الموضوع: اكتر موقف مضحك حصل معاك من ولادك

المشاركة الأصلية كتبت بواسطة dr-mohamed

ههههههههههههههههه
كلنا في الهم شرق
اقصد في السعادة بيهم شرق
الهانم مريم سنتين وطبعا الشهرين اللى فاتوا التليفزيون مش بيشتغل غير على قنوات الاخبار اخر شهر فبراير مراتي مصممة تشوف التحرير اشمعني انت بتنزل قلت خدها هي والولاد من غير ما اقولهم رايحين فين وهوب في التحرير
طبعا هي من كلامي فاكرة ان التحرير كله ثورجية واصحاب مطالب وعايزين البلد تبقي احسن ووووووووووووووو الكلام اللى صدعت دماغها بيه
نزلنا وكانت ايام المولد اياه وطبعا الولاد اول ما لمحوا بتوع الرسم - كان فيه شباب ماسكين الوان وبيلونوا وجوه الاطفال - ولازم يرسموا علم مصر
المهم رسمنا العلم على الوجه وجبت لهم اعلام صغيرة والانسة مريم على كتف مامتها اول ما مسكت العلم فوجئنا بيها بتلوح بالعلم ومصر مصر تحيا مصر
مصر مصر تحيا مصر
وطبعا الحروف كلها داخلة في بعضها ومش واضحة وفطسنا انا ومامتها واخواتها عليها من الضحك البنت عاملة لي زعيمة ثوريجة من يومها

يا دكتور سيبها عشان تعرف تجيب حقها بعد كدا
انا بقى بنتى وزمايلها فى المدرسه امبارح
فجاءه طلعو كدا الشعب يريد اسقاط النظام
وبعدها قامو قالبين الفصل يريد مس مريم kg1