جين 2 2010 اوتوماتيك

**ahmedsql** · 14-04-2011 06:50 PM

أولا ربنا يباركلك في البيع .
ثانيا شكلنا كدة جيران على شارع العروبة , هي الفلوانس المعاك لونها أحمر او سمني ؟

**Mohab.Nabil** · 14-04-2011 11:17 PM

المشاركة الأصلية كتبت بواسطة tlrsiap

طب يا باشا بصفتك معاك الاتنين, في رأيك اللي بيفكر يشتري , يجيب جين 2 اتوماتيك جديدة ولا ميجان2 موديل 2008 كاملة و حالتها نضيفة مثلا , انهي فيهم تبقى افضل ؟

و الله يا باشا الاختيار صعب اوى بين الاتنين يعنى الزيرو زيرو برضو و متأكد من العربية 100% و الاحساس بتاع الزيرو مختلف برضع .. و الجين بصراحة عربية ممتازة فى الفئة بتاعتها .. موتور فاجر و ثبات جامد و اوبشنز عالية و شكل جامد .. الواحد عايز ايه اكثر من كده فى عربية فى الفئة ديه و ان كان يعيبها ان الخامات مش قد كده اوى بس طبعا تقريبا فى نفس مستوى خامات الفئة بتاعتها ..

الميجان 2 عربية تحفة بكل المقاييس .. بالذات الكاملة .. انا بحسد كل اللى عندهم سقف بانوراما .. بصراحة اوبشن تحفة .. بس المانيوال للأسف منزلش منها بانوراما .. القعدة جوه الميجان مريحة و تحس انك فى صالون فاخر كده .. القعدة فى الجين مريحة برضه بس بتميل للرياضية اكثر و الدريكسيون بيديك الاحساس ده كمان .. الجين 2 احسن فى الجرى و الغرز و كده عشان البدى بتاع الجين اصغر و احسن فى الجرى و ماتورها تحت الـ 100 اشد كثير من الميجان بالذات فى الطلعة من الثبات الجين تتفوق و بشدة .. بصراحة العربيتين احسن من بعض يعنى

مش عارف بس لو احتياجاتك فى العربية جرى و غرز و كده الجين تكسب

لو عايز عربية مريحة و قعدة ملوكى يبقى الميجان ..

بس برضه الجين بتتفوق انها زيرو و الزيرو طبعا احسن من اى مستعمل مهما كانت حالته كفاية انك عارف انك اول حد يركب العربية

الميجان تتفوق ان هى هتبقى ارخص من الجين كثير مع انها فئة اعلى اصلا بس السوق المصرى بقى

و لو عندك اى استفسار عن اى واحدة فيهم انا موجود يا باشا

**Mohab.Nabil** · 14-04-2011 11:19 PM

المشاركة الأصلية كتبت بواسطة ahmedsql

أولا ربنا يباركلك في البيع .
ثانيا شكلنا كدة جيران على شارع العروبة , هي الفلوانس المعاك لونها أحمر او سمني ؟

الف شكر يا باشا .. ان شاء الله

انا ساكن فى ترسا يعنى جيران برضه

الفلوينس بتاعت والدى و هيا لونها نبيتى فعلا

**klumzo** · 19-04-2011 02:06 AM

السعر النهائي علي الخاص

**تامر.محمد** · 19-04-2011 02:24 PM

المشاركة الأصلية كتبت بواسطة rs12

و الله يا باشا الاختيار صعب اوى بين الاتنين يعنى الزيرو زيرو برضو و متأكد من العربية 100% و الاحساس بتاع الزيرو مختلف برضع .. و الجين بصراحة عربية ممتازة فى الفئة بتاعتها .. موتور فاجر و ثبات جامد و اوبشنز عالية و شكل جامد .. الواحد عايز ايه اكثر من كده فى عربية فى الفئة ديه و ان كان يعيبها ان الخامات مش قد كده اوى بس طبعا تقريبا فى نفس مستوى خامات الفئة بتاعتها ..
الميجان 2 عربية تحفة بكل المقاييس .. بالذات الكاملة .. انا بحسد كل اللى عندهم سقف بانوراما .. بصراحة اوبشن تحفة .. بس المانيوال للأسف منزلش منها بانوراما .. القعدة جوه الميجان مريحة و تحس انك فى صالون فاخر كده .. القعدة فى الجين مريحة برضه بس بتميل للرياضية اكثر و الدريكسيون بيديك الاحساس ده كمان .. الجين 2 احسن فى الجرى و الغرز و كده عشان البدى بتاع الجين اصغر و احسن فى الجرى و ماتورها تحت الـ 100 اشد كثير من الميجان بالذات فى الطلعة من الثبات الجين تتفوق و بشدة .. بصراحة العربيتين احسن من بعض يعنى
مش عارف بس لو احتياجاتك فى العربية جرى و غرز و كده الجين تكسب
لو عايز عربية مريحة و قعدة ملوكى يبقى الميجان ..
بس برضه الجين بتتفوق انها زيرو و الزيرو طبعا احسن من اى مستعمل مهما كانت حالته كفاية انك عارف انك اول حد يركب العربية
الميجان تتفوق ان هى هتبقى ارخص من الجين كثير مع انها فئة اعلى اصلا بس السوق المصرى بقى :ka_che1[1]:
و لو عندك اى استفسار عن اى واحدة فيهم انا موجود يا باشا

تسلم و الله يا باشا
انا حاسس ان الاتنين عاجبينك اوي
بس انا حاسس من كلامك ان اللي عاجبك في الجين هو السحب و الغرز , و حاسس ان الميجان تتفوق في الباقي