قدر الله و ما شاء فعل يا حبيبي و الحمد لله انك بخير و الحمد لله انها جت علي قد كدة
عرض للطباعة
قدر الله و ما شاء فعل يا حبيبي و الحمد لله انك بخير و الحمد لله انها جت علي قد كدة
قدر الله ماشاء فعل فداك الدنيا كلها
وان شاء الله تتعمل العربية على خير وترجع افضل من الاول
وياريت ترفعلنا صور العربية عشان نشوف معاك الخسائر , والاعضاء يقدروا يفيدوا حضرتك فى تقريب التكاليف والاصلاحات حتكون فى حدود كام
شكرا يا جماعة على شعوركم الطيب
الحمد لله العربية اتعملت
وخدتها من قصيرها وروحت عند سمكري بس شاطر بصراحه
ظبط الشنطه
والاكصدام استعدله
لكن المصيبة كلها كانت في العضم اللي ورا الاكصدام وتقريبا كان كل الشغل فيه
لكن مخليتهوش يشتغل في الرفرف الامامي أو الاكصدام الامامي لانهم هيحتاجو دوكو
المهم هو استعدل كل الحاجات على البارد
بالنسبة للتكلفة كانت مناسبة لحد ما
السمكرة كلفت 200 جنيه
الاكصدام كلف 70 جنيه
يعني إجمالي التكلفة 270 جنيه
وقدر الله وماشاء فعل
طيب الحمد لله رب العالمين
انها اتلمت وجت على قد كدا , طمنتنا
وان شاء الله كل الامور تكون بخير
المهم مين اللى اتحمل التكلفة دى فى الاخر اللى خبطتك ولا انت
الحمدلله انها جت علي اد كده و برافو عليك انك عرفت تظبط العربية عند حد انت واثق فيه
بص عفا الله عما سلف
بس الحكاية مش حكاية تعويض
الحكاية انها لازم تتعلم تمشى مصحصة بعد كدا , ومنتبه ومتتكلمش فى الموبيل
والستات بصراحة بيغلطوا كتير فى السواقة جدا وبيعلموا اخطاء تودى فى داهية
وانا واحدة قبل كدا خطبتلى العربية من الخلف والخطبة دى مقصرة على الودان اللى فى الاكصدام والوادان دى عملتها كذا مرة ومفيش فايدة بترجع تانى , عارف دى حتكلفنى ايه اكصدام جديد ورش حيدخله مش اقل من 1000 جنيه
وبعد ما مشيت وروحت اخدت بالى من ان الاكصدام من الجنب نازل , ولو كنت اعرف وهى واقفة بتكلمنى مكنتش سبتها
الواحد بيدفع دم قلبه فى العربية وبيجبها بعد طلوع الروح , سواء قسط او كاش , وبيعصر حاله , ويجى عالم مستهترة ويحرق فى دمك
فمش عارف اقولك ايه , شوف انت اللى ريحيك واعمله , لانها بتفرق من واحد للتانى
الحمد لله ان حضرتك بخير و ان شاء الله سليمة و ربنا يعوض عليك
عشان كده أنا بفكر أخد منها الفلوس
مش عشان حاجه بس عشان تتعلم انها تاخد بالها من الطريق
ثانيا ان العربية صعبت عليا من الخبطه دي
ثالثا وده الاهم اني مرديتش اصلحها في التوكيل ( مع إني مأمن عليها بس بتحمل جزء من التكاليف ) وكانت هتتحمل اكتر من كده كمان يعني حوالي 700 جنيه
الف سلامة يا برنس
الحمد لله انك بخير
وفداك مليون عربية
وكويس ان التكلفة بسيطة والحمد لله على كده