هو دة طبيعى فى توصيل أى عدة

**ZAKI32** · 26-03-2011 02:37 AM

انا ركبت عدة سونى cdx-gt490u

بيكون شغال تمام واجى ابطل كونتاك العربية مايفصلش وشغال

لما أجى ادور بقة الكونتاك واشغل العربية يروح الجهاز طافى ويبدأ يفتح ويشتغل تانى.

ايه الحل هل كدة فى حاجة فى التوصيل. ولا دة طبيعى وحاجة كويسة.
العدة الصينى اللى قبلها معملتش كدة خالص.
هل مثلا العربية بتسحب الكهرباء كلها عشان كدة بيفصل ويعيد تشغيل.
ايه الحل؟؟؟؟

**khaled_yassin** · 26-03-2011 02:55 AM

لا تقلق دة الطبيعى

**shadyshady** · 26-03-2011 11:18 AM

لا لا عادى ماتقلقش

**m7mda7md** · 26-03-2011 12:04 PM

عادي يا باشا

**HeMa_LanCeR** · 26-03-2011 12:12 PM

بص ياباشا الكاسيت ده بيقفل علي مرحلتين
اول مرحله انه يسيب الساعه شغاله
لكن لو دوست علي القفل كتير هيقفله كله ولا كأنه شغال اصلا وطبعا دي ميزه جامده
وممكن تتحكم فيها بالوقت يعني ممكن تخليه بعد ماتقفله مره هو لوحده بعد ربع ساعه يقفل نهائي :)
ثانيا فيه نظام تاني ان وهو شغال النور بتاعه يطفي ومايشتغلش غير لو دوست علي اي زرار

**eldell** · 26-03-2011 12:28 PM

متقلقش هو كده واى كاسيت جديد كده لما تيجى تدور يطفى ويشتغل لما تدور

**nicegypt** · 26-03-2011 12:31 PM

السبب ان المارش بيحمل على البطارية .. ولو البطارية مش مشحونة كويس للاقل من 50 % شحن
بيحصل كدة .. اما بالنسبة ان العدة الصيني مكنتش بتعمل كدة .. فالسبب ببساطة ان العدة الصيني استهلاكها للكهرباء بالامبير اقل من العدة الحالية .. استهلاك بسيط .. الموضوع عادى مفهوش مشكلة .. انما للاحتياط فقط لو تقدر .. اكشف على البطارية وتشوف شحنها واكشف ع الدينمو وتشوف شحنة مظبوط ولا ضعيف .. واخبار الكتاوت بتاعتة اية .. وربنا يبارك لك في سيارتك ولا تقلق دة عادى . وللاحتياط باردو ممكن تعمل اللى قلتة

**bisoolover** · 26-03-2011 05:10 PM

انا النهاردة مش عارف لعبت فى ايه لقييت الكاسيت بقى يدى شغل البييز بتنويرا ويطفى فى العادى يعنى مع كل بييز ينور ويطفى بسرعة ياترى ده اوبشن ولا فى حاجة ولا ايه الكاسيت بايونير