الموضوع: جروب جديد على الفيسبوك: مليونية لعودة مبارك رئيس

كنت بتكلم مع واحد على النت قبل كده دماغه عاملة زي دماغ العالم دي
بيقوللي: انت فرحان بالثورة؟
أنا: آ طبعا فرحان ، هو ده سؤال يعني؟
هو: أنا بقى مش فرحان
أنا: ليه؟
هو: ما كانش لازم الريس يخرج بالطريقة دي؟ مش هو السبب في كل اللي بيحصل
أنا: قلت له أمال مين اللي كان السبب؟
هو: الحزب الزفت الواطي والحكومة
أنا: ومين كان رئيس الحزب؟ ورئيس الحكومة؟ ورئيس الشرطة؟
هو: مبارك ، بس هو ما كانش يعرف
أنا: لو كان مبارك ما يعرفش فالمصيبة أكبر بكتير
هو: (سكت وغير الموضوع فورا :d)

ربنا يهديهم

المشاركة الأصلية كتبت بواسطة ahmed-moga

لأنهم واثقين ان الثوره بدأت في الزوال والموت بعد ما تم فض المتظاهرون وارجاعهم لبيوتهم وبعد ان يأس الشعب وحس بأنه لا يوجد احد يسعي في تحقيق اهم مطالبه وهي العيش في حياه كريمه بعد ماوقف مع المتظاهرين وساندهم في ثورتهم من اجل هذه الغايه والتي كانت من اهم اسباب قيام الثوره فأذا هم الأن منشغلون في بحر السياسه والحكم والدستور
وبعد ماوجدوا ان الظروف اصبحت في صالحهم من خلال القوانيين التي تسن للقضاء علي الثوره والثوار وبعد ماتم تخويف الشعب من الأسلام والمسلمين وقيام الدوله الأسلاميه
غير قادة وجنود الثوره المضاده الذين تم الأستعانه بهم لعمل تشويش عقلي للشعب والذين اشهد لهم بالبراعه وحسن الأختيار في تأدية دورهم المطلوب منهم علي اكمل وجه حتي الأن
ياتري شوفتوا الخبر ده
محامون مصريون يطالبون بعودة مبارك

أقام عدد من المحامين الشبان، يطلقون على أنفسهم "شباب محامي مصر الحر"، دعوى قضائية أمام مجلس الدولة يطعنون في قرار الرئيس السابق حسني مبارك التنحي عن السلطة.

وقال المحامون الشباب ببطلان قرار التنحي، وطالبوا بعودة مبارك مرة أخرى إلى سدة الحكم لاستكمال مدته الرئاسية التي كان مقررا لها أن تنقضي في سبتمبر/أيلول المقبل.

وأكد رافعو الدعوى -وهم المحامون ثروت محمد صالح، ومحيي كامل راشد، وحمدي سيد مهني- أن دعواهم المرفوعة تستند على المواد 74 و152 والمادة رقم 1 من القانون رقم 174 لعام 2005، التي تستوجب عرض أي قرار رئاسي يخص الشعب للاستفتاء العام وهو ما لم يحدث، مما يجعل القرار باطلا بحسب نص الدستور المصري

وأضاف المحامون أنه بناءً على مواد الدستور السالف ذكرها فإن قرار مبارك التنحي يعتبر باطلا، ومن حقه أن يتراجع عنه خلال 60 يوما من إصداره.

ويرى رافعو الدعوى استنادا لتلك المواد أن مبارك ما زال دستوريا هو الرئيس الشرعي للبلاد، ولا يمكن أن يدخل قراره حيز التنفيذ قبل أن يستفتى الشعب عليه.

كما اعتبروا قرار مبارك تفويض المجلس الأعلى للقوات المسلحة لإدارة شؤون البلاد مخالفا للدستور.
كل ده ومش عايزين ده يحصل

ولسه يا احمد باشا


بص اللى بدأ الطريق لازم يكمله

اللى ينخع فى اول الطريق يبقى يستاهل اللى يجراله

مبيدان التحرير فاضى بقاله اد ايه اهو حد يقوللى ايه اللى حصل ؟؟؟؟؟؟؟ البلد رجعت لحالها تانى ؟؟؟؟

الناس اختلفت واتفرقت وكل واحد بقى بيدور على مصلحته هو فقط

ده كان الهدف من فض الاعتصام اللى فى التحرير التفرقه ثم التفرقه ثم التفرقه

المشاركة الأصلية كتبت بواسطة thedeveloper87

الثورة بتتسرق مننا واحنا شغالين هنا في القيل والقال ، والنقد في فلان وعلان ومشغولين ببعض

فوقوا بقى ، اصحوا يا مصريين!!!!

ده هدفهم فرق توصل
ويرمولك حاجات تتلهى بيها وهما يعملو اللى عاوزينه

فكرين زمان لما كانو يحبو يلهو الشعب يعملو ايه

ماتش كوره

واتفرج بقى على الناس قبل وبعد الماتش يامعلم