رقم العضوية : 30583
تاريخ التسجيل : 20Jan2009
المشاركات : 2,294
النوع : ذكر
الاقامة : Egypt - Cairo , Canada - Alberta
السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3
السيارة[2]: BMW 320i 2002,BMW X5 2007,BMW X5 F15 2014
دراجة بخارية: نفسى اتعلم سواقتها
الحالة :
رقم العضوية : 44663
تاريخ التسجيل : 08Aug2009
المشاركات : 6,605
النوع : ذكر
الاقامة : مجرة درب التبانة
السيارة: Bira 2.0 :)
السيارة[2]: ɐɹʇdo ʎʌǝɥɔ
دراجة بخارية: .
الحالة :
رقم العضوية : 16102
تاريخ التسجيل : 10Aug2008
المشاركات : 1,747
النوع : ذكر
الاقامة : sheikh zayed
السيارة: كفايه و احده
السيارة[2]: renault logan 2010 7amdllah
دراجة بخارية: لا يوجد
الحالة :
بناء على طلب الجماهير هكمل ......
3-رحت غيرت العفشه كلها في حركه مجنونه و مفاجئه قلت اظبط العربيه
و فعلا تم الموضوع بحمد الله وخد في وشه بتاع 2000 جنيه
العفشه بقت سوبر و صباح الجمدان
لكن ليه و ليه افرح
لييييييييييييييييييه
ماشي ياخوانا و فرحان بالعربيه و الثبات و بدوس فرامل العربيه لفت
ايوه لقت و بدون سابق اعطال
و احده واحده عالميكانيكي : الماستر ضرب و شغل في الفرامل كلها
الله يخربيت كده .....الراجل اشتغل و انا مش في بالي التكلفه
طلعت بتاع 150 جنيه في الاخر ..... وانا في جيبي 50 جنيه ههههههههههه
طبعا كنت لسه كاعع 2000 جنيه ....رحت استلفت من طوب الارض عشان احرر العريه
4- في احدى ثورات التغيير ...سالت على ميكانيكي قالولي في عين شمس ميكانيكي نمره واحد
المهم رحتله بس طلع في الادغال و عقبال ما وصلتله كنت خبط بتاع 30 عربيه علي 20 موتسيكل علي 16 توك توك
غير البشر اللي عالكبوت .....
انت يا عم الاسطى مصطفى ؟ ايوه
نزلت خدته بالحضن
مالها العربيه ؟؟؟؟
العربيه بتبطل لوحدها و هي بتجري و الفرامل تقفش و كذا مره كنت هلبس
طيب عنيا ........
قعدت معاه حوالي 12 ساعه شغل
كربراتير + تنضيف فلاتر و تغير + تنضيف فلتر هوا اللي هو كان زيت اصلا
+ ضبط كهرباء + ميمنعش شوية نكد :طبه المياه اللي في الموتور كانت مكسوره غيرها ....
و جرب العربيه يا عم ...... فيرااااااااري
تجميع ايه و نعومه ايه و سحب ايه العربيه صوتها مش سامعه من العومه
كام يا عمنا : 150 جنيه ....عمله موحده
رحت غسلت العربيه و معطر و كلام كبير
روحت و لبست الحته اللي عالحبل و نازل اقابل المزه ربنا ينتقم منها .....
ماشي و معلي الكاسيت ((فيراري بقا و محدش قدي ))
و فجاه حسيت اني مش سايق : العربيه عطلت
في نص الشارع و محدش عايز يزق و انا مش عايز اوسخ الهدوم هههههههههه
من هنا لهنا زقيت و بهدلت نفسي
اكلم الزفت اللي كنت لسه عنده .....عملي من بنها ههههههه
قعدت ادور على ميكانيكي
يا جدعاااااااااان
محدش راضي يجي معايا
فييييييين فابلت ميكانيكي عنده 300 سنه جبته
جرب يا عم ....مفيش
فك الحوض كله .....انه يلاقي العيب مفيش ......
طبعا و كل ده و العربيه اتوسخت تاني و الحوض اتلخبط تاني و الكهربه اتنيلت
ال 150 جنيه راحوا في الهوا ......
و بخبره العجووووووز اكتشف العيب اللعين
حتة سلك شبه السوسته كده و قعت من الحيوان الاولاني لمست في الموبينه .....
رماها و العربيه دارت
طبعا كانت المزه كلمتني قالتلي انت مش ول مره تعمل فيا كده و متجيش .....
يا عيني العربيه علمت عليها كتير و نزلتها تزق مره ههههههههههههه
و كانت النهايه
رقم العضوية : 16102
تاريخ التسجيل : 10Aug2008
المشاركات : 1,747
النوع : ذكر
الاقامة : sheikh zayed
السيارة: كفايه و احده
السيارة[2]: renault logan 2010 7amdllah
دراجة بخارية: لا يوجد
الحالة :
يتبع لسه بس عايز انام دلوقتي
بكره ان شاء الله
رقم العضوية : 30583
تاريخ التسجيل : 20Jan2009
المشاركات : 2,294
النوع : ذكر
الاقامة : Egypt - Cairo , Canada - Alberta
السيارة: Toyota Corolla 1978 ,Peugeot504 1983, Peugeot 406 2006,kia pride 2000,chevrolet traverse 2009,Mazda3
السيارة[2]: BMW 320i 2002,BMW X5 2007,BMW X5 F15 2014
دراجة بخارية: نفسى اتعلم سواقتها
الحالة :
رقم العضوية : 90787
تاريخ التسجيل : 08Mar2011
المشاركات : 788
النوع : ذكر
الاقامة : مصر الجديدة
السيارة: seat 133 1981
السيارة[2]: passat 1.6 1999
دراجة بخارية: لا
الحالة :
هههههههههههههههههههه
اسلوبك اكثر من رائع
[img2]http://static.petrisimolin.com/gallery/data/images/Rytari-P8041023.JPG[/img2]
الوحش سيات 133
[img2]http://farm5.static.flickr.com/4016/4638954358_3ab9366fc4.jpg[/img2]
رقم العضوية : 44663
تاريخ التسجيل : 08Aug2009
المشاركات : 6,605
النوع : ذكر
الاقامة : مجرة درب التبانة
السيارة: Bira 2.0 :)
السيارة[2]: ɐɹʇdo ʎʌǝɥɔ
دراجة بخارية: .
الحالة :
كمل يا شيتوس :)
وبعدين انا ولا مرة أعرف انت فين في الكلية
بتركن فين بالظبط ؟
[mtohg=#000000]http://img696.imageshack.us/img696/2999/warninggf.jpg[/mtohg]
رقم العضوية : 16102
تاريخ التسجيل : 10Aug2008
المشاركات : 1,747
النوع : ذكر
الاقامة : sheikh zayed
السيارة: كفايه و احده
السيارة[2]: renault logan 2010 7amdllah
دراجة بخارية: لا يوجد
الحالة :
منا ادركت الموضوع ده و بقيت بركب شباب بس ......
بردو بتعطل هههههه بس بينفعوا عشان بيزقوا ...
والله كتير كنت بتعمد اعدي على اصحابي اخدهم عشان لما تعطل مبقاش لوحدي ههههههههه
شكرا .....
عند كشك حسني ...في الشارع ده يعني .... وانت ؟
ده يا راجل محدش في دفعتي مزقش هههههه
5- الشكمان الملعون :
ماشي في امان الله بالليل و العربيه كان بقالها فتره طويله جدا معطلطش ...بتاع اسبوعين كده الحمد لله
وفجاه احس بصوت موتوسيكل ((هارلي )) معدي من جنبي ......
ببص يمين شمال فوق تحت مفيش و لا موتوسيكل .... الله !!!!!!!
فين لقيت و احد معدي الناحيه التانيه توين صيني معفن قلت يمكن .....
قرصت بعيد عنه ....... الاقي نفس الصوت ...
و عندها ادركت انه من السياره اللعينه .....
وصلت البيت لقيت الشكمان فعلا ((مخروم )) عادي يعني
بس الصوت كان كويس عادي يعني .....
و طبعا لاجل النحس و الفقر تاني يوم عندي كليه و يوم حد .....
عليت الكاسيت عالاخر و روحت و جيت و كله كويس
طبعا طبعا مينفعش الموقف يعدي كده .......
قال ايه يعني العربيه هتسيبني كده انزل الحم الشكمان مثلا و اروح مخترم يعني !!!!!!!!
لا طبعا ......طقم الكهرباء في حاجه باظت خلا العربيه تضرب مدافع .....يالهوي
طبعا كان الشكمان بقا نصين من وسع الخرم + طرقعة المدافع كانت حرب
نازل من الشيخ زايد و اديها فرقعه عالمحور و الناس مخضوضه من الصوت .......
طاخ طيخ طاخ طيخ فففففرررررررررررررررررررر ررررررممممممممممممممم بوم بوم بوم
حاجه قرف ...
لدرجة وقفت في تقاطع العسكري اتخض جدا من كتر الفرقعه فتحلي الاشاره هههههههههههههههه
و كالعاده زي البيه ....رحت غيرت الماسوره + طقم كهرباء
ودافع ال 250 جنيه و مبسوط قوي ......
6 - البطاريه : و برده بدون سابق زفت انذار .......
نازل فرح واحد صاحبي .... وبرده رايحه معايا النيله المزه عشان العروسه صاحبتها ......
ضربت البدله عالكارفته عالجزمه الكلاسيك و السشوار و البرفان بقا و ايه !!!!!
نزلت يا اخوانا ..... احط المفتاح والف ..... ولا كاني عملت حاجه ...
و لا كاني مثلا كنت حاطط مفتاح الشقه ....
دعكت عيني و بدور تاني ....... مدينة الاشباح .....كلاكس كاسيت كله باي باي .....
لقيت اتنين فواعليه ماشين في الشارع ......النبي زقه يا رجاله و ارمي ....
و لا الهوا ..... ودتها للكهربائي زق و كل ده ولسه قدر الامكان محتفظ بفورمة الفرح ....
قيس و اعمل .....البقيه في حياتك البطاريه راحت ........
حاله هيستيريه قعدت اضرب العربيه بالشلاليت لحد ما الباب اتطبق لجوه ....
الكهربائي حاول يهديني .....
شتمت الكهربائي هههههههههه معرفش ليه ؟؟؟ ههههههههه
بيقولي ليه يا بيه الغلط يا بيه .....قلتله معلش انا اسف ههههههههه
رحت رامي لعربيه و قلت مش رايح الفرح .....بس طبعا العريس كلمني و اداني كلمتين ولو مجتش تنسا انك تعرفني
+ المزه كلمتني و ادتني نفس الكلمتين ....
و انا ساكن في الشيخ زايد و الفرح في ميريديان المطار ......
رفعت الجاكت عالشماعه زي المكوجيه و فكيت الجزمه و فتحت القميص و السشوار و البرفان راح ...
و هبب يا معلمي في الميكروباص .....
و لاجل الفقر طبعا -عشان احب العربيه اكتر و اكتر- الدنيا و اقفه على كوبري مايو من اول الماريوت لحد ما نظري جايب مفروش عربيات
نزلت خدتها مشي من فوق الكوبري لحد جامع الفتح لما تاكسي رضي يقفلي !!!!!!
طبعا اول ما وصلت المزه قالتلي انت عامل زي ما تكون سارق البدله من المكوجي !!!!!!!!!
ربنا ياخدك عربيه ...........
7- الريدياتير :
قبل كل امتحان الطبيعي بنزل بالليل ازود مياه و اقيس الزيت و الذي منه .....قال يعني انا ناصح ...!!!!!
ليلة اول امتحان .......بزود مياه لقتها بتنزل على رجلي .....!!!!!! جبتها في حته نور .....
اتاري الزور من كتر الملح بقى مخروم خرم الازون + البوز اللي رابط فيه خرطوم الابره اتكسر
((وكانها بتقولي : مش انت عاملي فيها ناصح ..... البس يلا ))
طبعا جريت بيها على اي حد بتاع ريداتير ...لهفله المبلغ المحترم و لحمه في 3 ساعات ...
النتيجه اني نمت قليل و مراجعتش كويس بس ربنا عداها على خير
عشان كنت حالف لو حليت و حش هنزل بيها في الترعه و اخلص ......
8 - المروحه : طبعا طبعا الريداتير مسبهاش تعدي كده ...
الامتحان اللي بعده نازل سريع و بتاع فالعربيه بتبرد نفسها و الحراره معقوله
لما مشيت في احمد سعيد في الزحمه الحراره قعدت تعلى تعلى في ثواني
ريحة شياط و طقم الزراير بيسيح و دخان اسود و ريحه رهيبه
ركنت على جنب و قفشت كهربائي ....ايه ده ؟؟؟؟؟
المياه دخلت في المروحه الموتور قفش و عمل قفله في الزراير ساحت .......
رميتهاله قدام الورشه و رحت امتحنت و رجعت غيرت الزفت ....
يتبع عشان عندي كليه بكره معلش
رقم العضوية : 44663
تاريخ التسجيل : 08Aug2009
المشاركات : 6,605
النوع : ذكر
الاقامة : مجرة درب التبانة
السيارة: Bira 2.0 :)
السيارة[2]: ɐɹʇdo ʎʌǝɥɔ
دراجة بخارية: .
الحالة :
عربيتك زرقا صح ؟
انا بركن فين بقي :)
أدي ضهرك لعم حسني وبص لباب الكلية
سنة شمال بقي كدة بتاع 60 درجة
هتلاقي excel زيتي
كان قديما optra نبيتي
بالنسبة بقي للعربية اللي انت غيرتلها عربية ده
انت بعتها لمين ؟
انا فطست من الوصف للي بيحصلك :)
مستني الباقي
[mtohg=#000000]http://img696.imageshack.us/img696/2999/warninggf.jpg[/mtohg]
رقم العضوية : 1268
تاريخ التسجيل : 01Jul2007
المشاركات : 1,590
النوع : ذكر
الاقامة : Haram
السيارة: BMW 320i
السيارة[2]: Ford Explorer 2013
دراجة بخارية: دراجة نارية
الحالة :
تمــام والله الصديق وقت الضيق .. انما وقت التحشــيش بس يبقي ملوش لازمه
سبحان الله وبحمده ... سبحان الله العظيم
المفضلات