-
مشكله ف ماروتي
بقالي كزا يوم اجي ادور العربيه ف نص اليوم او اركن انزل اشتري حاجه و ارجع تتأخر ف الدواره متدورش من اول مره و كمان احس ان العربيه سحبها ضااايع و لو ف مطلع و محمل يبقي عليه العوض و كمان ف بعض الاحيان بيحصل ان احس ان العربيه كأن ليها قلب و بيدق زي لما الواحد يجري و عشان اتحرك بيها لازم ادوس بنزين جامد جدا و اسيب دبرياج بطئ عشان ممكن تفصل
رحت للميكانيكي و قلت اشوف ف ايه
اول حاجه شاف الابلاتين لاقاه جايب اخره
و قال نغير الكوندنسر عشان مكنش اتغير قبل كده
و شك ان الموبينه السبب فغيرها بواحده من عنده
رحت جبت ابلاتين و كوندنسر ة ركب الموبينه و دورنا و قالي جربها يادوب مشيت مترين و فصلت و مدارتش زقناها و دخلناها جوه و قال يمكن الموبينه اللي عنده بايظه رجع الاصليه بتاعت العربيه و دورنا و روحت بيها بعد ما جربتها جت قبل البيت ب 5 متر او 10 متر و راحت فضلت تتنططط برده و راحت فصلت دورتها بالعافيه و ركنت طلعت حاجات كانت معايا و نزلت قلت اروحله حاولت ادورها ابدا دماغها جزمه قديمه مدارتش المهم الميكانيكي جه و مش راضيه تدور برده فشك ان الكوندنسر اللي اشتريته ف حاجه و قالي اشتري واحد تاني من محل تاني و نجرب جباه و ركبنا و دارت الحمدلله و رحنا بيها الورشه قفلنا الشغل و جربناها و زي الفل
و جبنا منظف كربايتر بس لسه هنعمله لما نطمن ان العربيه بقت سليمه كده
المهم المنظف ب 19 جنيه
الابلاتين ب 10 جنيه
الكوندنسر المضروب ب 15 جنيه
الكوندنسر اللي اشتغل ب 10 جنيه
اجره الميكانيكي 20 جنيه
ليا كام سؤااااااااااااااااال
اولا ايه تعليقكم ع اللي بيحصل ده و تفتكره ايه المشكله؟؟
ثانيا ليه الابلاتين بيبوظ بسرعه كده ده خلال 5000 كيلو ده تالت ابلاتين احطه و ايه ممكن يكون فيه عيب يسبب ده
هاااااااااااااااا
مستني تفاعلكم معايا يا رجالتنا
-
طالما غيرت ابلاتين وكوندنسر
يبقى غير بوجيهات بالمرة
عشان كدة تبقى ظبطت الكهرباء
لو حصل معاك النتشة تاني يبقى تمشي ورا بقى سكة البنزين من كاربراتير وفلتر وخراطيم
وربنا يوفقك
-
البوجيهات لسه مغيرها من 4000 كيلو انا قلتله يبصلي عليها بس قال الصيانه الجايه مش دلوقتي
بس سؤالي ليه الابلاتين يلدع كل 2000 كيلو بالاسلوب ده؟؟
-
الأبلاتين لما يلدع كتير دايما الميكانيكي اول حاجة يسأل عليها
"بتفتح كونتاكت كتير وتسيبه مفتوح؟"
-
امممممممممممممممم
مظنش اني بعمل كده خالص عشان عارف ان ده ضرره من الاول
-
-
ممكن تكون البوجيهات رديئة او خلوصاتها واسعة وده بيحط حمل على البوبينة والأبلاتين والكوندنسر، كمان لو الكوندنسر بايظ بيحط حمل على الأبلاتين وبيخليه يعمل شرار وده بيقضى عليه بسرعة ، فاحتمال ان كان الكوندنسر عندك نص نص وده كان بيخلى الأبلاتين يتعب، انا ابلاتين الفابريكة مشيت عليه 22 ألف كم وتانى ابلاتين ماشى عليه حتى هذة اللحظة 9 آلاف كم ولسة بحالته وده الطبيعى
-
انا عندي الميكنيكي ركب البوجيهات اللي اشتريتها ع طول تفتكروا ده السبب احسن من يومها ماشفتش راحه
البوجيهات اللي هيا ال ان جي كي اللي بتتباع عند اي حد ديه و لا ظبط خلوص و لا حاجه
طيب حد يعرف حد كويس اشتري البوجيهات و اروحله؟؟
و ايه احسن بوجيهات اشتريها
-
انا اعتقد ان الكوندنسر اعراضة بتكون مدافع فى العربية مش تنطيط
و اعتقد ان فلتر البنزين عندك عاوز يتغير
-
طيب محدش يعرف ميكانيكي كفاءه يشدلي العربيه كلها من فلاتر و سيةر يشيك عليها و طقم كهربا كامل عشان اريح دماغي
-
بص يا باشا انا حصل معايا نفس الكلام دا بعد ما اشتريت ابلاتين و كندنسر ب 45 جنية وبعد التركيب طلع مضروب مع انة ياباني رحت رجعتة بعد ما ركبنا القديم و رحت جبت واحد تاني من حتة تانية ب 17 جنية الاتنين و ياباني برضة طلع مضروب رحت مسنفر القديم و مركبة و قلت بقي اجيب اخرة لحد لما الاقي بقي حد كويس وياريت الاخوه يقلولي علي حد مضمون عندة قطع غيار مش مضروبة في مصر الجديدة
-
سبحان الله
هي الحاجة اللي مكتوب ومحفور عليا Made in japan
هم قصدهم على انهي يابان بالظبط
اليابان اليابان بجد واللا اليابان اللي في اخر فيصل
قطع الغيار المضروبة دي حاجة تنقط
بص يا باشا
انا اعرف ان في منفذ بيع قطع غيار تبع توكيل سوزوكي ودا موجود في شارع المساحة في الدقي تقريبا
رأيي حتى لو الحاجة عنده غالية اكيد هاتبقى مضمونة
لانك لو لاحظت هتلاقي نفسك بتشتري المضروب مرة واثنين وثلاثة
يعني كدة كدة خسارة على الفاضي
لا هات الغالي من الاول واشتري دماغك
-
فين بالظبط ف المساحه و انا اجيب غالي غالي بس مش استنزاف فلوس و خلاص
-
وانت ماشي ناحية قسم الدقي
بعد ميدان المساحة كدة عند سوبر ماركت سعودي تقريبا
او يمكن قبله حاجة بسيطة
-
خلاص هبص بص كده و اول ما اعرف الاسعار هنزلها هنا
-
-
بص أنا المشكلة دى تعبتنى نفسيا
لدرجة أنى بقت أخاف ققرب من كهربة العربية خالص
بس فى حاجة بتأثر فى الأبلتين والكوندنسر من وجهة نظى وهى البوجيهات
هما 3 خطوات
1 - تشترى البوجية دا NGK وتظبط الخلوص بتاعتو على 0.8 عند الميكانيكى والكود بتاعو أهو bp5es
2 - تشترى الأبلتين والكوندنسر الى الراجل قالك عليهم فوق
3 - تروح لميكانيكى محترم وبيعرف ربنا ويركبهملك ويظبطلك الكهربا بتاعة العربيا وتطلع تجرب وأنت ونصيبك
أن شاء الله لو عملت كدا كلو هايبقى تمام
وياريت تطمنا عليك وعلى العربية
وبالتوفيق أن شاء الله
-
هعمل قريب ان شاء الله بس الماديات تتظبط
-
نصيحة مني غير الميكانيكي لان الابلاتين لو ركب وفيه لوحة بسيطة بيلدع على طول لازم اللي يركبه يظبطه وبعدين الموبينة ممكن تركب موبينة الكتروني ودي انضف بكتير من الموبينة الزيت
Content Relevant URLs by
vBSEO 3.6.0 PL2