YouTube - ‫ط§ظ„ط±ظ‚طµ ط¨ط§ظ„ظ…ط·ط§ظˆظ‰ ط£ظ…ط§ظ… ظƒظ„ظٹط© ط§ظ„ط.ظ‚ظˆظ‚ ط¨ظ€"ط¹ظٹظ† ط´ظ…ط³"‬‎
عرض للطباعة
و نِعمَ الحرية
هكذا يسيء البلهاء للحرية التي صنعها الشرفاء.
يجي الناس الى كانت بتقول مفيش سلاح او مطاوي مع الطلبة في الجامعة يشوفوا
وكمان الصوت بتاع الدي جي عالي بشكل غبي يشوش على اي محاضرة
وبعدين جامعة دي ولا فرح شعبي
وايه الشباب اللي بترقص دي ؟؟؟؟؟
صبرنا يا رب
من صديق داخل الجامعة قال ان دول الطلاب اللى ضد الوقفات الاحتجاجية و الاعتصامات اللى جوة الجامعة و اما زهقوا من الكلام مع المعتصمين جابو الحاجات دى عشان و عملوا كدة عشان يخنقوا على المعتصمين جوة
بس برده
ان مذهوووووووووول
فيهم ناس مينفعش يتقال عليهم انهم طلبة حقوق بل مجرد بلطجيه
واساسا ايه سبب الأحتفال وخلاهم جابو الدي جي اكيد فيه شباب جايه من بره طريقة رقصهم وحركتهم بتقول كده متنساش ان حاليا الجامعات لايوجد تأمين لها حتي الأن
دقق النظر هتلاقي طلبه محترمين واقفين بيتفرجوا وهما مستغربين
طيب خد الخبر ده
اليوم السابع | إصابة شخص فى مشاجرة بجامعة الفيوم
شهدت جامعة الفيوم مشاجرة استخدمت فيها الأسلحة البيضاء، حيث أصيب شاب وتم نقله للمستشفى الجامعى وأخطرت النيابة التى تولت التحقيق.
كان مستشفى جامعة الفيوم استقبلت الشاب " م.إ " (19 سنة) مصابا بست طعنات فى أنحاء متفرقة بالجسم وقطع فى شريان ساقه، حيث تبين أن الشاب كان بصحبة شقيقته الطالبة بالجامعة لسداد المصروفات الجامعية، وقام أحد طلاب كلية دار العلوم بمعاكستها مما آثار شقيقها الذى عاتبه على ذلك ولكن العتاب تطور إلى مشادة ومشاجرة استعان فيها الطالب الجامعى بزملائه، وأخرج الطالب مطواه وسدد له طعنات فى أنحاء متفرقة من الجسم، حيث وتم نقله للمستشفى الجامعى وأخطرت النيابة العامة التى تولت التحقيق.
و ده جزء من مشاركة تانية ليا في موضوع تاني هنا في المنتدي
القضية الاساسية اللي طارق اثارها ان الطلبة معاهم سلاح داخل الجامعة ولا لا
ايوة كتير من الطلبة معاهم سلاح داخل الجامعة سواء ابيض او ناري
ايوة فيه ناس كتير بتدخل الجامعات المختلفة دلوقت وهم ليسوا طلبة فيها
ايوة بدا يظهر تجمعات شكلها غير طبيعي في الجامعات على كل الاشكال
ايوة شميت ريحة بانجو في جامعة القاهرة وبشكل لا يطاق والل ىشموه قبل كدة ومش بيشربوه زي حالاتي عارفين ان ريحته نفاذة جدا
ايوة فيه طلبة محترمين كتير جدا اصبحوا خايفين يروحوا الجامعة وبيروحوا وهما بيقولوا ربنا يعدي اليوم ده على خير
والله انا مش عارف اقول اية .. اشتم الحرية اللي بالشكل دا ولا اشتم العيال دي .. المشكلة انهم لو حد اتدخل عشان يوقفهم يعملوا مشكلة كبيرة معاه و الايام دي هيبقى هما اللي معاهم حق
داخل تجارة عين شمس
حشيش و بانجو بالهبل .. سلاح ناري صوت "شفتة بعيني "
ولما الناس كانت بتقول ان مش اي حد يبقى طالب جامعي ...
كنا بنزعل ......وانا واحد كنت بزعل
لكن لما دخلت الكليه شفت مناظر كتير مستحيل يبقوا مهندسين
انا مبقولش عالغناء والفقر ....انا بقول عالمستوى الاخلاقي و العلمي ..
+ رفع حرس الجامعه مره واحده كده بدون تجهيز بديل امني = عقاب عشان منطلبش حاجه زي دي تاني ..
+ مش اول مره تحصل في الجامعه بس كانت لاغراض اخرى
عايزه ثوره علميه يا جدعان
ولسة ولسه ......
التفسير لما حدث
أصابوا 5 منهم بجروح.. مجهولون يعتدون على المتظاهرين بجامعة عين شمس وطلاب يرقصون بـ "الأسلحة البيضاء" من أجل الاستقرار
كتب محمد سالم (المصريون): | 29-03-2011 01:07
اعتدى مجهولون على المشاركين في مظاهرة طلابية داخل حرم جامعة عين شمس تطالب بإقالة رئيس الجامعة الدكتور ماجد الديب، عندما فوجئ الطلاب المحتشدون أمام قصر الزعفران- مقر إدارة الجامعة- بمجموعة من البلطجية يحيطون بهم ويشهرون أسلحة بيضاء في وجوههم لإجبارهم على فض المظاهرة.
وأسفر ذلك عن إصابة عن إصابة خمسة طلاب تم نقل اثنين منهم بسيارة إسعاف إلى المستشفى الجامعي بينما كانت إصابة الباقين طفيفة.
وحصلت "المصريون" على فيديو تم تصويره أمس بالجامعة يظهر قيام طالبين بأداء وصلة رقص بـ "الأسلحة البيضاء" على أغاني "دى جي" تم إدخاله إلى الجامعة ضمن حملة تدعو إلى عودة الاستقرار إلى شوارع مصر، حيث تم بث الأغانى الشعبية.
وكان العشرات من الطلاب احتشددوا أمس لليوم العاشر على التوالى بساحة الجامعة للمطالبة بإقالة رئيس الجامعة وإدارات الكليات، بعد أن اتهمهم هؤلاء الطلاب بـ "التورط في انتهاك حقوق وحريات الطلبة".
في حين انشغل طلاب الحركات السياسية بمتابعة انتخابات الاتحادات الطلابية التى أجريت جولتها الأولى أمس لاختيار أعضاء مجالس الطلاب فى ظل إقبال عادى باستثناء كلية الحقوق التى شهدت إقبالا غير مسبوقا على صناديق الاقتراح حتى اللحظات الأخيرة لفتح باب الاقتراع. يعني طلعوا بلطجيه مش طلبه زي ماقولت
والمفروض بقى ان دوا محامين المستقبل؟!!!
هيا ناقصة الاشكال ديه؟ مش كفايه الموجودين دلوقت؟
للاسف السيئة تعم و دلوقتى اعداء الثورة يطلعوا يقولوا ............. هما دول شباب مصر
على فكرة يا سادة إبني في تجارة عين شمس طالب بالفرقة الثانية و ما جابش سيرة إعتصامات تطالب بإقالة رئيس الجامعة
عامة إن شاء الله لما يروّح حأسألة .
انا طالب في جامعة عين شمس واحب اقول انها بقت ازبل جامعة ومليش الشرف اني اكون متخرج منها
و الله لو ده هايبقى هو نتيجة الحرية
يبقى طظ فى الحرية اللى بالشكل ده ونرجع زى ما كنا احسن من القرف ده
مش كل حاجة هنقول الحرية هيا السبب
ماهو في 2007 لما حصلت مظاهرات عندنا في الجامعة واحمد زكي بيه دخل بطلطجية بسنج ومطاوي يضربوا في المتظاهرين وهو بسلامته انا شفته بعيني واقف في قصر الزعفران يتفرج على المهزلة
والترم اللى فات حصلت مظاهرات بتايد فلسطين وكده وفيه بلطجية ظهروا عالساحة والامن كان عارف ومتفق معاهم
المفروض ماجد الديب وقتها مكنش يسكت
بس طبعا هو عمل عبيط ولا كان حاجة حصلت وكله بيعدي:guitarplay1:
اسف انا كان قصدي الترم اللى فات لما حصل ان جيه دكاترة من جامعة القاهرة وعملوا مظاهرة وفيه بلطجية دخلوا وضربوا المتظاهرين
الله ينتقم منك يا حسني مبارك !!!!
خربت البلد وعقول الشباب
حسبنا الله ونعم الوكيل
مفيش حرس جامعي في الكليات
شوية ناس أعده على البوابات بيبصو للبنات بطريقة غير طبيعية
مبيكلموش أي حد يخش
أي عربية بتخش الجامعة
المدن اللي ممنوع عربية تدخلها الموظفين بيخشوا بعربياتهم
لازم لازم لازم يرجع حرس الجامعه
مهما كان دول طلبة صغيرين و مش متعودين على السبهلله دي
حرام اللي بيحصل
ماينفعش ماينفعش طلبة في كلية يعملوا إعتصام و يشيلوا العميد مهما كان
كل حاجة لازم تاخد وقتها
عيييييييييييييييييييييييي ييييييييييييييييييييييييي يييييييييييييب
وشكراً
تصدق
أنا افتكرت إنك هاتنقل خبر عن سلفيين حلقوا شعر وحدة أو حرقوا الكلية أو اي حاجة من ذلك القبيل
أصل الحملة اللي شغالة اليومين دول خلتني اشك ان اي خبر خاص بالسلفيين
حقك عليا
كل واحد فينا قال رأيه في اللي حصل لكن ايه الحل عاوزين نشوف الحل .عودة الحرس الجامعي أنا شايف ان بعد حل أمن الدولة وان الشرطة شالت أيديها من السياسة ممكن يكون ده للأمن فقط وعلي البوابة بس ويكون فيه وعي من الطلبة وتكاتف ضد الفساد
الحل الوحيد الفعلي حاليا
عودة الحرس الجامعي مرة اخري على البوابات الخارجية للجامعات ويكون معاهم بنات من ظابطات الشرطة ووضع بوابات الكترونية عند المدخل للكشف عن السلاح
داخل الكليات تزيد وحدات الامن التابعة للجامعات على ان يكون من حقهم القاء القبض على اي طالب معه سلاح او مخالف بهذه الطريقة وتسليمه لقوات الشرطة على البوابات وعمل قضية جنائية له
مش كتير كده ؟؟ طيب ما نجيب كلاب تشم الهيروين بالمره ؟؟؟
يا دكتور الموضوع مش لازم يبقى سبهلله على الاخر او قبضه حديديه
وانا لعلم حضرتك اتخرجت والحمد لله ومروحتش لقائد الحرس غير مره واحده بس بتهمه اني بشرب سجاير جوه المدرج
وانا ولا مدخن ولا كنت دخلت المدرج من اول السنه اصلا
المطلوب اننا نمنع تدخل الحرس في الحاجات اللي متخصوش
يعني مالوش دعوه بالمظاهرات ولا اي اعتصامات جوه الجامعه مادام موصلتش لضرب الناس ولا حرق الجامعه مثلا
يعني منلاقيش البواب اللي فاكر نفسه لوا علشان مسنود من سياده الباشا الكلب بيكلم الطلبه من مناخيره ويزعق ويبرطم ولما ياخد على دماغه يجري يشتكي للباشا
يعني الامن ميتدخلش في تعيين العمداء والمعيدين والدكاتره
يعني الامن يتكلم مع الطلبه عدل
يعني الامن يخليه في شغله ويسيب الطلبه في شغلهم
ولعلم حضرتك البلطجيه اللي شايلين مطاوي وسيوف وسواطير واي حاجه تخطر على بالك .... معاهم كارنيهات جامعه الامن اللي مطلعهالهم
ولا حضرتك فاكر اني كنت باخد والكتب والكشكول ومطوه وانا رايح ؟
حضرتك قرات كلامي كويس الاول ؟؟؟؟؟؟؟
انا لم اطلب عودة امن الدولة نهائيا لانى ممن كانوا معارضين لوجودهم وعلنا مع حركة 9 مارس اللى انضرب بعضهم زي الدكتور عبد الجليل مصطفي والدكتورة رضوي عاشور في جامعة عين شمس
وقلت مطلوب امن شرطة عادية على البوابات الخارجية - الخارجية خد بالك يعني لم اطلب بدخولهم داخل الجامعة - ووجود بوابات الكترونية سهل جدا واكثر امنا للطلبة اذا كانت الفنادق بتعمل البوابات دي احنا مش هنعملها علشان نامن الطلبة المسالمين ونقبض علي اي بلبطجي وهو لسة على الباب قبل ما يدخل ؟؟؟؟؟؟؟
وقلت ان تامين المباني والاشخاض داخل الجامعات يكون لوحدة الامن التابعة للجامعة ويتك تكثيف عددهم للحفاظ على الامن اكثر لان دلوقتي فيه ناس مش بتعمل زيك بتروح بالكتب والكشكول فيه ناس بتروح بالمطواة والسيلف ديفينس بس
ايه اللى حضرتك مش موافق عليه في كلامي وفين القبضة الحديدية اللى انا قلت عليها ؟؟؟؟؟؟؟؟؟؟
معلش يا شباب لو حد شايف مطوه فعلا في الفيديو يا خد للصوره سكرين شوت ويوريهالي
اخر 10 ثواني
ايوه يا دكتور قريت المشاركه كويس
ودي النقط اللي حضرتك كاتبها
البوابات الالكترونيه على الفنادق علشان المتفجرات وبتعدي برضو منها وتعتبر تخويف مش اكتر
فانا وانا داخل الجامعه مش عايز اعدي على بوابه زي دي لاني داخل اتعلم مش افجر الجامعه
حضرتك كاتب داخل الكليات يعني جوه الجامعه مش على البوابات برضو ولا انا فهمت غلط ؟ ولا الكليات بقت على باب الجامعه وانا معرفش ؟ كمان للما يبقى فيه فرد امن جوه الجامعه مينفعش مهمته تتعدى وظيفه بواب العماره بالظبط
عمل قضيه جنائيه دي في حاله وجود سلاح ملهاش علاقه بجوه الجامعه ولا بره الجامعه لان ده الاجراء المتبع في اي مكان الا لو شايل مطوه وقاعد في بيتهم
فكلام حضرتك بيحمل مضمون عوده الامور لما كانت عليه
شكرا شوفتها
بس دي للأستخدام الشخصي هههههههههه
فين ان كلام بيحمل مضمون عودة الامور لما كانت عليه ؟؟؟؟؟؟؟؟
لما اطالب بشرطة على الابواب لمنع دخول كل من ليس طالب للجامعة ايه المشكلة ؟
لما اطالب بعدم دخول اي فرد معاه سلاح ايه المشكلة ؟؟؟؟؟؟؟
لما اقول ان الامن التابع للجامعة يكون داخل الكليات للحفاظ على المنشات والافراد ايه المشكلة ؟
لما اقول ان الامن التابع للجامعة من حقه يقبض على اي شخص معه سلاح - وطبعا لازم هايكون السلاح ظاهر في الحالة دي لان مش من حقهم التفتيش - ويسلموه للشرطة على ابواب الجامعة ايه المشكلة ؟؟؟؟؟؟؟؟؟؟
ايه العلاقة بين الكلام ده وبين الوضع القديم وما كانت عليه الامور ؟؟؟؟؟؟؟؟؟؟؟؟؟؟
لو تجاوزت حدودها يكون لكل مقام مقال
يعني لما كان امن الدولة بيتجاوز حدوده داخل الجامعات قبل الثورة عارضه الكثيرين
لما تتجاوز الشرطة حدودها في المستقبل نتصدي لها
اما حالة الفوضي السائدة الان فغير طبيعية وغير مقبولة ولابد من وقفها
لا يعقل ان تكون الجامعات مليئة بالسلاح والمخدرات كما حدث الان من قلة فهمت الحرية خطأ وتعرض الاغلبية لخطر حقيقي
ان لم يتوقف هذا العبث باسرع ما يمكن فلننتظر قتلى وجرحي في الجامعات قبل نهاية الترم
وفي الامتحانات ستكون الكارثة الاكبر
لا حول ولا قوه الا بالله
يا دكتور لما كانت الشرطه موجوده والامن موجود وحرس الجامعه موجود وامن الدوله قاعد جنبي في المدرج برضو كان فيه سلاح ابيض ومخدرات في الجامعه
عموما انا كان عندي وجهه نظر ووضحتها وعلشان ما يتحولش الموضوع لمجرد جدل فانا تقريبا فهمت وجهه نظر حضرتك وحضرتك مش مستوعب قصدي بالظبط
كله خير
سلامو عليكو
أهلهم عرفوا يربوهم صحيح..ونعم التربية
مش عارف ليه الناس بتقول ان الامن الجديد مش نافع مع انه في جامعة القاهرة كويس جداً ومحترمين لاقصى الحدود وبيعرفو يتعاملو مع طلبة ولما بيبقى واحد مخالف للقانون بيتعاملو معاه كويس مش زي ما كان الظباط بيحسسوك انهم بيتعاملو مع حرامية
مش فاهم ايه الميزة اللي في الشرطة ما هما بشر مدربين على التأمين زي ما الامن الجامعي بشر مدربين على التأمين!
كفاية ان قائد حرس جامعة القاهرة لما رحت قلتله ان ولاد الظباط بيدخلو بعربياتهم الجامعة قالي "البوابة دي بتاعتي الحكومة ادتهالي اجامل اللي انا عايزه ومجاملش اللي انا مش عايزه"
والنقاش كان بسبب انهم منعو دخول تاكسي راكب فيه دكتورة وكيلة كلية كبيرة في السن ومش بتعرف تمشي لمسافات طويلة ومكانش هاين على الظابط يبعت عسكري من اللي بيعملوله لمون ويجيبو الخضار للمدام يركب مع السواق لحد باب الكلية ويطلع معاه!!
ونزلها مشيت على رجليها بالعافية لحد ما توصل بدون ذرة رحمة
طبعا جليطة وقلة زوق وتجاوز للسلطة
لكن هل معني ان احدهم اخطا ومش بيهم الغائهم تماما
طبعا غير مقبول المفروض على الابواب الخارجية لحراسة الجامعة من الخارج وكلامي محدد وواضح جدا
وفيه حاجات داخل الجامعة يا رالي انت متعرفهاش وربنا يستر ومفيش حاجة منها تتسرق او او او او
غير طبعا موضوع دخول الاسلحة والمخدرات اللى اصبح منتشر بشكل علنى ورهيب الان
و ايه يعنى؟؟؟
مهى هيه ديه حياتهم العاديه
هيه المشكله ان هما واخدينها جوه الجامعه؟؟
ولا المشكله انهم بيعرفوا يرقصوا بيها؟؟
اكيد ماتعلموش الموضوع بين يوم و ليله
30 سنه بيتعلموا و اهاليهم بيعلموهم من اجل اليوم ده
يوم انت تصبح الحريه وبال علينا