اولا صباح الخير . لو توفر الوقت لدى هنزل فى المظاهرات . ثانيا: انا قولت لا . ثالثا: البرادعى راجال لة مجالة و هو يتقنة و لة كل التقدير و الاحترام ولكن فى الرئاسة لالالالالا فهو لا يعرف الكثير عن احوال مصر لانة لم يعيش فيها.. وشكرا يا ايمان
عرض للطباعة
اولا صباح الخير . لو توفر الوقت لدى هنزل فى المظاهرات . ثانيا: انا قولت لا . ثالثا: البرادعى راجال لة مجالة و هو يتقنة و لة كل التقدير و الاحترام ولكن فى الرئاسة لالالالالا فهو لا يعرف الكثير عن احوال مصر لانة لم يعيش فيها.. وشكرا يا ايمان
طيب اصدقك وانت بتقولي ان من ضد قرار منع التظاهر وهم اقلية هم من قاد الثورة وهم من قالوا لا وهم من مؤيدي البرادعي وانهم هم من سقودون مصر رغم انهم ال20 % رغم انف البقية
ولا اصدقك لما بتقول ان كل من قال لا احترم راي الاغلبية ؟؟؟؟؟؟؟؟؟؟؟؟؟؟؟؟
ومن الذي يطبل لمن يا سيدي الفاضل
لم يتكلم احد من انصار نعم بعد الاستفتاء لكن كل الكلام والاتهامات كانت من كثيرين من انصار لا
حتي من قالوا نعم ايدوا عصام شرف من قال لا اما من قالوا لا قادة الثورةانصار البرادعي فهم من يرفضون قرار عصام شرف وقرار الاغلبية
يا دكتور
ده رأيه و هو حر فيه
الراجل بيقول ان ال 20% هيقودوا التغيير القادم
فيها مشكله و عدم احترام للاغلبيه فى ايه؟؟؟ ال 20 % هو مقتنع رغم اختلافى انهم هيقدروا يقنعوا عدد اكبر و ياخدوا اغلبيه - الكلام ده فيه مشكله مع حضرتك فى ايه؟؟
و بعدين مال ده و مال اللى قالوا لأ؟؟ هو ماقالش عليهم حاجه وحشه ولا ضلال :)
و فين رغم انف البقيه فى كلامه!!!
مال الكلام ده و مال اللى هو كاتبه؟؟؟ ادينى اماره
شاورلى قولى بص يا طارق اهووووو شووووف
:)
روق الله يكرمك
لو تسمحلي أنا مختلف معاك في الرأي كواحد قلت لأ وقبل نتيجة الأستفتاء قولت لو النتيجة نعم هنحترم نعم وكلنا في الآخر كسبانين كمصريين لحد كدة جميل .....بعد النتيجة أتفرج على عدد من الشيوخ وهم رموز مش أفراد عاديين يعني ليهم أتباعهم وهم كثر وأفتكر فيديو للشيخ يعقوب كان أسمه غزوة الصناديق على ما أتذكر وقال بالحرف : اللي قال لأ ومش عاجبه رأي الأغلبية يتفضل يمشي من البلد ورفع أيده في أشارة للخروج من مصر دة غير أن كتير قالوا كلام غير صحيح زي علمانيين وليبراليين وملحدين وضالين ومضلين ومتأمركين .
عشان أكون حيادي بعض من اللي قالوا لأ أبدوا تخوفهم من الحكم الأسلامي أو الدولة الدينية في حالة التصويت بنعم ولكن هل قالوا أن اللي هيقول نعم خائن وعميل هل قالوا أنه أرهابي متطرف ؟
ياسيدي خليني أقول لأول مرة من بعد ظهور نتيجة الأستفتاء وهو شيء مكنتش عاوز أقوله وهو ان اللي قالوا لأ لم يستخدموا الدين أو أي وسية أخرى للتأثير على المواطنين لم يقولوا لأحد قول لأ قالوا أحنا هنقول لأ بينما أستخدم الآخرون الدين بشكل غير نزيه في تشوية صورة كل من قال لأ ووضعهم في خانة الأعداء للوطن وللمسلمين في نظري هم دول سبب الفتنة الحاصلة دلوقتي .
ليه بنصنف بعض وليه بنخون بعض هل ده في مصلحة البلد دلوقتي النتيجة ظهرت خلاص نبص لقدامنا بقى منبصش لورانا نشوف هنعمل أيه في الفترة الجاية نشتغل ونبني ونعمر وننتخب اللي يمثلنا في البرلمان وفي الرئاسة خلونا نتنفس شوية هوا نظيف بدل القرف اللي عشنا فيه 30 سنة .
أحنا عاوزين قانون تنظيم المظاهرات مش تجريم المظاهرات .
يا اساتذة اقروا الاول مشروع القانون اللى عمله الدكتور عصام شرف
يجرم بعض التظاهرات فقط وبشروط محددة
يعني ينظم التظاهر ولا يلغيه تماما