فلوس التأمين الاجبارى اللى بندفعها مع الترخيص بنستفيد منها ولا بتروح فين

**sando_star109** · 26-03-2011 01:37 AM

دلوقتى احنا المفروض اول ما بنرخص العربيه او بنجدد الترخيص بندفع حاجه اسمها (التأمين الاجبارى )على السياره طيب كلام جميل بندفع زى البشوات سنه او اتنين او تلاته وكله بتمنه خلى بالك بقى من الحته اللى جايه دى (السؤال )دلوقتى انا المفروض ان بعد ما ادفع الفلوس دى للعربيه يبقى هى كدا متأمن عليها لو لا قدر الله حصل حاجه للعربيه هل لو انا روحت شركه التأمين بالبوليصه دى يدفعولى حق تصليح العربيه يا ريت اى شخص يقرا الموضوع دا يكتب تعليقه عليه ويقولنا الصح ايه لان الموضوع دا يهم كل من ليه عربيه ايه كان نوعها وشكرا

**Jackson** · 26-03-2011 02:01 AM

فعلا كنت هموت لما جيت ارخص واعرف انا ليه دفعت 360 جنيه تأمين اجبارى ده غير الضريبه وقولتلهم يا جماعه انا عربيتى كاش مش عليها حظر بيع قالولى لا دى حاجه لازم تتدفع قبل ما تدخل على الشباك دفعت وأمرى الى الله هعمل ايه يعنى

**MOUSTAFA_SAAD** · 26-03-2011 06:38 AM

التامين الاجبارى ده علشان لو ضربت واحد بعربيتك وجراله حاجه المفروض الشركه بتدفعله تعويض

**tifalol** · 26-03-2011 08:42 AM

ده عشان لو مثلا ماشي في الطريق و خبطت في بلاعه و عربيتك حصل فيها حاجه المفروض انهم يدفعولك :)
طريق مكسر و انت اضريت كده يعني و مافيش اكتر من الطرق المكسره بس مافيش حد بيدفع