الموضوع: لو سمحتو مساعدة أهل الخبرة

اولاً : السلام عليكم ورحمة الله وبركاته .
ثانياً : ال Ninja ZX-6R الكوساكى مالوش قطع غيار فى مصر وخليك فى الهوندا احسن للأن قطع الغيار متوفرة و الدنيا سهلة فية هناا فى مصر .
ثالثاً:قال عمدة نيل موتورز الاتى :قال جلال أبو الفتوح مستشار وزير المالية لشئون الجمارك إنه تم تخفيض الرسوم الجمركية على الدراجات النارية إلى 10% ، وذلك بالنسبة للدراجات العادية ، أما التي تتجاوز سعة إسطواناتها 50 سم3 ولا تتجاوز 500 سم3 فتبلغ رسومها الجمركية 20% ، ونفس النسبة لرصاص الأقلام الأسود والملون ، وبالنسبة لسنون الأقلام فتم تخفيض رسومها إلي 2% فقط.


مثال بسيط:

هوندا cbr 250 موديل 2009 تكنولوجيا يبانى تصنيع صينى
سعرها 1800$ =9900 جنيه
الجمرك 20% = 1980 جنيه
تكلفة الشحن = تقريبا 1000 جنيه

يبقى القيم الاجمالية = تقريبا 13000


-فيه حاجة اسمها قيمة الفاتورة و حاجة اسمها القيمة المقبولة جمركيا

الفاتورة و مفهومة

المقبولة جمركيا يعني القيمة اللي المأمور وافق عليها و قد تكون هي قيمة الفاتورة او اعلى او اقل

و دي اللي انت بتتحاسب بيها

يعني انت جايب بايك الفاتورة بتقول 2000 دولار مثلا يعني 11 الف جنيه

بس هو شايف انها ب 20 الف جنيه مش 11

هيحاسبك عالاساس ده

الجمرك بتاع البايك 20% و ضريبة المبيعات 10% بس تراكميا

يعني ايه

يعني لو نفترض القيمة المقبولة 10 الاف جنيه

الجمرك 20% يعني 2000

يبقى البايك + الجمرك = 12 الف جنيه

ضريبة المبيعات بتبقى عالبايك + الجمرك

ضريبة المبيعات 10% من ال 12 الف مش ال 10 الاف

يعني 1200 جنيه

يبقى الاجمالي 13200

يبقى الضريبة و الجمرك 32% مع بعض ....

- النسبة 32% ثابته من سعر الموتوسيكل + الشحن

يعني لو الموتوسيكل ب 20 الف و الشحن ب 5 الاف يبقى 25 الف ..... احسب 32% منهم يبقى 8 الاف جنيه

اخر حاجة احب اقولها ان القيمة المقبولة تشمل تمن البايك من البلد اللي هي جاية منه + الشحن و التفريغ

مفيش حظر على استيراد الموتوسيكلات المستعملة ...... الحظر على استيراد الموتوسيكلات ذات المحرك ذو

الشوطين two-stroke engine ولايشترط ان يكون البايك موديل السنه او انك تكون مالك اول زي السياره ......................................منقول من العمدة : {yasrco} اتمنى ان تكون استفدت وشكراً