دا لو كان فيه تفكير
مش انقياد وكلام مرسل وخلاص
لو اتدرب مش ممكن ينسى الى بيعرف يسوق عجلة و ما ركبش عجلة من 20 سنة حا يعرف يسوقها معاك ان بعض المهارات بتقل بس اكيد حا يعرف و لو سلمنا بوجهت النظر دى يبقى البلد لو لا قدر الله حصل فيها حاجة حا تضيع .
بالنسبة لصاحبك الى بتحكى عنة دة كدة مقضيها و لو عمرة ما مسك سلاح يبقى صعب بس لو الجيش ماشى كويس حا يتم تدريبة غصب عنة الجيش يعنى أمر مفيش حاجة اسمها معرفش يتعلم و حا يتعلم سواء برضاة أو غصب عنة و صدقنى لو انت عملت الحاجة و انت بتحبها حا تتميز جدا فيها انما لو كارها مش ممكن تبدع ابدا دة كلام عام مش موجة لحد معين بس كلام عام انت أكيد فاهم قصدى
الجندى المصرى ( وانا على فكره حاليا جندى فى الجيــــــــش) مجرد عماله رخيصه.....شكرا !
التجنيد الاجبارى مافيش شك انه مهم فى وضع مصر...بس مش كده ياجدعان..مش كده..اقسم بالله الناس بتعد الايام والليالى علشان تطلع...انا واحد من الناس اتعلمت ودخلت كليه هندسه والحمد لله وضعى كويس...ودلوقتى وظيفتى الاساسيه فى الجيش بسم الله ماشاء الله office boy قد الدنيا...قهوه وشاى ونسكافيه وسحلب...ده يرضى ربنا ؟
يعنى جند اجبارى زى ماانت عايز..بس استفيد من الجندى ده..استفيد من دراسته ولو حتى من بعيد..علمه طيب واستفيد منه..انما للاسف الواقع بعيد كل البعد عن اللى كان فى خيالى !
نشفت شويه وعرفت الرتب وبقيت باكل اى حاجه..وضربت نار فى مركز التدريب وعرفت البس البياده والطقم الميرى..والبس الطقم الزيتى وانا نازل اجازه....ولما اشوف شرطه عسكريه اجرى علشان ممكن يبهدلنى لو انا شكلى مش عاجبه او هو زهقان ومش لاقى حاجه يعملها فا هايتسلى على ( الدفعه الغلبان ) شويه..اه صحيح وبقيت محترف صناعه مشروبات ساخنه وبارده..احلى سحلب واجمد قهوه !
سيبك من الاهانه والضغط النفسى والتعامل مع احقر فئه من البشر كل ده عادى وطبيعى فى اى جيش !
جميل ؟؟..ليه سنه بقى ؟؟؟ طيب ماتعلمنى الكلام ده فى 4 شهور !!! 6 ياعم حلو !! صحابى اتنقلوا من شغل لــ شغل احسن واللى سافر ةاللى خطب واللى بياخد كورسات واللى فتح مشروع واللى واللى وربنا يكرمهم يارب كمان وكمان...انا مش باحسدهم على فكره والله العظيم ابدا...انا بس حاسس بمراره !
انا اصـــلا تعبان نفسيا ومش قادر اتكلم...ومعنديش حتى استعداد ادافع عن وجهه نظرى...بس انا حبيت اقول الكلمتين اللى كانوا محشورين فى زورى..تصبحوا على خير !!!!
لو الجيش بقى تطوع ومش إلزامي
يبقى
باي باي يا مصر
انا عايز اعرف حاجة برة الموضوع حيث اننا بنناقش مسألة التجنيد الاجباري
هو مايكل ده اتقبض عليه ليه ؟
مال الموضوع
1- الجيش الالزامى لا غنى عنه
2- من الحريه ان اللى اسمه مايكل يقول رأيه بس القوانين تطبق و يتحبس لو تخلف
3- الجيش لازم يعمل اصلاحات على نظام التجنيد مش معقول مهندس اى شركه تتمناه مسح مخه و نعلمه شاى و قهوه و كمان سحلب
4- المرتب فى الجيش
1+2 الحمد لله مشاركاتك اللى قبل كدة جعلت الواحد يفتكر انك موافقه على كلامه او انك عايز التجنيد اختياري
3- المفروض فعلا يبقي كدة مهندس محامي محاسب اشغله في حاجة متعلقة بعمله زي الطبيب بيروح مستشفيات الجيش
4- المرتب لا طبعا دي خدمة عسكرية مش وظيفة واللى بياخد مرتب حقيقي هو المحترف اللى دي وظيفته
فيه فرق كبير انى اشرحلك وجهه نظره وان ديه تبقى وجهه نظرى
ولما لقيت اعضاء واخده ناحيه انى انا بدعم كلامه و الناس بترد على بعض قلت استنى عشان مانفضلش نجادل
على العموم بالنسبه للمرتب احنا مش عايزين مرتب ياخده يحوش بيه
بس على الاقل مايصرفش اضعافه فى الجيش
اكل و شرب على الاقل مايموتوش
كمان تعامل من غير اهانه