شكراَ على التقييم الجميل :)
عرض للطباعة
شكراَ على التقييم الجميل :)
هو فعلا مقاس 108 قليل بس دى مشكلة كل البيجو مش الروا بس
قليل لما تلاقى جنوط للبيجو
انتشار العربية مش كتير فى مصر فى ناس تقول 2000 عربية و ناس بتقول 10000 عربية خلال السنة اللى فاتيت
انا رأى انه التانى لانى حجم التسليم للعربية ده فى معرض وجيه اباظة فرع النزهة لوحده كان قرابة الالف عربية لدرجة انه كان قافل الشارع و ساحات الانتظار و كنا بنعانى من المشكله ده
على فكره موضوع توكيل وجيه اباظة و اللى بيتم فيه زيه زى اغلب التوكيلات و لكن الزياده فى توكيل وجيه اباظة ان المهندسين هناك و خاصة مهندسين الاستقبال غير مدربين على العربية ده
و طبعا من خلال زيارتى الكثيرة للتوكيل فوجئت ان الموضوع مش موضوع عربية رخيصة و عربية غاليه لالالالا هما مستواهم الفنى ضعيف جدا
زى الشباب اللى موجودين فى غبور ابو رواش اذا ما كنتش عارف حقك تاخده ازاى يقولك هى العربية كده
و اكيد ناس كتير فاكره موضوع الرشاشات فى الفيرنا ال1600 و وش السلندر بتاع ال1500 و اللى اخد حقه اللى كان عارف حقوقه فين
نقطة مهمة لكل مالكى الروا و خاصة اصحاب شكوة الفتيس التقيل
قمت بتغير زيت الفتيس فى البنزينة اليوم لشعورى ان هذا الفتيس يجب تغير زيته بعد فترة تليين
العربية عاملة 5350كم الآن و عند فتح الطبة السفلية لتفريغ الزيت وجدت ما كنت اشعر انه موجود
وجدت رايش الصناعة لاصق بالطبة المغنطيس و بعد تغير الزيت حسيت فعلا بفرق بالاضافة الى تشحيم عصاية الفتيس اللى كنت قمت بتشحيمها بنفسى من قبل
التوكيل بيقول تغير زيت الفتيس على 40000كم و ده دليل على مستواهم الفنى
زيت الفتيس 90\80 بتاخد حوالى 2.5 ك بالاضافة الى التشحيم التكلفة فى محطة البنزين حوالى 55جنيها
جربوها و ادعولى
ملحوظة هامة
طبقة الفتيس العلوية -- مفتاح النكيه نجمه حاول قبل ما تبدأ تغير الزيت فى البنزينه تتأكد انه عنده طقم الانكيه نجمة كبير لان طبعاً كلنا عارفين فهلوة الصنايعية المصرية
او اعمل زى و اشترى طقم ليك خليه معاك فى العربية اذا كنت غاوى صيانة بنفسك
الطقم فى حدود 25 جنيها طبعاالصينى
استاذ شوبكشى...اهلا بيك معانا وموضوعك جميل ..ومن احسن التقييمات الى قرأتها
...احسن حاجه فيه انه تقييم فنى وتقنى...وانا عن نفسى مابخدش برأى اى تقييم ألا لو كان بالأرقام....يعنىبعيد عن مريحه....ثابته....بتعيط كتير ...أموره....والكلام دا...
انا كنت فى الاول بهاجم العربيه دى...بس بعد كده ما بقتش اتكلم عنها خالص...عشان
فى ناس كتير زعلت منى..ويمكن دا سبب تأخرى فى الرد على الموضوع الجميل دا
بس بجد بجد حراااااااااااام
بالمناسبة انا غيرت الآتى فى التوكيل
1- المارش
2- مراوح التبريد
3 - الكرونة و ده طبعا بعد ما بعت ايميلات لايران و فرنسا و وجيه اباظه ما تسبوش حقوقكم
و طبعا لازم تتعامل مع ميكانيكى بره يربطلك العفشة اللى خارجة من المصنع مفككة و بعد ال5000 يظبطلك التاكيهات لانهم فى التوكيل ما يعرفوش يظبطوها او بيقولوا مالهاش ضبط تاكيهات ،
انا شايف انو كتير اوى....حضرتك فاهم وعرفت العيوب منين وعرفت تاخد حقك
طب لو واحد ملوش خبره ...هيعمل ايه ؟؟؟!!!!
احنا الاول كنا بننتقد او بنتكلم عن العربيه عموما..زى المواد المستخدمه فى التصنيع....التصميم....السعر... لموتور...العفشه...الخ
اما دلوقتى..انا شايف ان مفيش مجال للكلام دا...عشان فى كذا عربيه روا معانا فى المنتدى دلوقتى...واصحابهم هما اللى هيكلمونا عنها...ويقييموها ..بكل حياديه...
على العموم ربنا يحفظهالك ياباشا...وياريت حضرتك تتابع دايما حبايبنا فى المنتدى من اصحاب الورا.....
استاذ فلايينج بيجو
العربية ده ينطبق عليها النكته السخيف القديمة بتاعت ( بتعرف بسوق بيجو)
اللى ما عندوش خبره فى الميكانيكا يبعد عنها خالص ما يفكرش فيها و خصوصاُ ان سمعت ان التوكيل نزل دفعة جديده و بسعر مغرى و امكانية تقسيط على سنه كمان زى ال 307 و 407 بس غير معلن عنها
و اشكرك بشد على تنبيهى
احييك يا استاذ فلاينج على ردك المحترم لان فعلا العربية اخدت حقها وزيادة اوى من النقد والبهدلة مع ان مفيش عربية فى الدنيا فى كل العيوب ال اتقالت على العربية ومفيهاش اى ميزات خالص العربية
مش بقول ان فيها عيوب بالعكس فيها عيوب انا نفسى مكنتش احب انها تكون فى عربيتى واهمها تقل الفتيس خصوصا انى كنت راكب اوتوماتيك
لكن بالتاكيد فيها ميزات حلوة كتير
والغريبة ان اكتر الناس ال انتقدت العربية دى ان مكانوش كلهم تقريبا مش راكبين العربية دى ولا حتى ساقوها
ده فى ناس بتنتقد العربية لمجرد انها ايرانى مع ان ايران مش بتنتج العربية دى بس ايران ليها تاريخ كبير فى صناعة السيارات لكن ال وصل لنا منها فى فى السنين الاخيرة هى البيجو الروا والكيا برايد والبيجو البارس وال البيجو ال 206 السيدان وكلها عربيات محترمة بشهادة اصحابها لكن الوحيدة ال اشتغل عليها النقد من قبل ماتنزل مصر ولا حد لسه عرف عنها اى حاجة هى الروا مش عارف ليه
على فكرة يا جماعة انا حاسيس انى اتفهمت غلط على العموم مش مشكلة
انا ما بشتكيش من العربية انا فعلاً شايف زى استاذ وليد باشا انها مناسبة على سعرها لظروف بلدنا
best value in price و
خصوصاً انى مجال شغلى المقاولات و سده معايا فى الشغل
و انا فعلا بتعامل مع ميكانيكى بره و الحمد لله اتغيرت و بقى عربية غير اللى استمتها
انا سبتنى من التوكيل فعلا
على فكره معدل استخدام العربية معايا تقريبى من 2500الى 3000كم فى الشهر
معتقدتش العربيات اللى فى فئتها السعرية حتستحمل الحرت ده
و خصوصاً انا كا معايا سيفيا كورى اتوماتيك قبل العربية ده على طول و 100% ما كنتش حتستحمل ظروف شغلى الحالية
نقطة مهمة لكل مالكى الروا و خاصة اصحاب شكوة الفتيس التقيل
قمت بتغير زيت الفتيس فى البنزينة اليوم لشعورى ان هذا الفتيس يجب تغير زيته بعد فترة تليين
العربية عاملة 5350كم الآن و عند فتح الطبة السفلية لتفريغ الزيت وجدت ما كنت اشعر انه موجود
وجدت رايش الصناعة لاصق بالطبة المغنطيس و بعد تغير الزيت حسيت فعلا بفرق بالاضافة الى تشحيم عصاية الفتيس اللى كنت قمت بتشحيمها بنفسى من قبل
التوكيل بيقول تغير زيت الفتيس على 40000كم و ده دليل على مستواهم الفنى
زيت الفتيس 90\80 بتاخد حوالى 2.5 ك بالاضافة الى التشحيم التكلفة فى محطة البنزين حوالى 55جنيها
جربوها و ادعولى
كلامك صحيح 100%
شكرا للأستاذ شبوكشي ع التقييم، ممكن نعرف أخبار العربية ايه بعد 6 شهور (وحوالي 25 ألف كيلو متر حسب حسابات حضرتك)؟