جين2 و لا نيسان اكس صالون ( اوتوماتيك فول اوبشن)

**mido_soliman** · 31-03-2011 03:42 PM

المشاركة الأصلية كتبت بواسطة ahmed_nubira

هههههههههه

الموضوع مش بيتقاس كده يا بشمهندس خالص

الموضوع...توكيل...قطع غيار...اعتماديه...عمر افتراضى...تقفيل...خامات....وكل ه فى صالح النيسان

الجين 2 تتجاب فى حاله واحد...لو انا شاب وعايز عربيه شبابى وروشه....ساعتها النيسان مش هتنفعنى ببصله :)

سؤال بس علشان انا حاسس ان الجين 2 بقت مقترنة بفئة عمرية معينة
هوة لية علشان اجيب جين2 لازم ابقى شاب وعايز الروشنة واحب الاسبايكى وكدة
لية مشتريش العربية لانها عربية فعلا شكلها جميل وموتور قوى وشاسية وعفشة محترمين وتكنولوجيا متطورة عن عربيات كورى كتير موجودة فى السوق بنفس الفئة السعرية ويمكن اغلى وفوق دة كلة فول اوبشن
لية لازم ابقى شاب واحب الروشنة
انا متجوز ومبشغلش غير ام كلثوم عندى فى العربية ومعايا جين2
انفع :)

**ahmad--ezzat** · 31-03-2011 05:36 PM

المشاركة الأصلية كتبت بواسطة mido_soliman

سؤال بس علشان انا حاسس ان الجين 2 بقت مقترنة بفئة عمرية معينة
هوة لية علشان اجيب جين2 لازم ابقى شاب وعايز الروشنة واحب الاسبايكى وكدة
لية مشتريش العربية لانها عربية فعلا شكلها جميل وموتور قوى وشاسية وعفشة محترمين وتكنولوجيا متطورة عن عربيات كورى كتير موجودة فى السوق بنفس الفئة السعرية ويمكن اغلى وفوق دة كلة فول اوبشن
لية لازم ابقى شاب واحب الروشنة
انا متجوز ومبشغلش غير ام كلثوم عندى فى العربية ومعايا جين2
انفع :)

مش فئه عمريه....الموضوع انى والدى لما حب يشترى عربيه...اشترى نيسان...مش هيركب جين 2

ولا هوندا سيفيك 94 متسقطه ومتكسحه....النيسان عربيه كلاسيك...دة كل الموضوع...السبايكى مش داخل فى الحوار خالص....والعربيات الكورى شغاله كويس وفى منها افضل من الجين 2 زى السيراتو والالنترا

وانا اكتشفت الصراحه ان كل عربيه فى البلد دى على قد سعرها بالظببببببط

**mido_soliman** · 31-03-2011 06:02 PM

المشاركة الأصلية كتبت بواسطة ahmed_nubira

مش فئه عمريه....الموضوع انى والدى لما حب يشترى عربيه...اشترى نيسان...مش هيركب جين 2

ولا هوندا سيفيك 94 متسقطه ومتكسحه....النيسان عربيه كلاسيك...دة كل الموضوع...السبايكى مش داخل فى الحوار خالص....والعربيات الكورى شغاله كويس وفى منها افضل من الجين 2 زى السيراتو والالنترا

وانا اكتشفت الصراحه ان كل عربيه فى البلد دى على قد سعرها بالظببببببط

كل عربية فى البلد دى اللى هى مصر على قد سعرها بالظبط :((( اول مرة اسمع الجملة دى من مصرى عايش فى مصر :) دة على اساس ان العربيات هنا تمنها زى تمنها برة مصر وبالتالى دة سعرها على قد امكانياتها وكدة :)

والدك مش حيركب جين علشان زوقة مش علشان سنة ولو بالسن فلو عندك معلومة ان اول واحد امتلك جين فى مصر اسمة الاستاذ خالد حمدى وهوة معانا هنا فى النايل وزى والدك ووالدى فى موضوع السن دة واشترى جين2 وعادى جدا :)
وبعدين العربيات الكورى شغالة كويس مانا عارف وربنا يخلي الشعب المصرى المساهم الاكبر فى اقتصاد كوريا :)
بس هوة على اى اساس ان السيراتو والالنترا احسن من الجين2 يعنى هوة دة رائيك ولا دة استطلاع اتعمل فى الشارع ولا مواقع اثبتت الحكاية دى علشان نسلم ان السيراتو والالنترا احسن من الجين 2