عرض للطباعة
برجاء ابداء الاراء من اصحاب الخبرة ... نيسان صني اكس صالون و لا جين 2 ---زيرو---... نفس الاسعار ... بحاول اقارن بين الامكانيات و الاداء / الثبات/ قطع الغيار/درجات الامان/الشكل/السعة الداخلية... اذا كنت من ملاك احداهما او عندك دراية جيدة ياريت تفيدني .... و جزاك الله خيرا ....
طب ما تشوف نيسان صنى سوبر صالون تكون انتاج 2006 2007 استعمال نضيف
وفكك من الجين 2 ومن اليسان ال2011
انا معايا سبور صالون 2006 بسم الله ماشاء الله
بمشى على 200 وstability الحمدالله فااااجر وغفشة ناعمة وقطع غيارها معمرة ومش غالية
اانا اعتراضى على ال2011 التافيل المصرى بتاعها زفت وبقيت كل مكونتها صينى
ولو ربنا ما وفقكش فى حاجة 2006 07 هات ال2011 احسن من جين 2 فى راى كتير
واى سؤال انا فى الخدمة
هو حضرتك اشمعنى ال ex؟
ماهي ب 92 و ال سوبر صالون ب 100 يعني فرق مش كبير
انا رأيي خليك في الصني اذا كانت اي اكس او سوبر صالون
لو هاتنزل عن الصني هتبقى الجين 2 افضل اختيار بعدها
و ربنا يوفقك
- الثبات و الأمان .. الاتنين واحد و السوبر صالون الجديده فل أوبشنز فيها نفس معاملات الأمان في الجين.
- قوة الموتور و الأداء .. الجين تكسب.
- العفشة .. الصني أنعم من الجين ، لكن نظام العفشة بتاع الجين متطور أكتر و بيعيش أكتر كمان .
- المتانة و الدهان .. اعتقد الصني .
- التوكيل .. الصني .
- قطع الغيار .. الصني.
الأوبشنز .. الجين .
الشكل .. الجين.
الاتساع .. الاتنين واحد.
الصالون الداخلي .. الجين.
من الآخر .. لو انت بتحب الجري و الحركات .. الجين .. لو بتحب البريستيج أكتر هات النيسان.
نسيت أضيف حاجة .. لو إي إكس .. يبقى الجين تكسب .. لو السوبر صالون يبقى الرد اللي فات معتمد.
لإن السوبر صالون هي اللي فيها : Abs - ebd
الصني : ياباني \ تقفيل مصري تعبان \ موتور قوي \ ثبات ممتاز \ عفشه ناشفه نسبيا \ قطع غيار متوافره نسبيا خارج التوكيل \ توكيل معقول \ اعاده بيع جيده
الجين : ماليزي \ تقفيل ماليزي تقريبا \ موتور قوي \ ثبات ممتاز \ عفشه متوسطه \ قطع غيار قليله نسبيا خارج التوكيل \ توكيل زفت \اعاده بيع سيئه
بس على فكره ياباشمهندس أحمد .. لو جربت العربيتين هتتأكد إن موتور الجين 2 أقوى و سحبها أعلى بكتير من الصني .
و أنا معاك فعلا في كل اللي قولته .. مقارنة حلوة.
اقتباس:
المشاركة الأصلية كتبت بواسطة dawns_mist
مجرد مداخلة ....
ال اي اكس مانيوال و اوتو فيها abs و ebd و ba حسب الطلب .. بتزود 3000 جنيه عن سعر اللي ما فيهاش
يعني مانيوال من غير abs سعرها 85000
بال abs سعرها 88000
وكذلك الاوتو 90000 وزود 3000 لل abs
اقتباس:
المشاركة الأصلية كتبت بواسطة eng_ahmed_90
كلامك جميل و مقارنة حلوة ...
بس اعذرني اخالفك ....
لان التقفيل المصري مش وحش للدرجة دي يعني ... ممكن نقول عادي مش تعبان
و العفشة مش ناشفة ناشفة يعني ..... عادية و ممكن تقوي مريحة جدا .... مع العلم اني لسه ما مليتش نيتروجين ... لما املا نيتروجين كمان هيبقى في اختلاف اكتر كمان
تقبل مروري
كل بتوووووووع البروتون هيقولوا جين 2
وكل بتوع النيسان هيقولوا ننيسااااااان
دة امر طبيعى
انا عايز اقول كلمه حق....انا عربيه ولدى نيسان وسقتها يمكن مرتين تلاته...بكرها كره العمى...وركبت الجين 2....عربيه شبابى جدا وتحفه ونفسى امتلكها
مش هدخل فى تفاصيل انما بصراحه ربنا النيسان اقيم وافضل كعربيه
والله مافيش تحيز للجين2 يا جماعة خالص .. أنا في كل الكلام بقول الصني تنفعك أكتر لو انت من النوع اللي بيحب البريستيج و قيمة العربية الياباني ، و الجين تو هتنفعك أكتر لو انت بتحب العربية اللي بتسمع الكلام و بتجري و مابتقولش لأ.
فين التحيز للجين 2 بقى ؟؟
الجين 2 من العربيات اللى كنت هجيبها لكن محصلش لمشكلتين
1- سعر اعدة بيع سيىء
2- قطع غيارها غالية على حاجة ماليزى
لو مش فارق معاك النقطتين دول هاتها و هتتبسط بيها اوى
شكرا جزيلا لكل المشاركات ... حفكر في كلامكم و استخير ... و ربنا يوفق ... دعواتكم...
نيســــــــــــــــــــــ ــــان صنى طبـــــــــــــــــــــــ ــعا ومتفكرش كتيــــــــــــــــــــــ ر
اليابانى يبانى
هههههههههههههه .... جزاك الله خيرا حبيبي في اللهاقتباس:
المشاركة الأصلية كتبت بواسطة mido_soliman
المشكلة ان كلامك جميل بس الصورة اللي في التوقيع اجمل ماشاء الله
ربنا يباركلك فيها ويرزقك خيرها ويكفيك شرها :flower4u: :flower4u:
ده جروب على الفيس بوك بيضم ملاك بروتون واهدافه تحسين مستوى التوكيل وتخفيض اسعار قطع الغيار وهيفيدكم اوي
اسم الجروب
( معا ضد غلاء قطع غيار سيارات بروتون في توكيل عز العرب )
لينك الجروب
Login | Facebook
تحياتي للجميع
إيه اللي غير رأيك فجأة كده يا ميدو باشا ؟؟؟اقتباس:
المشاركة الأصلية كتبت بواسطة mido_soliman
ابدا توكيل نيسان توكيل محترماقتباس:
المشاركة الأصلية كتبت بواسطة dawns_mist
طيب .. كلنا عارفين إن فرق التوكيل اكيد في مصلحة النيسان .. طيب و العربية كعربية .. و انت من ملاك جين 2 .. مين أقوى و أداء عالي ؟؟؟اقتباس:
المشاركة الأصلية كتبت بواسطة mido_soliman
هههههههههه
الموضوع مش بيتقاس كده يا بشمهندس خالص
الموضوع...توكيل...قطع غيار...اعتماديه...عمر افتراضى...تقفيل...خامات....وكل ه فى صالح النيسان
الجين 2 تتجاب فى حاله واحد...لو انا شاب وعايز عربيه شبابى وروشه....ساعتها النيسان مش هتنفعنى ببصله :)
اقتباس:
المشاركة الأصلية كتبت بواسطة ahmed_nubira
سؤال بس علشان انا حاسس ان الجين 2 بقت مقترنة بفئة عمرية معينة
هوة لية علشان اجيب جين2 لازم ابقى شاب وعايز الروشنة واحب الاسبايكى وكدة
لية مشتريش العربية لانها عربية فعلا شكلها جميل وموتور قوى وشاسية وعفشة محترمين وتكنولوجيا متطورة عن عربيات كورى كتير موجودة فى السوق بنفس الفئة السعرية ويمكن اغلى وفوق دة كلة فول اوبشن
لية لازم ابقى شاب واحب الروشنة
انا متجوز ومبشغلش غير ام كلثوم عندى فى العربية ومعايا جين2
انفع :)
:36_1_1[1]::36_1_1[1]:اقتباس:
المشاركة الأصلية كتبت بواسطة mido_soliman
مش فئه عمريه....الموضوع انى والدى لما حب يشترى عربيه...اشترى نيسان...مش هيركب جين 2 :36_1_1[1]:
ولا هوندا سيفيك 94 متسقطه ومتكسحه....النيسان عربيه كلاسيك...دة كل الموضوع...السبايكى مش داخل فى الحوار خالص....والعربيات الكورى شغاله كويس وفى منها افضل من الجين 2 زى السيراتو والالنترا
وانا اكتشفت الصراحه ان كل عربيه فى البلد دى على قد سعرها بالظببببببط
كل عربية فى البلد دى اللى هى مصر على قد سعرها بالظبط :((( اول مرة اسمع الجملة دى من مصرى عايش فى مصر :) دة على اساس ان العربيات هنا تمنها زى تمنها برة مصر وبالتالى دة سعرها على قد امكانياتها وكدة :)اقتباس:
المشاركة الأصلية كتبت بواسطة ahmed_nubira
:36_1_1[1]::36_1_1[1]: والدك مش حيركب جين علشان زوقة مش علشان سنة ولو بالسن فلو عندك معلومة ان اول واحد امتلك جين فى مصر اسمة الاستاذ خالد حمدى وهوة معانا هنا فى النايل وزى والدك ووالدى فى موضوع السن دة واشترى جين2 وعادى جدا :)
وبعدين العربيات الكورى شغالة كويس مانا عارف وربنا يخلي الشعب المصرى المساهم الاكبر فى اقتصاد كوريا :)
بس هوة على اى اساس ان السيراتو والالنترا احسن من الجين2 يعنى هوة دة رائيك ولا دة استطلاع اتعمل فى الشارع ولا مواقع اثبتت الحكاية دى علشان نسلم ان السيراتو والالنترا احسن من الجين 2
اللى تشوفو يا ميدو :)
اخي العزيز علي اساس بتقول ان توكيل بروتون زفتاقتباس:
المشاركة الأصلية كتبت بواسطة eng_ahmed_90
وايضا علي اساس ان عادة بيع سيارات بروتون سيئ
احب اوضح لكل الناس وده علي اساس التعامل مع التوكيل انه افضل التوكيلات في التعامل مع الناس واصحاب السيارات
وشكرا
أنا مش شايف إن توكيل الجين تو سيء للدرجة دي ، و مش شايف إن السيراتو أو الإلنترا أفضل من الجين 2 !!!