رأيك ايه احسن بنك للقسط......؟؟؟

**solyahmed** · 12-04-2008 09:43 PM

ردا علي الاخ الي بيسأل عن احسن بنك يقسط منه عربيه انا بقترح نعمل استطلاع نعرف منه ايه احسن بنك وانا اخترت كذا بنك هم من احسن بنوك في القسط ونختار منهم بنك واحد يعني نصفي منهم وده من خلال تعاملات الاعضاء مع البنوك دي
1_بنك ابوظبي
2_بنك كريدي اجريكول
3_كونتاكت للسيارات

**SAbuhashem** · 13-04-2008 02:49 AM

بنك فيصل الاسلامي بنظام المرابحة ويا سلام بقى لو بنظام الوديعه ممكن تشتري العربية ببلاش أساساً

Thanks
Eng.Sherif Shaker

**خالد** · 13-04-2008 11:35 AM

أبعد بعيد عن بنك كريدى أجريكول خاااااااااااااااااااااااا ااااالص
حرامية والموظفين فى جميع الفروع فى منتهى السوء ومعاملتهم وحشة جداً
أنا واخد عربيتى من عندهم وندمان جداً أنى أتعاملت مع البنك الزبالة ده
بتحس وأنت بتتعامل معاهم أنهم أقل من البنوك الحكومية بمراحل تحس أنك بتتعامل مع موظفين سجل مدنى مثلاً أو بتوع الوحدة المحلية
البنوك الحكومية أحسن منهم بكتييييييييييييير
الموظفين فى كريدى أجريكول كسالى جداً وعن تجربة فى أكثر من فرع ( الميرغنى - السبع عمارات - سانت فاتيما)
أبسط شئ أنه يسيبك واقف ترن قدامه بعد ماجاء دورك ويكلم مع موظفة ثانية زميلته ويسيب الشباك بتاعه أساساً وهاتك ياضحك مع السنيورة ولما تعترض يقولك بمنتهى الأستخفاف مانا بخلص شغل برضه
أو أبسط حاجة لو في مشكلة فى حسابك برضه الكل يقول ماأعرفش أسأل فى شباك تانى ويومهم بسنة
كان ليه عندهم كوبونات هدايا على الفيزا على سلسلة محلات مشهورة جداً ( مشتروات مجانية يعنى ) والمحل رافض أنه يصرف بحجة الأسم مش واضح ومرة تانية أن فى 30محل بأسم العجيل ، وأخيراً واحد فيهم قاللى أن البنك ده مقرف جداً ولينا شيكات متعطلة عندهم كتير وماتصرفتش
نصيحة أبعد عن كريدى أجريكول خالص
خليك فى كونتاكت ناس محترمين جداً جداً ، وسمعت برضه أن البنك الأهلى المصرى كويس جداً

**solyahmed** · 13-04-2008 01:32 PM

المشاركة الأصلية كتبت بواسطة SAbuhashem

بنك فيصل الاسلامي بنظام المرابحة ويا سلام بقى لو بنظام الوديعه ممكن تشتري العربية ببلاش أساساً

Thanks
Eng.Sherif Shaker

هوا ايه نظام المرابحه ده??? وايه بقي نظام الوديعه ده ...? والفايده عندهم كام ?يا رايت تشرح لنا علشان كلنا نستفيد

**solyahmed** · 13-04-2008 01:45 PM

ردا علي الا ستاذ /خالد

ايه....?البنك الاهلي ? اول مره اعرف انو كويس ..بس مش ده بنك حكومي وانت عارف معاملات البنك الحكومي .طب ياريت تقول لنا نظامو ايه ?و الفايده كام ?واجراءته سهله ولا ايه....??? ولازم وديعه..??
او وظيفه حكوميه ?? و تحويل مرتب ??

**خالد** · 13-04-2008 02:06 PM

المشاركة الأصلية كتبت بواسطة solyelissa

ردا علي الا ستاذ /خالد

ايه....?البنك الاهلي ? اول مره اعرف انو كويس ..بس مش ده بنك حكومي وانت عارف معاملات البنك الحكومي .طب ياريت تقول لنا نظامو ايه ?و الفايده كام ?واجراءته سهله ولا ايه....??? ولازم وديعه..??
او وظيفه حكوميه ?? و تحويل مرتب ??

والله أنا ماتعاملتش معاهم ولكن ليه واحد صاحبى كان أتعامل معاهم وشكر فيهم
أنا كان ليه حساب عندهم زمان فى الفرع الرئيسى فى شارع شريف بوسط البلد والحقيقة كانوا ناس كويسين