نويت اشترى fsv وعندى بعض الاسئلة وارجو الافادة من الجميع
السلام عليكم ورحمة الله وبركاته
اخوانى الافاضل انا ان شاء الله مقبل خلال ايام على شراء ال fsv بعد تفكير وبحث وتمحيص طويل بس مستنى كام يوم لحد ما المبلغ يجهز باذن الله
قولت استغل الكام يوم اللى جايين فى معرفة بعض المعلومات التى افتقر اليها فى شراء العربيات الزيرو لان انا اول عربية اركبها هى اللى معايا وركبتها على الجاهز لانى واخدها من حمايا الله يرحمه ففكرت اعمل الموضوع ده واطرح فيه أسئلتى ومتأكد ان شاء الله ان محدش منكم هيبخل عليا بأى معلومة يعرفها
1. الاشياء اللى لازم اراجعها فى العربية قبل ما استلمها وامشى بيها يعنى مثلا الانوار والتكييف والخبطات والخرابيش يعنى عاوز بس تجمعولى اهم الاشياء اللى لازم اتاكد انها تمام قبل ما اخد العربية من المعرض
2. الاجراءات القانونية فى الشراء والاوراق اللى لازم استلمها يعنى فيه عقد بيع مثلا او افراج جمركى وان فيه مبلغ ابقيه لحد ما استلم الافراج ده وجواب المرور والحاجات اللى بسمع عنها ومفهمش فيها خالص عشان ميضحكش عليا
اتمنى انى مكونش طولت عليكم وياريت تفيدونى بكل معلومة