الموضوع: خلاص معدش حد هيجيبك من بيتك في نص الليل...طب مش عايز تربيها ليه؟!

المشاركة الأصلية كتبت بواسطة هيثم المنياوى

جزاكم الله خيراً يادكتور وذكرك بالخير ورزقنا سنة حبيبنا ونور عيوننا سيدنا رسول الله عليه الصلاة والسلام

بارك الله فيك أخى الفاضل و رزقنا الاخلاص

المشاركة الأصلية كتبت بواسطة medo84eg

عاوزين نعمل حمله يا شباب و تبقي حمله المليون لحيه
و تبقي عباره عن مليون مسلم اطلق لحيته حبا في رسول الله صلي الله عليه و سلم
بجد كلنا لازم نشارك
و الموضوع ده لازم يستمر و ايدينا في ايدين بعض و اشكر الاخوة القائمين علي الموضوع فردا فردا و مش عاوز اقول اسماء لحسن انسي حد لان الاعضاء دول ما شاء الله كتير و هما عارفين نفسهم
بارك الله فيكم

كان فى فعلا حملة طلعت كده .. و بعدين لقيت حد فى الجورنال كاتب "مش اننا نعمل حملة لاطعام مليون فقير أفضل من اننا نعمل حملة لاطلاق مليون لحية" .. دايما اسلوبهم كده .. طيب ما تعمل الاتنين .. ماهى دى لها ثواب و دى لها ثواب .. ايه المشكلة لما أطلع صدقة و أصوم اتنين و خميس .. ولا مينفعش الاتنين .. و ربنا سبحانه و تعالى لما تكلم عن أمور الاخره قال "و سارعوا" و "وسابقوا" و لما تكلم عن الدنيا قال "فامشوا فى مناكبها و كلوا من رزقه"

اللى فكرنى بالموضوع ده ان كان فى حد من فترة بسيطة بعت لى موقع دار الافتاء المصرية .. و انا بقلب فى الفتاوى شفت حد بيسأل عن حلق اللحية و كان الرد كالتالى.

الجواب: فضيلة الاستاذ الدكتورعلي جمعة محمد

حلق اللحية من الأمور المختلف فيها بين الفقهاء؛ فبينما يرى الجمهور أن حلقها حرام، يرى الشافعية أن حلقها مكروه؛ حملا للأمر بإطلاقها وإعفائها وتوفيرها على الندب؛ لتعلقه بالعادات كالأكل والشرب واللبس والجلوس والهيئة، ومثلوا ذلك بالأمر بالخضاب والصلاة في النعلين ونحو ذلك.

وكذلك الحال في أخذ الوجه بالفتلة؛ فإن العلماء مختلفون في دخول غير الحاجبين من شعر الوجه في النمص المنهي عنه شرعًا: حيث يرى بعض علماء المذاهب والمالكية في المعتمد عندهم أن نتف غير الحاجبين من شعر الوجه جائز لا حرمة فيه، خلافًا للجمهور القائلين بدخول ذلك في النمص المتوعَّد على فعله في الحديث الشريف، وقول الجمهور هو ما نرجحه ونميل إلى الأخذ به.

يعنى جمهور العلماء -معظم العلماء- بيقولوا انه حرام .. و الشافعية بيقولوا انه مكروه (مكروه -للى مش عارف- يعنى ربنا سبحانه و تعالى بيكرهه) .. و دار الافتاء بتاعتنا كمان بتقول نرجح رأى الجمهور.

يعنى حلق اللحية يا اما حرام عليه ذنوب .. يا اما حاجه ربنا سبحانه و تعالى بيكرهها.

و الله أنا شفت ناس عشان خطيبته بتحب تشوفه بسكسوكه .. كان بيربى سكسوكة .. تخيل بأه ان ربنا سبحانه و تعالى بيحب يشوفك بالهيئه دى - لحكمة لا يعلمها الا هو سبحانه - و لهذا السبب أوجد لنا لحية و ميزنا بها.


و ربنا يهدينا جميعا لما يحب و يرضى و الى الفطرة السليمة.

المشاركة الأصلية كتبت بواسطة أبو إياد

واللى ممكن يخسر وظيفته . حكم الشرع ايه ؟

يستفتى شيخ فى الموضوع ده طبعا .. اللى بيشرب خمره عشان هيموت من العطش ليس عليه شىء .. و الحمد لله الدين بتاعنا يسر (يريد الله بكم اليسر ولا يريد بكم العسر).

بس أنا عن نفسى مش هرضى على نفسى انى اشتغل فى عمل يتحكم فى مظهرى .. و ده مش موجود فى أى مكان فى العالم .. لو سافرت أى دولة أجنبية هتلاقى الهنود و الباكستانيين و البنغال شغالين فى شركات أجنبية و كله عامل فى شعره و دقنة اللى هو عايزه.

فاللى عنده الحاله دى يستفتى شيخ طبعا .. بس دى حاله استثنائية .. معتقدش ان كل الناس عندها العذر ده

جزاك الله خير يا بشمهندس

والله موضوع جميل جدا وانا على فكرة ملتحى بس ذقنى صغيروة شوية على قدى اعمل ايه هيا اخرها كده