الموضوع: مطلوب e46 للبيع تقسيط

انا عايزك تصبر شوية ... لانك بتدور على عربية تكون نضيفة اوي وفي نفس الوقت قسط .. متستعجلش

بص انا هقولك على حاجه
انت هتركب حاجه انضف كتير من الكوري ودي ليه ضريبه
1- لازم تروح لميكانيكي متخصص في البي ام
2- قطع الغيار الاستيراد او الجديد لازم تجيبها من حد تكون بتثق فيه كويس اوي
3- الحرفيين في نصابين كتير وفيها محترمين كتير برده
فا لازم وانت بتشتري تكون فاهم


يعني مثلا انا كنت بغير شكمان فا بجيب الجيوان بتاعه كان سعيد النشار عايز يبعهولي ب 50 جنيه و هو مصري جرنجريت وسعره سبعه جنيه
فا لازم تكون مصحصح
انا بتعامل في قطع الغيار الاستيراد من عند مجدي بيومي في الحرفيين وهو جنب محمد السعدي بتاع اللانسر واسعاره كويسه وممتاز

وفي الجديد في كتير اوي بس لازم تكون مصحصح في الاسعار

وطبعا بالنسبة للموديل كل ما تزيد في الموديل يكون احسن
يعني لو وصلت ل 2004 او ل 2005 يكون احسن كتير وتركب عربية هاي لاين يكون احسن كتير

وفي بعض حاجات لازم تاخد بالك منها هقولك عليها لما تيجي تشتري

اما بالنسبة للمصاريف فا لو ركبت 2005 هتكون مصاريفها زياده شوية عن الكوري
واهم حاجه تعملها ساعة الشراء انك متكشفش على العربية في بنزينه ولا الكلام ده
انت هتكلف نفسك شوية وترفعها في التوكيل يبصو عليها
و لو عايز عربية بي ام محترمه جدا ممكن تشوف منيب اللي في مدينة نصر
ده شغال بي ام بس

160 الف كتير بس ممكن تكون حالتها كويسه .. اتأكد كويس