الموضوع: اسعار طازة من الوكالة للـريجاتا .. وايضا عزبة شلبي

يا جماعة عايزين نشوف حل لفرامل الريجاتا بجد الفرامل وحشة اوى اوى اوى انا طلعت على الرصيف بسببها النهارده و جبت الميكانيكى بص عليها قالى مافيهاش حاجة بس انا عايز اتاكد من حاجة ممكن طلعة الرصيف دى تشرخ او تكسر الركب ولو حصل كده حتبان بالعين مع العلم انا لما طلعت على الرصيف رحت مدورها و نزلت من عليه و مشيت عادى مافيش فرق فى اى حاجة بس ماجرتش طبعا فياريت حد يطمنى عشان انا قلقان بصراحة

ملحوظة عن المكالمات اللى تلقيتها .. + معلومة جديدة عن المصنعيات :
-------------------------------------------------------------
اولا .. اسمحولى اشكر كل الناس اللى اتصلت بيا وعرفونى بنفسهم وشكرونى على حاجة فى استطاعتى وانى فعلا افدت حضراتكم .. واعتذر لعدم تذكر بعض الاسماء الاتصالات كانت كتيرة وبعضها مكنتش بسمع صوت الموبايل اساسا
واحب اوضح لحضراتكم نقطة مهمة جداَ . انا مش شغال فى الوكالة يا جماعة زى ما بعض المكالمات اللى استقبلتها
كل ما فى الامر انى بنزل الوكالة لمرات عديدة .. ان شاء الله اخر يوم ليا ف الوكالة هو انهاردة الخميس 31 مارس
اتمنى يكون اخر يوم .. سبب انى بروح كدة ان السروجى طلب حاجات .. السمكري طلب حاجات .. وانا عايز حاجات
واخوكم العبد الفقير الى الله ذاكرتة ف الضياع رغم انى شاب لذلك لما بفتكر حاجة بروح اجيبها .. وفى نفس الوقت كتير
منكم يعرف نظام الصنيعية .. فلما بطلب منة حاجة يقولي فين اللى هقيس علية ! ال يعنى خلاص الواد شغال بالمقاس
شغل تلاكيك فعلشان امنع التلاكيك دى بنزل اجيب لة حاجتة واحطة امام الامر الواقع . بس دة السبب

هقول لحضراتكم معلومات اخري بعد الللف عند تجار الجملة والمحلات الكبيرة اللى بتبيع للصنيعية :) جامدة دى صح
هقول لحضراتكم مثلا .. " متر الجلد بتاع الارضية السروجى بيشترية بكام ؟ اسعار بتبدء من 10 ج وفية 8 ج المتر
شوفتو الهنا ؟ متر جلد الكراسى بيبدء من 20 ج الخامة المتوسطة .. يعنى بحسبة بسيطة كدة السروجى لو اخد منك ألف ج
علشان يظبط لك فرش العربية مصاريفة كلها بالكتير حسب تقديري هتكون 300 ج بزيادة والباقى مصنعيتة 700 ج !!
وصلت النقطة ؟؟ امبارح السروجى اتفاجئ لما بقولة المتر من دة بـ 8 ج اية القرف اللى انت جايبهولى دة . والله العظيم
يا جماعة الراجل ابتسم وتنح شوية وقالى طب دة ؟ قلت لة كبيرو عندى 20 ج المتر .. كنت طلبت منة الاتى :

تفصيل فرش قطيفة للكراسى ومخادع + عوازل كاملة للعربية + جلد ارضية محترم + جلد كساء للتابلوة والرف الخلفي
فرش للابواب قطيفة + سقف قطيفة + ارضية شنطة جلد طبعا مرضاش بكل دة فكشفت القناع وشاف الوش التانى
وقلت لة المتر بكذا مش هيكلفك كتير مش للدرجة .

نروح للسمكري .. تكلفتة حسب المرمات اللى محتجاها العربية .. لذا منقدرش نتكلم عن السمكري غير ان متر الصاج
بيتراوح سعرة تقريبا 10 ج و 13 ج .. يعنى لو قلنا مثلا هيعمل مرمة صغيرة هتتكلف علية على ما اعتقد 10 ج لحام وصاج
بدون مصنعية دى تكلفتة هو .. وحضرتك بتدفع مثلا 50 ج لمرمة .. يبقى مصنعية حوالي 30 ج وممكن ف بعض الاحوال تكون 20 ج

الدوكو بقى : انواع كتيرة واسعار مختلفة .. فى وجهة نظري وعلى حسب طلباتى لعربيتى تكاليف شغلة هيكون :
800 ج ودة بزيادة كمان كتيرة يعنى دة سعر تقديري وبزيادة .. وباقي المبلغ اللى طلع من بوقة مصنعية لة .

جبت 3 متر فرش بلك .. نسيت والله سعر المتر بس تقريبا 15 ج .. فرش البلك دة بيعمل عازل وبيحمى الصاج من الصداء
شكلة عامل زى الورق فى رول .. بيتم تقطعية وفرشة على ارضية العربية مثلا .. ثم بعد ذلك تسخينة .. طبعا دة كان طلبي
من السمكري وكان عايز يرش بلك بالمكنة رفضت وطلبت الفرش دة لانة احسن وخامة انضف ولا يصلح مقارنتة بالتانى ابداَ

كدة حضراتكم عرفتو تقريباَ تكاليف كل واحد كام بدون مصنعيات وبدون حاجات قد يحتاجها السمكري او البوهيجي
اي انها ليست مقياس ولكنها ارقام تقديرية . حسب حسبتى مثلا السروجى مصنعيتة 700 ج طبعا السروجى مش بيقولك
انا مصنعيتى كذا وتكلفتى كذا ! لاء .. هو بيطلب مثلا 1000 ج لشد العربية تمام ؟ هـدفي من اللى انا كتبة دة انك تعرف
هياخد كام من الالف جنية وهيصرف كام .. لانة طبعا مش هيقولك التفاصيل دى ومش هيقولك انة هيشتري حاجات بكذا


دى صورة فى الوكالة وهما بيفكولي حاجات من نص ريجاتا .. ادعـــولي اخلص شد العربية على خير .. وان شاء الله
هيكون فية تقرير وصور للعربية وتكاليفها وهقولكم صرفت عليها كام بالظبط من ساعة مجبتها لحد اخر حالة . بأذن الله
لما تخلص حتى تكون لها افادة لجميع الاعضاء بمشيئة الله .. لا تـنسونى من دعاء بظهر الغيب

المشاركة الأصلية كتبت بواسطة mody100

يا جماعة عايزين نشوف حل لفرامل الريجاتا بجد الفرامل وحشة اوى اوى اوى انا طلعت على الرصيف بسببها النهارده و جبت الميكانيكى بص عليها قالى مافيهاش حاجة بس انا عايز اتاكد من حاجة ممكن طلعة الرصيف دى تشرخ او تكسر الركب ولو حصل كده حتبان بالعين مع العلم انا لما طلعت على الرصيف رحت مدورها و نزلت من عليه و مشيت عادى مافيش فرق فى اى حاجة بس ماجرتش طبعا فياريت حد يطمنى عشان انا قلقان بصراحة

ان شاء الله خير .. حضرتك لازم تعدى على عفشجى ينزل لك تحت العربية ويفتح الكبوت ويقولك بالظبط ..
بالنسبة للريجاتا مفهاش مشكلة ف الفرامل .. المشكلة عندك اما فى السيرفر او المساتر " جمع مستر " محتاجين مراجعة
انا بجري ما بين 140 ك و 120 ج ولم تواجهنى مشكلة ولله الحمد وستر الله .. لكن اهم حاجة الماستر الاساسى والسيرفو
والبستم بتاعة + تيل وطنابير جديدة او بحالة جيدة + كاوتش جيد + عفشة ممتازة .. وبكدة تقدر تجري بدون مشاكل
والافضل بلاش جري لان الفيات عموما قديم وحديث الفرامل بتاعتة مش زى اللانسر مثلا فلازم تاخد بالك من النقطة دى .

المشاركة الأصلية كتبت بواسطة yobaaa

أن غالبا هصلحه علشان هوا محتاج يتلحم بس و بالنسبة للباكتات هيا سعرها جديد 120 جنيه فلو الباكتات الاستعمال نضيفة تبقى أحسن

يوبا .. انت لقيت منها جديد فين ؟؟ انا مسألتش عليها جديد بصراحة اول مرة اعرف ان فية منها جديد .. بكام وفين ؟؟

المشاركة الأصلية كتبت بواسطة anamikanike

باشا لو فيها تعب عليك تسألى على طقم ابواب فيات 132 بس 2000 سى سى

سألت لحضرتك .. طقم 4 ابواب بالفرش 800 ج .. كان بيتكلم ف الف ج .. بس مش نضاف قوي

المشاركة الأصلية كتبت بواسطة smaalos

ايوه ومعلش كمان تسأل على كبوت وسربنتينه تكيف للفيات 132 ال 2000 برضو وكتر الف خيرك والله على اللي انتهه بتعملو ده

هسأل لحضرتك انهاردة بأذن الله عليهم