انذار السياره ضروري جدا محتاج رد

**monto1983** · 28-03-2011 01:37 AM

]السلام عليكم ورحمه الله وبركاته
المنتدي اكتر من هايل والناس كلهم بجد محترمين
انا لسه شاري عربيتي جديد وفي اسئله كتير في دماغي وبيتهيالي هلاقي الاجابات عندكم بأذن الله وسامحوني لو هطول عليكم
اولا انذار السياره عندي بيشتغل لما الباب يتخبط وحد يقعد عليها كده هل بقي ممكن اعلي السينسور بتاعها ولا مش اي انذار فيه الخاصيه دي ولو ينفع اعليه الزاي بحيث يبقي بمجرد اللمس انا مش عارف هو نوعه ايه ولا راكب فين بالظبط ياريت حد يقولي؟
ثانيا نزلت لقيت حد مجرح في العربيه كتير وعامل علامات اكس هل في حل للموضوع ده
ارجو الرد خصوصا علي سؤال الانذار ارجوكم بسرعه والف شكر]

**gaaz** · 28-03-2011 02:41 AM

اولا الف الف مبروك ياباشا على العربية وربنا يباركلك فيها
بالنسبة للانذار انا مش عارف نستني حد من المنتدى يكون عارف
بالنسبة للخرابيش فاهلا وسهلا بك في مصر
للأسف ملهاش حلول
ممكن بقى تجيب بوليش ودهانات وحوارات من اللي بتعالج الخرابيش بس كلها مش حتعمل حاجة اوي حتفضل برضو الخرابيش
ومعلش انا عارف انها خاحة غلسة اوي بس شوية شوية حتتعود على الوضع ده حاول تركن في حتة امان
وحاول تغطي العربية لما تبيتها

**monto1983** · 28-03-2011 01:49 PM

الف الف شكر لردك واهتمامك والله يبارك فيك وهحاول اعمل زي ماقولتيلي في الخرابيش متشكر ليك جدا
ونحاول نستني حد من المنتدي يقولي علي الانذار لانه مهم جدا بالنسبه لي والف شكر

**monto1983** · 29-03-2011 01:29 AM

ايه ياجماعه محدش عاوز يرد عليا ؟؟؟

**macdiv** · 29-03-2011 01:38 AM

عندك حل من اتنين ..يتكلم اللي شاريها منه و هيقولك حاطط الجهاز فين ..يااما توطي تحت التابلوه و تدور على علبه سوداء ٥سم في ٤ سم و هتلاقي فيها مكان لمفك او مقبض صغير و عليه علامه - و + .... هتلفه يمين او شمال عشان تقلل او تزود الحساسيه بتاعه الجهاز

**abdoelshazly** · 29-03-2011 01:51 AM

اولا ياباشا قولى المفتاح اللى معاك الريموت بتاعها مكتوب عليه ايه علشان نعرف نوع الانزار بس عموما تقريبا انت تقدر تعلى السينسور ودا عادة هتلاقيه تحت التبلوه تحت بين الدريكسيون والباب كدا . وعليه او وطيه زى ما انت عاوز .

ثانيا بالنسبه للخدوش ديه يا باشا ممكن تستخدملها بوليش لو هى مش عميقه اوى وان شاء الله هتروح بس خلى بالك وانت بتستخدم البوليش دا لانه هو اصلا فكرته بتقوم انه يسيح البويه وانت لما بتدعك وتنشرها بيمشى معاك فخلى بالك وياريت لو اول مره تعملها روح لاى حد واتعلم بيعملها اازاى احسن
بس كدا والف مبروك يا معلم على العربيه وربنا يديك خيرها ويكفيك شرها

**organic_magic** · 29-03-2011 10:51 AM

دا يازعيم شكل الجهاز اللي بتعلي وتوطي حساس الانذار منه هتلاقي حرفين H و L علشان تزود الحساسيه دور الزرار اللي فالنص ناحيه H بس خلي بالك لو قطه خبطت العربيه او عربيه نقل عدت من جمب عربيتك او حد مشغل الكاسيت في عربيته بصوت عالي الانذار هيشتغل عندك

بالنسبه للبوليش لازم تستخدمه بقطن (ابعد عن استخدام الفوطه ) وعلي ان تكون مرحله فرش البوليش في حركه دائريه

**monto1983** · 29-03-2011 02:28 PM

lمش عارف بجد اقلوكم ايه الف شكر بس الحقيقه معتقدتش انه تحت التابلوه عموما هدور عليه المفتاح تقريبا يامش مكتوب ياممسوح من عليه كل حاجه هوو بس عليه استيكر علي رقم طويل من ورا متشكر ليكم كلكم ولا اهتمامكم هدور عليه واقلوكم عملت ايه ربنا يباركلكم