف و بعدين غير الزيت الموتور اتضبط معاه
و انا عن نفسي حطيت موبيل 1 من اكتر من حوالي 7 شهور بس ما عملتش بية غير 5 الف كيلو تقريبا و مستخسر انزلة و لسة لونة كويس مش بطال و اداء الموتور زي الفل و ناوي إن شاء الله اكمل بية كمان شهرين تقريبا علشان انا مش باعمل كيلوات كتير
انا عندى العربية فيورا موديل 87 ولم بحط زيت يجى على نص مدته
ويبدى يقل( يعنى لو الزيت 2000 كيلو يبدء يقل بعد اول 1000)
مع العلم ان العربية مبتطلعش دخان ابيض تماما ولا بتسقف ولا
بتكركر وانا مش عارف احط زيت شنبر ولا انزل الزيت قبل ميعاده ولا
اغير نوع الزيت (انا باستعمال شل الجركن الاحمر)
ممكن الشنبر يضبط معاك القصة دية بس لمدة اد اية مش عارف و اعتقد انك محتاج تحل الموتور عاجلا ام اجلا الشنبر دا حل مؤقت
طاب احط شل x100 وكمان سمعت عن زيت vb هل فيه منه زيت تقيل
هوة محطات وطنية عندهم زيت ايه؟
و ايه أفضل حاجة للانسر 2002؟
موبيل 1 عشان بتنصح بيه شركه دايو ومغيره في التوكيل
السلام عليكم
بالنسبة لنوع الزيت اعتقد ان الانواع كلها واحدة موبيل زي شل زي كالتكس دي مجرد ماركات لتركيبة واحدة , المهم اننا نلاحظ حاجة مهمة و هي اختلاف درجات الحرارة و طبيعة الجو هنا في مصر و اختلافها عن بره أكيد ليها تأثير في فترة تشغيل الزيت
انا عن نفسي باستعمل زيت موبيل HX و بغيره كل 3500 كم او 4000 كم وبيكون حالته جيدة جدا لكن أنا باعمل كده علشان احافظ علي الموتور بحالته الاصلية
و كل عام وانتم بخير
بالنسبة ان كل الزيوت تركيبتهم واحدة فالكلام دة غير صحيح
ممكن نقول ان درجة اللزوجة متشابهة.
Mobile Now 95 Pounds..........
السلام عليكم
انا كنت بستخدم زيت موبيل XHP ومش عاجبنى لان بعد فتره بيخلى صوت المتور اعلى من الطبيعى
بس انا غلطت مره ونسيت اغير زيت وقعدت 10 شهور بنفس الزيت .. بس انا اصلا مش بمشى بالعربيه كتير يعنى فى ال10 شهور كانو يادوب 3000 كيلو
فرحت اغير زيت انهارده وجبت زيت shell هيلكس سوبر لانى قريت فى الموضوع ده انو كويس واحسن من الموبيل .. وغيرت كمان فلتر زيت.. الراجل قعد 5 دقايق يفك فى طبه الزيت و اتخنق لانها كانت محجره اوى وقالى انت اخر مره غيرت ويت امتى . قلتله 10 شهور . قالى حرام عليك الزيت منتهى ونازل اسود هباب..وغيرلى زيت وفلتر
والحمد لله صوت المتور هدى تانى والتاكيهات صوتها خف اوى لغايه مفيش الحمد لله
انا معايا ميتسوبيشى ميراج 1999 انجيكشن ..
جبت زيت شيل هيلكس سوبر الجركن الاصفر ب 95 جنيه
والفلتر الزيت قالى فى مصرى ب 11 جنيه و اتحاد اوروبى ب 11 و يابانى ب 20
فجبت ابو 20 جنيه اليابانى
لما رحت للميكانيكى بقلو اسمع المتور قالى تاكيهات صوتها عالى . وسألنى غيرت زيت امتى قلتله 10 شهور .. قالى مينفعش ابقى غير بدرى شويه و انا اصلا كنت بسأله علشان اظبط صوت التاكيهات .. قالى الميراج مش بيتظبتلها تاكيهات و قالى دى بتتظبط لوحدها مع الزيت .. فغير زيت وشوف
وقالى موضوع متجبش زيت 3000 كيلو وبعدين تغير .. هات 1000 كيلو احسن و قالى برضه ممكن احطلها الزيت الاخضر ده بتاع العربيات الى بتمشى غاز مش بنزين
بس بعد مقريت الموضوع ده انا همشى بعد كده على shell super
بس لو سمحتو انا كنت عايز اعرف لازم اغير زيت كل اد ايه .. بعد عدد الكيلوات ال 3000 و مع العلم انا مش بسافر بالعربيه و ال3000 كيلو ممكن يقعدو معايا 10 شهور ولا اغير بعد 3 شهور
وهل امشى بعد كده على زيت shell ولا ايه؟
معلش انا بسأل كتير علشان انا اتخنقت من الافتائات الاكتر من الناس
واسف على الاطاله
شكرا
ايهما اقرب، يعني متسيبش الزيت لفترة اكثر من 6 إلى 8
شهور حتى لو مكملتش 1000 كم.
والعكس صحيح لو عملت الكيلومترات الموصي بها مع الزيت
في يومين فقط، فلازم تغير الزيت.
بس الي اعرفة ان الجماعة بتوع شيل بيقولوا ان الشيل الالترا ممكن يقعد لحد سنة غير موبيل 1 الي بيقولوا ان اخره 6 شهور
و بعدين سمعت ان ما دام الفرق ما بين الرقمين فيapi الزيت قل يبقي عمره اطول و العكس
هو بيتكلم عن زيوت معدنية وليست تخليقية.
عموماً في البلاد الحارة او المتربة بيتم تغيير الزيت
قبل موعدة كما هو الحال في مصر.
فيه زيت اسمه Pb فيسكو
كويس جدا انا باستعمله بالكويت و هوه موجود بمصر شفته في كم محطة في مصر
السلام عليكم
شكرا nader و شكرا medo و شكرا waled على الرد
الزيت shell الى هو زيت معدنى مش عارف انا مرتاحله كده و بصراحه خلى العربيه ناعمه جدا وملهاش صوت خالص من ساعت لما غيرته وبرضه تحس وانت راكب وناسى العربيه دايره انها مش دايره ملهاش صوت خالص .. يعنى 100 100 .. بس انا لسه مغيره امبارح فنا هصبر شويه لغايه معرف ايه النظام
بس shell super هيلكس الاصفر بقى ب95 جنيه .. الله اعلم هيعلى تانى ولا لا
انا مش من القاهره .. بس هو فعلا بالسعر ده ؟
يا جماعة انا كنت باستخدم موبيل Xhp وبعدين بقالي فترة باستخدم شيل الاصفر ولما غلي بقي ب 95 جنية بافكر استخدم الشيل الرصاصي اللي بيعمل 10000 كم انا اعف انه تخليقي
هل ينفع بعد 60000 كم بالعربية بالزيت المعدني اغير لتخليقي ولا لا؟ العربية عامله 60000كم
سؤال تاني
بالنسبة لزيت الفتيس
انا لحد دلوقتي مغيرتوش؟
هل اغيره ولا اسيبه واكتفي بالكشف عليه وتزويدة؟