الموضوع: بعد طول غياب .. عودة لوحوش اللوجان بأخبار حلوة!

أخييييراااااا وبعد طول غياب رجعت لقسم وحوش اللوجان .. بصراحة ماكنتش أقدر أوريكم وشى غير لما أنضم ليكم .. وبالتالي رحت إمبارح توكيل رينو فى سوهاج وحجزت لوجان اكسبريشن بترولي و بإذن ربنا هاستلم كمان عشر تيام والمفاجأة الظريفة ان العربية عليها عرض لحد أول ابريل تخفيض 2000 جنيه يعنى ب 69000 بدل 71000 والعرض ده نازل علي اللوجان من دون كل عربيات رينو وكيا بعد كده ف شهر ابريل هايرجعوها ب 71 .. انا مبسوط جدا وبادعي ربنا اكون أد المسئولية المهم من خلال كلامي مع الناس فى التوكيل عرفت انهم عملوا مركز صيانة فى أسيوط علي نفس مستوى العبور والمقطم وده عشان يخدم قطاع اسيوط و سوهاج والمنيا وبكده مش هانحتاج نسافر القاهره عشان الصيانات الدورية .. الخبر الأكتر جمودية ان بخلاف مركز صيانة اسيوط فيه مهندس قرر يعمل مركز صيانة خاص معتمد من رينو داخل مدينة سوهاج نفسها بس مستنى الترخيص وكده رينو سهلت علينا المشوار اكتر واكتر ومع انتشار اللوجان اكيد قطع الغيار هاترخص والصيانة هاتبقى أسهل وده خلانى أتمسك بالعربية اكتر .. باقي تعرفوا انى وانا باحجز لوجان اتفرجت علي السانديرو والعربية جميلة و شبابية وتحسها واقفه راسية زي البطة كده وعلي فكره شنطتها واسعه جدا جدا خصوصا لما تشيل الرف اللي ورا تحس انها بقيت شنطة شيروكى أو هامر بس الحكاية أذواق وانا حابب شكل اللوجان إدعولي استلم علي خير و ياريت وحوش اللوجان في سوهاج يدلونى علي حد كويس اظبط عنده ضغط العجل وحد اشتري منه غطا ليها ..