تعديل في عفشة اللينيا

**Moe86** · 30-03-2011 05:26 AM

أنا مركب سوست koni فى البونتو, و عايز أعمل عنهم موضوع بس مكسل طحن !
اللى أنا مركبها النوع اللى بيجمع ما بين الراحة و الثبات و لونها أزرق, و تمنهم 1200 تقريبا
العربية وطيت 3.5 سنتى تقريبا زى ما مكتوب فى السايت و على العلبة
المميزات: الثبات زاد طحن فى الملفات و الغرز
العيوب:
المساعدين بدأوا يضربوا و جابوا زيت و محتاج أغيرهم قريب بنوع تانى (لأن الحمل عليهم زاد)
علشان العربية وطيت بأة مستحيل أخد بلاعة عالية شوية فى وسط العربية
العربية بأت أنشف بكتير, يعنى لو قولنا الثبات زاد 30% يبقى الراحة هتقل 30% برضو

**yoko** · 30-03-2011 08:16 AM

اة ال dampers دي؟؟؟؟,

يعني المساعدين لكن في الهندسة بيتقال عليهم كده مبيتقلش shock-absorber

**Formulator** · 30-03-2011 01:47 PM

المشاركة الأصلية كتبت بواسطة yoko

والله أنا كمان بفكر بس لغيت الفكرة النهاردة لإن كان فيه حادثة وإتضريت أخرم في مدقات وكرتيرة الحمايه حكت!!! فتخيل لو وطيتها شويه هيحصل إيه!!!!

يامان دانا أتعقدت من الحته دى.. العربية واطية من قدام بطريقة مستفزة..؟؟!!

المهم المصفحة (الفبرة) دى غيرتها قبل كده فـ التوكيل (على حساب التأمين

)
وبرضه الجديدة بتحك فـ أى طوبة صغننة حتى.. لو خدتها فـ بطن العربية..؟؟!!!
أنا دلوقتى.. بحط العجلتين عـ الـobjects العالية.. بتسلق يعنى.. مش بـ وسطنها زى الأول..!!

المشاركة الأصلية كتبت بواسطة Ghamrawy

انا كمان بافكر فى الموضوع ده
انا عايز انزل 2.5 سم ورا و قدام

الـLowering/Dropping بيبقى ورا أكتر من قدام..!
يعنى مثلا: تسقطها 3.5 سم من ورا... و1.5 سم من قدام..!!

المشاركة الأصلية كتبت بواسطة Moe86

العربية بأت أنشف بكتير, يعنى لو قولنا الثبات زاد 30% يبقى الراحة هتقل 30% برضو

مش دايماااااااااا, بيبقى فيه حاجات balanced بين الأتنين: الـhandling والـcomfort..!
بس للأسف.. الأنواع الـheight/ride adjustable دى بتبقى غااااااالية جدا..؟!!

زى الـKoni FSD والـApex RDX... اسعاراستهبااااااااال يا مان..

**MNabeih** · 31-03-2011 04:51 AM

المشاركة الأصلية كتبت بواسطة moe86

هى معادلة, أى زيادة فى الثبات بيبقى قصادها قلة فى الراحة
واحد زميلى ركب معايا النهاردة لأول مرة, و كنا ماشيين فى شوارع مكسرة كتير, قالى العربية عاملة كدة لية ؟ دى ولا الملاهى
المساعدين الجامدين زى الeibach , apex , koni بيبقوا بحوالى 2500 جنيه
المساعدين المعقولة (الأنواع الرياضية بتاعة monro و kyb ) بحوالى 1300 و غالبا هشترى حاجة منهم قريب بس لسة مش مستقر على ايه

يعني كدة تقريبا السوست بالمساعدين هايخشوا في 4500 عشان تبقي حاجة محترمة,
مممممممممممممم مش هاينفع خالص.