الموضوع: أوكتافيا 98 ولا نيسان 2002

المشاركة الأصلية كتبت بواسطة hamadakaboo

أنا رأيى أن الأوكتافيا لو حالتها كويسة توكل على الله لإن الصنى تأفيل مصرى و ما أدراك ما هو التأفيل المصرى:
الصاج الخارجى خفيف زى كل اليابانى (نفس صاج اللانسر والكورولا)، المفتاح مش بيخرج من الكونتاكت غير والفتيس على وضع البارك(بالنسبة للأوتوماتيك فقط)، استهلاك البنزين عالى شوية(مع ملاحظة ان سيارتى اوتوماتيك)بتعمل ال 200 جوة البلد بالعافية،الكاسيت صوته عادى جدا، الإيريال يدوى،الكنبة الخلفية مافيهاش مخدع، لما بيكون راكب معايا واحد قدام و 2 ورا الشكمان بيحك فى المطبات ، بس برضه انا لما شفت العربية وهى مرفوعة مقلقتش من الحك لأن الشكمان هو اللى بيحك وهو متركب على حوامل كاوتش بتاخد وتدى، صوت الهواء اسفل السيارة يكون مسموع فى السراعت العالية(بعد 110 )

كنت عايز اخد رأيكم فى مشكلة ظهرت عندي فى دهان العربية نيسان صنى 2008
انا اشتريت العربية فى شهر 11\2007 موديل 2008 و لونها فضي و بعد شهرين لقيت بقع بيضاء على السقف و الكبوت والشنطة عاملة زي ما تكون ما رشيتش عربيتك من 20 سنة او زي ما يكون عندها بهاق ( ربنا يشفيها )
روحت مركز الصيانة يونايتد جروب و المهندس هناك استغرب جدا من شكل العربية و راح مكلم مسئول الضمان فى المصنع و جت بعدها بأسبوع لجنة من مهندسين فى الضمان و الدهان و قعدوا يصورا العربية و قالولي تفسير انا عايز اخد رأيكم فية : قالوا ان البقع دية سببها الرطوبة و الورق الأبيض بتاع الفابريكة انا مشيت بية كتير ( مع العلم انني مستلم العربية من غير الورق ده ) و قولتلهم كده .( انتو شايفين الكلام ده منطقى ؟؟)
المهم اتفقوا معايا على معاد اوديلهم العربية المصنع فى 6 اكتوبر علشان يسخنوا العربية علشان البقع تختفى .
و ديت العربية و روحت تاني يوم استلمتها بصرراحة ناس محترمين جدا و زوق بس فين رضائي عن عربيتى و عن جودتها
بس الحمد للة استلمت العربية و انا سعيد علشان البقع راحت
بس الفرحة ما تمت و بعد 4 ايام لقيت البقع رجعت تاني فكلمتهم و الناس ابدوا إهتمام و ووديت العربية تاني و المرة دية كان موقفى مختلف تماما عرضوا عليا عدد من الحلول :
1 - نعمل العربية تاني بنفس الطريقة ( و طبعا رفضت )
2 - نغير الكبوت و الشنطة و نسخن السقف بس ( طبعا طبعا رفضت )

و انا طالبت بإسترداد قيمة العربية او الإستبدال
لقيت ان طلبي ده من سابع المستحيلات و قولتلهم انا ما ليش ذنب فى كل ده انا بحب اشتري عربية زيروا علشان راحت البال و الميكانيكية مش علشان كل شوية اروح اسخن فيها و الله اعلم السخونية دية بتأثر على الكاوتش او الأجزاء البلاستيكية او دفيرة الكهرباء او خراطيم البنزين

معلش طولت عليكم بس لو حد يقدر يفيدنى او يقوللى اعمل اية
انا بجد مستاء جدا و لو حد فيكم مكاني يعمل اية
انا ححاول احط صور للعربية
الحمد للة

العربية هادية و ثابتة و ادائها كويس لكن التقفيل المصرى طبع عليها، تلاقى الخامات الداخلية سيئة و التقفيل فيه فراغات لكن من برة شكلها كويس، الخلاصة العربية سعرها اغلى من قيمتها الحقيقية بعد ما لعبوا فيها فى مصر وفى بدائل يابانية 100% زى اللانسر احسن منها و بنفس السعر.

انا مع الاستاذ عمرو العربية ناعمة و ظريفة بس طبعا زي ما كلنا عارفين التقفيل المصري
انا سوقت واحدة 2007 الخامات ضعيفة جدا و بعدين كنت بجرب مع كرولا 2005 1300 و المشكلة انو كان قايل معايا
و بعدين التابلوه وحش جدا مقارنة بعربيات كتير في نفس الفئة مع ان التيدا ارقى من الصني جدا
بس اسمع ان العربية عملية جدا
و بعدين انا ليا راي فب موضوع التقفيل في مصر عشان نتكلم ب موضوعية
في مثل بيقول ادي العيش لخبازه احنا عمالين نخدع نفسنا اننا بنجمع كويس و لحد دلوقتي الكلام ده غلط
و مفيش حد راضي عن التقفيل المصري حتى اصحاب العربيات نفسهم
و انا مش حتكلم عن الصني لا عن المرسيدس و ال bmw اعرف ناس ركبوا المصري و الالماني طبعا الالماني يكسب
شكرا


و لعلمك كل دى أراء أنا جبتها من أقوال الأعضاء هنا فى المنتدى

فىالحقيقه المشكله بتاعة حضرتك ممكن تكون فى اى سيارة حتى لو متقفلة فى المريخ والتقفيل المصرى مهوش عار ولاحاجة ولاكن احنا سبب العار الاساسى

مممممممممممممم شـــــــــئ محــــــــير
العربيتين حلوين
بس تقديري الشخصي
النيسان أجدد موديل أحدث

لو الأثنين حالتهم كويسة
يبقى الأجدد
لو الأوكتافيا حالتها أحسن يبقى الأوكتافيا
برضه الأوكتافيا أقدم 4 سنين

بُص قارن مقارنة عامة ما بين السيارتين
يعني أولا حالة العربية العامة ( موتور و عفشة و صاج و .......الخ )
كمية الكماليات المتاحة في كل عربية
أسعار قطع الغيار و الصيانة

لو الأثنين تساووا ........... يبقى أشتري الأجدد

اعتقد بلاش اوكتافيا عشان العربيه هتلاقها استهلكت و قطعا غيارها غاليه على موديلها