الموضوع: جين 2 2010 اوتوماتيك

1-ماركة السيارة : Proton Gen-2 بروتون جين 2
2-الموديل/السنة: 2010
3-عدد الكيلومترات: 12000
4- نوع ناقل الحركة ( مانيوال - أوتوماتيك - ستيبترونيك ): اوتوماتيك
5-لون السيارة : رمادى ....llic grey
6-الكماليات (كاسيت-تكييف-زجاج كهرباء-باور) : جميع الكماليات parking sensor + fog lights + abs + 2 airbags + aux input
7-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) : فابريكة
8-حالة الدواخل (رشة مناطق كذاوكذا او فابريكة) : فابريكة
9-حالة الصالون (معقول-جيد-جيد جدا - ممتاز- حالة نادرة) : ممتاز
10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) : ممتازة - مازالت بالضمان - صيانات دورية بالتوكيل عز العرب بالطريق الصحراوى بالفواتير - السيارة مؤمن عليها تأمين شامل
11-حالة البطارية : ممتاز
12-حالة الكاوتش (جديد او مستعمل كام كم؟) : الكاوتش الاصلى
13-السعر المبد ئي كام (هل قابل للتفاوض او نهائي ) : 81 الف قابل للتفاوض المعقول
14-اسم صاحب الاعلان ورقم هاتفة : عمر نبيل 0111616132 رجاء الاتصال بعد الساعة الثالثة مساءا
15-تاريخ انتهاء الرخصة؟ 12-2012
16-اول يد او ثاني او ثالث الخ الخ : اول يد
17- اشتراط التسجيل
18-حالة الموتور : ممتازة - جميع صياناته بالتوكيل - استعمال خفيف
19-مكان المعاينة : الهرم - الجيزة
20- سعة المحرك اللترية و عدد السلندرات : 1600cc - 4 cylinder

ممكن النهائي غلى الخاص

تم الرد ..

للرفع

النهائي غلى الخاص

تم الرد ...

المشاركة الأصلية كتبت بواسطة د.اشرف هنداوى

انا شايف مع حضرتك ميجان و فلوانس

هل المقارنة بينهم و بين الجين لصالحهم بفرق شاسع و هو دا سبب البيع ؟

او ايه سبب البيع لو ما فيش مانع من ذكره

و شكرا مقدما

هو سبب البيع ان الشارع عندنا مبقاش فيه مكان للـ 3 عربيات عشان فيه عمارتين جداد بيتم بنائهم فى الشارع بس و ممكن الناس تشوف انه سبب يعنى اى كلام بس العربية كل يوم بتبات على الشارع الرئيسى و الدنيا دلوقتى مش امان خالص فيه كام عربية اتسرقت من المنطقة و احنا حاليا مش محتاجين العربية بنسبة كبيرة اوى متساويش القلق اللى بنعيشه عليها كل يوم

اما بالنسبة للمقارنة فالميجان و الفلوينس فئة اعلى من الجين 2 .. الفرق بين ثمن الفلوينس و الجين حوالى 50 الف جنيه يعنى اكثر من نص ثمن الجين 2

بس و الله الجين 2 بتتفوق فى حاجات عنهم و ان كان تفوق الفلوينس و الميجان اكثر و دا طبعا راجع ان هم فئة اعلى

يعنى مثلا سحب الجين 2 اعلى من الاثنين

الجين 2 فيها اوبشنز مش موجودة فى الاتنين زى الباركينج سنسور و سى دى الميجان اوديو اما سى دى الجين 2 ام بى ثرى و الجين عموما فيها اوبشنز بتتفوق على عربيات كثير فى الفئة السعرية بتاعتها

تكييف الجين 2 احسن من تكييف الميجان بمراحل

الجين 2 ثباتها عالى جدا بس طبعا الميجان و الفلوينس برضه من العربيات الثابتة جدا

الميجان و الفلوينس القعدة فيهم تحس بالراحة اكثر بس الجين 2 تحس انك قاعد فى عربية رياضية اكثر و دا بيعززه صوت الموتور و فلتر الـ iafm

و الله زعلان عليها بس الميجان لو اتباعت هتجيب اقل من تمنها كثير و لازم فى الفترة ديه اننا نبيع عربية من التلاتة

عموما حضرتك لو بتفكر فى جين 2 حتى لو زيرو فأنصح حضرتك بيها .. احسن عربية تحت الـ 100 الف من رأيى و لو هشترى عربية تانى تحت الـ 100 الف مش هجيب غيرها بالذات بعد ما سعر البونتو الايفو غلى و بقت المقارنة محسومة 100% للجين 2

المشاركة الأصلية كتبت بواسطة tlrsiap

طب يا باشا بصفتك معاك الاتنين, في رأيك اللي بيفكر يشتري , يجيب جين 2 اتوماتيك جديدة ولا ميجان2 موديل 2008 كاملة و حالتها نضيفة مثلا , انهي فيهم تبقى افضل ؟

و الله يا باشا الاختيار صعب اوى بين الاتنين يعنى الزيرو زيرو برضو و متأكد من العربية 100% و الاحساس بتاع الزيرو مختلف برضع .. و الجين بصراحة عربية ممتازة فى الفئة بتاعتها .. موتور فاجر و ثبات جامد و اوبشنز عالية و شكل جامد .. الواحد عايز ايه اكثر من كده فى عربية فى الفئة ديه و ان كان يعيبها ان الخامات مش قد كده اوى بس طبعا تقريبا فى نفس مستوى خامات الفئة بتاعتها ..

الميجان 2 عربية تحفة بكل المقاييس .. بالذات الكاملة .. انا بحسد كل اللى عندهم سقف بانوراما .. بصراحة اوبشن تحفة .. بس المانيوال للأسف منزلش منها بانوراما .. القعدة جوه الميجان مريحة و تحس انك فى صالون فاخر كده .. القعدة فى الجين مريحة برضه بس بتميل للرياضية اكثر و الدريكسيون بيديك الاحساس ده كمان .. الجين 2 احسن فى الجرى و الغرز و كده عشان البدى بتاع الجين اصغر و احسن فى الجرى و ماتورها تحت الـ 100 اشد كثير من الميجان بالذات فى الطلعة من الثبات الجين تتفوق و بشدة .. بصراحة العربيتين احسن من بعض يعنى

مش عارف بس لو احتياجاتك فى العربية جرى و غرز و كده الجين تكسب

لو عايز عربية مريحة و قعدة ملوكى يبقى الميجان ..

بس برضه الجين بتتفوق انها زيرو و الزيرو طبعا احسن من اى مستعمل مهما كانت حالته كفاية انك عارف انك اول حد يركب العربية

الميجان تتفوق ان هى هتبقى ارخص من الجين كثير مع انها فئة اعلى اصلا بس السوق المصرى بقى

و لو عندك اى استفسار عن اى واحدة فيهم انا موجود يا باشا