مو 97 وحتى 2001 تقريبا فى الحدود دى
عرض للطباعة
مو 97 وحتى 2001 تقريبا فى الحدود دى
ياباشا الجراند شيروكى ينقسم على حد علمى الى الاتى :
من 93 الى98 يطلق علية grand cherokee ZJ
من 99 الى 2005 يطلق علية grand cherokee WJ
من 2005 الى 2010 يطلق علية grand cherokee WK ودة بينقسم الى
1ـgrand cherokee WK
2ـgrand cherokee SRT8
ومن 2010 الى2011 يطلق علية grand cherokee WK2
اللى انا عايز اوصلة واللة اعلم اذا كنت حضرتك تعلمة ام لا ان موديل 97 و98 يختلف شكلا عن موديل 99 و2000 و2001 الى 2005 دية حاجة
الحاجة الثانية استهلاك البنزين للجراند شيروكى ال6 سلندر جوة البلد 16.8 ليتر لكل 100 كلم وفى الطريق السريع 13.1 ليتر لكل 100 كلم دة بالنسية لموديل 97
اما موديل 98و99و2000و2001 الاستهلاك 12.4 ليتر لكل 100 كلم فى الطريق السريع
و16.8 ليتر لكل 100 كلم جوة البلد
بالنسبة للموتور :
موتور الجراند شيروكى موديل 97 و 98 يولد 174 حصان وعزم 290 نيوتن
موتور الجراند شيروكى موديل 99 و2000 و2001 يولد 188 حصان وعزم 295 نيوتن
مع ملاحظة ان موتور الجراند 99و2000و2001 هو الموتور المطور للجراند موديل 97 و98
اما بالنسبة لسؤال هل موتور الجراند نفس الشيروكى العادية ؟
اللى انا اعرفة ان قوة المحرك من حيث عدد الاحصنة والعزم مختلفة
وفى نقطة تانية انها بتفرق بردة واللة اعلم من حيث صانع المحرك ودية بتختلف من موديل لاخر يعنى ممكن تلاقى موديل فى الجراند نفسة للشيروكى العادية وممكن يختلفوا
وبردة صانع المحرك بالنسبة للجراند ال6 سلندر ممكن يختلف عن صانع المحرك لل8 سلندر
واللة اعلى واعلم فيما قلت
اسف للاطالة
إستفسآر يآ جمآعه محبتش آفتح بيه موضوع ...
الجيب شيروكــي سبورت 2004 , في منها 3700 , 2400 ... صح ولا آنا كده بعكـ .. ؟؟ آصلي مش خبره في الجيـيب ...
انا بصيت في الـ 3700 ... لقيتها بتتراوح بين 150 , و 160 آلف .. في الرنج ده ... معظمهم حالات كويسه .. كده مظبوط ولا غالي .. ؟؟
و بالنسبـة للـ 2400 , حالـة كويـسة .. ممكن تعملها كام .. ؟؟
جراند شيروكى عربية محترمة
ايوة يا باشا لو حضرتك تقصد الليبرتى يبقى حضرتك صح وفى منها :
3700 سى سى اللى هى 6 سلندر موتور يولد 210 حصان وعزم 319 نيوتن
2400 سى سى اللى هى 4 سلندر موتور يولد 150 حصان وعزم 224 نيوتن
ال6 سلندر سعرة يتراوح تقريبا زى محضرتك قلت او اقل شوية ودة لو الحالة شاذة وادخل حضرتك كونتاكت كارز وشوف وسيبك من السعر اللى مكتوب لان ساعة الكاش الغالى يبقى ببلاش
بالنسبة لسعر ال 2400 سى سى يتراوح بين 125000 الى 135000 ودة حسب الحالة
وقبل دة كلة لازم حضرتك تشوف غرضك من العربية اية
لان مشكلة الليبرتى انها مش بتاعة صحراء بالدرجة الكافية
ياريت حضرتك تقول غرضك من العربية اية
واللة اعلى واعلم فيما قلت
شـكرآ عالإهتمآم ..
آنا قصدي الشكل ده http://pictures.topspeed.com/IMG/cro...rty_460x0w.jpg
لا مش صحرآ ولا حاجه ... انا معايا مآتريكس و ناوي آغير يعني ... فـ ببص في إلي موجود دلوقتي مش لاقي حاجه مميزة بفرق كبير و اللي مميز مش آقل من 170 و لحد 200 و ده كتيير قوي ... ف قولت آبص عالفور بآي فوور ...
بالنسبة لإستخدامي للعربيـة .. مشآوير عآديه كوسيلة موآصلات , مروآح جآمعة , سفر بس مش كتير .. عآدي يعني
و مستنى رآيكـ و شكرآ ...
دية الليبرتى الشكل الجديد
طالما مش فارقة مع حضرتك موضوع الصحراء وهتستخدمها استخدام عادى
تبقى الليبرتى مناسبة
بس عامة الليبرتى اسمع ان قطع الغيار غالية شوية واللة اعلم
وكمان شوف ضريبتها هتبقى كام لانها فوق ال 2000 سى سى ومعداش عليها 10 سنوات
ولو حضرتك غاوى جيب عندك بردة الشيروكى القديم اللى هو قبل الليبرتى
العربية جامدة جدا وافضل من الليبرتى دة من وجهة نظرى وحققت انتشار كبير
ودية صورتة
الشكل دة من موديلات 97 _ 2001
http://im2.gulfup.com/2011-05-03/1304431097921.jpg
الشكل دة اللى قبل 97
http://im2.gulfup.com/2011-05-03/1304431470781.jpg
ولو حضرتك مصمم على الليبرتى خليك فى الموديلات اللى فوق 2003
لان قبل كدة اسمع ان كان فيها مشاكل فى الثبات ولكن حلوها فى موديل اواخر 2003
ونصيحة منى لازم حضرتك تخلى بالك من كذا نقطة وانت بتفكر فى اى عربية
اولا اسعار قطع الغيار
ثانيا استهلاك البنزين
ثالثا الضريبة
رابعا سعر اعادة البيع لو حضرتك مبتحبش العربية تطول معاك وبتحب التغيير
خامسا انتشار العربية
وفى النهاية لازم حضرتك تحط ميزانية معينة لشراء العربية حتى تستطيع ايجاد الاحتيارات المناسبة وعلية تفاضل بين هذة الاختيارات وتختار الافضل والانسب
واى استفسار انا تحت امرك
واللة اعلى واعلم فيما قلت
آنآ كنت بفكر زي مآ بقول فـ موديل 2004 , مش عآجبني الشكل القديم ده قوي بس ربنا يسهل ... و هفكر في النقط إللي إنت قولتلي عليهآ و آكيد هرجع آستفسر منك تاني و ربنا يكرمك .. لمسآعدتك الناس و آنا آولهم
الحوار بقي شيق و جميل جدا و انا لسة في نفس الحيرة بردة اجيب جيب ايه؟
المهم كنت واقف مع واحد جاري امبارح جاب ليبرتي موديل 2002 و بيحكيلي انه اول ما جابها صرف 13500 صيانات عادية انا
اتخطيت قولتيلو غيرت ايه؟
قالي:طنابير و تيل و سيور و فلاتر و زيوت من ضمنها زيت الفتيس و جلب مقصات و 4 فرد كاوتش
فقلت فبالي ان اي حد بيجيب عربية مستعملة بيعمل الحاجات دي بس في العربيات العادية بالكاوتش كبيرها من 3000 الي 4000
بالاضافة لتكلفة البنزين و تكلفة الترخيص السنوي تحي ان مصروفها عالي قوي بالنسبة للعربيات العادية
فبصراحة رجعت افكر تاني فهل الكلام ده مضبوط و له لا؟
ملحوظة:ركوب الجيب متعة و اللي عايز المتعة دي لازم يتحمل بس بصراحة مش للدرجة دي
ياباشا انا مش هقدر افيدك فى النقطة دية لانى معرفش اسعار قطع غيار الليبرتى بس عامة الحاجات اللى تم تغيرها بتتوقف على حالة العربية المشتراة نصيحة منى انزل حضرتك واسال عن اسعار قطع غيارها وعن صيانتها
ولو فكرت فى الليبرتى بلاش موديلات 2002 خليك فى اواخر 2003 لان ماقبل اواخر 2003 اسمع ان كان فية مشاكل فى الثبات وتم حلها فى موديلات اواخر 2003
الليبرتى عربية محترمة فى المدينة ولكن فى الصحراء لم تثبت جدارتها
وفى النهاية لازم حضرتك تحدد ميزانيتك عشان تقدر تحدد العربية التى تتوافق مع ميزانية حضرتك
مش المهم ان يكون معايا الفلوس اللى هقدر اشترى بيها العربية ولكن الاهم انى اقدر اصرف على العربية فيما بعد
واى استفسار انا تحت امرك
واللة اعلى واعلم فيما قلت