حد جرب نوع مياة خضرا تانى للكرستالة غير الموبيل

**husseinsalah** · 12-04-2011 04:14 PM

انا بصراحة كل شوية اسمع عن ضرر وحوارات المية الخضرا والعادية فبريح دماغى واحط مية تكييف (اللى بتنزل من التكييف) وما حدش عاب عليها

**Rerii** · 12-04-2011 07:09 PM

المشاركة الأصلية كتبت بواسطة أبو_حمزة

معنى كلام الميكانيكى ان الردياتير متهالك نتيجة عدم الصيانة و ده بيخلى اجزاء كتيره متاكله و الصدأ مع الترسيبات هى اللى ممكن تبقى بتسد مكانها و لو استخدمت مياه كويسه أو غسلت دورة التبريد الترسيبات تتشال و تظهر المشاكل الموجودة
و الخلاصة ان لو كلامه صح يبقى ها تفضلى ماشية زى ما انت بدون تغيير المياه (فقط تزوديها كل ما تنقص) لحد ما الدنيا تضرب خالص وتصلحيها . وجهة نظرى ان ده مش صح لعدة اسباب
1. الله اعلم ساعة المشكلة تضرب ها تضرب امتى و فين و هل ها يكون فى وقت و فلوس للاصلاح
2. كده الضرر على الردياتير و كمان طلمبة المياه ده غير اى سدد ممكن يبقى موجود و بيقلل كفاءة التبريد. بالتالى التعامل المبكر ممكن ينقذ الطلمبة بدل ما دورة التبريد كلها تتأذى
دى وجهة نظرى لانى من انصار الصيانة الوقائية
و الله اعلم

طيب انا مش فاهمة المفروض اروح لمين واعمل ايه ؟ هى طرمبة الميا ضربت قريب وغيرتها

بس انت بتقول افضل الصيانة الوقائية طيب المفروض اشيك على ايه او اغير ايه

**prisoner** · 13-04-2011 12:41 PM

المفروض نعمل دورة غسيل لدورة التبريد قبل ما نحط المية الخضرا ولو فيه صدا قبل كده فى الردياتير فعلا الطرمبة هية اللى هاتضرب علشان حصلت معايا او ممكن نفضى الردياتير من المية ونحط مكانها مياه خضرا او مية مقطرة علشان مفيهاش املاح والله اعلم

**أبو_حمزة** · 13-04-2011 12:54 PM

الصيانة الوقائية هنا يعنى تغيير المياه كل 40ألف و استخدام سائل تبريد مش مياه الحنفية
اهم فرق يهمنا فى سوائل التبريد هو موانع الصدأ المضافة مع اضافات اخرى تقوم بتزييت اجزاء الطلمبة اثناء مرورها فيها
أما عن كفاءة التبريد فهى هى زى المياه العادية
و بما انك بتستخدمى مياه عاديه وفى صدأ يبقى الصح ان الردياتير يتغسل باستخدام مزيل صدأ خاص و بعد كده تتحط المياه الجديدة
دم ممكن يتعمل فى بنزينة أو عند بتاع ردياتير
انصحك تروحى بنزينة موبيل أو توتال و هم يعملا اللازم
و ربنا يسهل و يكون الردياتير لسه سليم بدون تسريبات

**Rerii** · 14-04-2011 09:08 PM

المشاركة الأصلية كتبت بواسطة أبو_حمزة

الصيانة الوقائية هنا يعنى تغيير المياه كل 40ألف و استخدام سائل تبريد مش مياه الحنفية
اهم فرق يهمنا فى سوائل التبريد هو موانع الصدأ المضافة مع اضافات اخرى تقوم بتزييت اجزاء الطلمبة اثناء مرورها فيها
أما عن كفاءة التبريد فهى هى زى المياه العادية
و بما انك بتستخدمى مياه عاديه وفى صدأ يبقى الصح ان الردياتير يتغسل باستخدام مزيل صدأ خاص و بعد كده تتحط المياه الجديدة
دم ممكن يتعمل فى بنزينة أو عند بتاع ردياتير
انصحك تروحى بنزينة موبيل أو توتال و هم يعملا اللازم
و ربنا يسهل و يكون الردياتير لسه سليم بدون تسريبات

ربنا يستر وميرسى ليكوا اوى ان شاء الله هشوف االموضوع ده

**FunnyMickey** · 15-04-2011 02:05 AM

عاوز اقولك ياريري ان الراجل صاحب العربيه الاولاني كان بيحط ميه عاديه
والله لو اقولك لما الريداتير اتفك واتغسل نزل كميه صدأ مش عاوز اقولك
يكفي اني اقولك لو مصنع طوب احمر وقع في بانيو مش حينزل كميه الميه المحمره اللي نزلت من الريداتير
رغم اني عامله دورتين غسيل بالمكنه
بس منضفش غير لما اتفك خالص من مكانه
والراجل قعد نص ساعه يليفه ويحميه
والصابون دخل في عينه وقعد يعييييييييييييييييييييييي يط :)
من ساعتها وهوا ميه ميه
وانا بردو طرمبه الميه ضربت عندي :)
الكريستاله دي لو نزلولها كتاب حينجح نجاح ساحق
هيا هيا نفس الاعطال بنفس الشكل وتقريبا في نفس الوقت :)