إلحقوني محل السندويتشات اللي بشتري منه طلع بتاع حمير

**SaLM!Na** · 17-04-2008 01:04 AM

و الله فكرتني بفيلم محمد هنيدي "يا انا يا خالتي"
لما احسن حسني اخده لمطعم و عزمه و قعد يفكره انه كان بيجيب مراته الله يرحمها " اللي اكيد ماتت من كده" و يعزمها في المطعم ده
و في الاخر اكتشفوا انها لحمة حمير
بجد موقف مضحك جدا
بس لما يبقى بجد يبقى البلد دي لازم يتولع فيها

**MM_Mohsen** · 17-04-2008 01:41 AM

يا جماعة لحم الحمير مش كله واحد .. فى بتلو جحشى ينفع اسكالوب .. و فى كندوس حميرى درجة اولى معتبر لكباب الحله ..والمصارين لزوم الكفته و السجق ..والكبده بستنفع بيها محلات السندوتسات و متنسوش برضه ال ...بحجمه الهائل كله فيتامينات و معادن .. و فى النهاية كلها لحمة ...
ليه الحمير مظلومة كده دايما معانا على طول ؟؟ اليست هذه الحمير التى نسخر منها شقيانة بتشيلنا فى الارياف احلى من اى مرسيدس و بتوفر فى الطاقة و متعملش تلوث و كمان من افترانا و قسوتنا عليها بنلهلب جتتها بالكرباج عشان تسرع و ترضى بقليلة شوية برسيم و لما تموت بدل ما نكرمها و ندفنها بنسلخها ع الترعة و ناكلها بدل ما احنا مش لاقيين العيش .. و برضو مش عاجبنا و بنتأفف من اكلها ...... ظلم الانسان لاخيه الحمار !!

**Dr Ahmed** · 17-04-2008 01:51 AM

المشاركة الأصلية كتبت بواسطة MM_Mohsen

يا جماعة لحم الحمير مش كله واحد .. فى بتلو جحشى ينفع اسكالوب .. و فى كندوس حميرى درجة اولى معتبر لكباب الحله ..والمصارين لزوم الكفته و السجق ..والكبده بستنفع بيها محلات السندوتسات و متنسوش برضه ال ...بحجمه الهائل كله فيتامينات و معادن .. و فى النهاية كلها لحمة ...
ليه الحمير مظلومة كده دايما معانا على طول ؟؟ اليست هذه الحمير التى نسخر منها شقيانة بتشيلنا فى الارياف احلى من اى مرسيدس و بتوفر فى الطاقة و متعملش تلوث و كمان من افترانا و قسوتنا عليها بنلهلب جتتها بالكرباج عشان تسرع و ترضى بقليلة شوية برسيم و لما تموت بدل ما نكرمها و ندفنها بنسلخها ع الترعة و ناكلها بدل ما احنا مش لاقيين العيش .. و برضو مش عاجبنا و بنتأفف من اكلها ...... ظلم الانسان لاخيه الحمار !!

بصراحة بعد عرض فوائد الحمير المتعددة دى مع وضوح الظلم الواقع عليها ، وتعويضا للحمير كلها فأنا شايف إننا لازم نكّرمهم إما بتمثال كبير فى ميدان رمسيس (ميدان الحمار مستقبلا) أو بطبعة على ظهر العملة النقدية أو وضع صورته على أختام الوزارات والهيئات بدل النسر اللى مالوش لازمة.

**islamkhidr** · 17-04-2008 02:11 AM

لا حول ولا قوة إلا بالله

حسبى الله ونعم الوكيل

معلش يا كمارو يا خويا ربنا سترها

خلى بالك على نفسك بعد كدة

**gade2** · 10-10-2008 07:19 PM

لحم الحمير لا يضر فى شئ

**MEDO80** · 10-10-2008 07:30 PM

المشاركة الأصلية كتبت بواسطة Dr Ahmed

بصراحة بعد عرض فوائد الحمير المتعددة دى مع وضوح الظلم الواقع عليها ، وتعويضا للحمير كلها فأنا شايف إننا لازم نكّرمهم إما بتمثال كبير فى ميدان رمسيس (ميدان الحمار مستقبلا) أو بطبعة على ظهر العملة النقدية أو وضع صورته على أختام الوزارات والهيئات بدل النسر اللى مالوش لازمة.

فعلا بالمناسبة النسر دا الي هوا موجود علي العلم اسمة نسر صلاح الدين لانة كان بيتحط ايام الناصر صلاح الدين الايوبي

و كان رمز للامة علي ما سمعت من بعض المصادر لانة كان موجود من ايام زمان
بس في حالة غيرناه للحمار الي بقي عضو مؤثر و فعال في جميع جوانب حياتنا

اليومية بدل نسر صلاح الدين التاريخي
حيبقي الحمار بقي حنسمية حمار مين ؟
نيههههههههههههههه