هل المفروض الجيش يبعت SMS للشعب لما الحرب تقوم؟... ولا يبقى جاهز للحرب
"العرق فى التدريب يوفر الدماء فى المعركة"
MMamdouh
هو كان فيه حل زمان في الخمسينات تقريبا بدلية بيدفع فلوس علشان مايدخلش الجيش طالما البلد مستقرة ومش في حالة حرب ولو أني شايف الحل ده فيه تمييز للي معاه المال
طيب لو الشعب كله قال مش عايز أدخل الجيش هايبقى أيه الحال ساعتها
الأفضل في نظري أن الجيش يستغل مؤهلات كل مجند في أفادة المجتمع وخبرة ليه في نفس الوقت
وده موجود لحد ما حاليا لو مهندس بياخدوه في سلاح الأشغال
و هو الباشا لما يبقى جندى مصرى مش حيبقى بيدافع عن ارض مصر زى الجندى الاسرائيلى "المسالم"؟
و هو حد قال ان جيش مصر شغلتة الهجوم على اسرائيل؟؟ مهى شغلتة الدفاع عن الارضاضى المصرية زية زى الاسرائيلى "الطيب الاليف"
طيب لو التهديد من بلد عربى زى السودان او ليبيا حيروح يحارب و يضرب فيهم عادى؟
و النظام عندنا كدة فى مصر... لو هو مش عاجبة النظام يعترض علية بشكل محترم مش يهرب زى ال....
لو الدنيا مشيت كدة يبقى اللى شايف الجمارك زيادة يهرب بضاعتة و اللى شايف الضرايب عالية يضرب دفاتر و اللى شايف حاجة غالية علية يسرقها و هكذا
و ايه يعنى 30 ناشط و 3000 لايك على الفيس بوك؟؟؟ هو كل من عمل صفحة على الفيس بوك يعمل ما بدالة؟؟؟
دى شوية ناس تفقع بصراحة
MMamdouh
سؤال بس معلش هو مصر مبتحاربش غير اسرائيل بس؟؟؟؟؟؟
طب ماهو ممكن نحارب اي دولة تانية جاية تعتدي على مصر ساعتها هيكون المعتدي مش بيدافع عن وطنه. صح؟
على فكرة انا دخلت الجيش و ضيعت سنة و شهرين من عمري بس عمري ما ندمت ابدا و اكيد كنت كره الجيش و انا فية بس بعد ماتخلص هتعرف قيمتة.
(( وأضاف أنه يرفض أن يكون جزءًا من حمامات الدم والصراعات التي يدخلها الجيش في المنطقة، وأنه يعتبر أن التجنيد الإجباري نوع من العبودية.
وأشار مايكل إلى أن المؤسسة العسكرية في مصر شنت ضده حملة إعلامية اتهموه فيها بالخيانة والعمالة لصالح دول أجنبية، وهو ما أخافه أكثر بسبب شعوره أن حياته مهددة أكثر إذا دخل الجيش.))
هو مش عايز يدخل الجيش لأسباب واهية تانية خالص
أنما تفسيراتك وتحليلاتك في أتجاه تاني
السؤال أو الموضوع يبقى أيه السلبيات ألي بتخلي الناس مش حابة التجنيد؟
انا معاك ان الجيش قرف و بهدلة... بس الهروب منة مش هو الحل
اللى بيجيب واسطة بيجيبها عشان يخدم فى حتة كويسة او ينزل اجازات و كدة... انما اللى داخل مع دفعتة لازم يدخل الا لو عندة مشكلة طبية و الكلام دة مفيهوش واسطة
و تانى الحل مش انى اهرب... و صاحبنا دة فعلا %@$%2.... لو كان دخل و ادى الخدمة مكنش عمل الهيصة دى كلها... هى كل الفكرة انه عايز يفلسع من الجيش
MMamdouh
الطابع العام للجيش عندنا هو طابع الاهانه الصرف
كل واحد يدخل الجيش يرجع يحكي عن الصول فلان والعسكري علان
اللي هوايته لعن سنسفيل الشباب والطرقعه علي قفاهم
ففكره الجيش المسيطره علي الناس هي انك داخل حرب اهانات من طرف واحد
وواجبك انك تستحملها وبكده حتبقي راجل
وحتشرب ميه وسخه وتتشتم
وتاكل اكل بايظ وتتشتم
ومتستحماش وتتشتم
بجانب ان فتره التجنيد ماهي الا ضياع لسنين العمر وتفويت اي فرص عمل او سفر او بناء اي حجر اساس في مستقبل الشخص
والناس زي ما بتدخله زي ما بتطلع منه
بدون اضافه اي خبرات او مهارات تؤهل الفرد للقتال
العيل من دول يدخل الجيش رفيع مسوس
ويطلع من الجيش ارفع واسوس
لونه بس بيتغير ومفيش عضله زياده بتتحط في جسمه
=========================
دي الفكره السائده عن الجيش المصري والتجنيد الاجباري اللي الناس بتروحه
علشان كده بيكون يومه ويوم اهله اسود اللي يسمع اسمه في التجنيد
-لو كان الجيش بيضيف مهارات تنفع الشاب في حياته اكيد كانت الناس جريت اتطوعت وبقي للتطوع طوابير ملهاش اول من اخر
==========================
هي دي الصفات السائده في الجيش المصري
عن طريق السمع وتجارب الاصدقاء اللي دخلوا الجيش
والله اعلم اكيد اللي دخلوه الجيش اعلم مني بالمواضيع دي
لاني مليش جيش
==========================
بالنسبه للاخ مايكل
فانا اقترح انه يدخل سلاح الترفيه اكيد حيتبسط جدا
وحيبسط ناس كتير وحيتمني الحرب تقوم علشان يستفيد من الاعداد
اللي بتيجي في التعبئه العامه ساعه الحرب
حصلت على انذار مصوب بوقف اسبوع لمخالفتك القاعدة 9أ
إدارة المنتدى