الموضوع: اشتريت لوجان 2011 من ثلاثة أيام، ولى كام استفسار

السادة الوحوش ملاك الرينو لوجان

بعد التحية وعظيم الاحترام

الحمد لله تملكت لوجان 2011 بترولى اللون هاف أوبشن من المهندسين الميكانيكيين القريبة من السندباد بطريق المطار بالقاهرة

بصراحة الحمد لله أنى اشتريت العربية دى لأنه توفيق من ربنا أولاً ثم بناء على الموضوعات اللى عامله الوحوش فى المنتدى عن العربية.

هى أداءها كويس جداً بالمقارنة بسعرها أمكانيتها كمان معقولة جداً خصوصاً أن المفتاح بتاعها فيه ريموت خاص باللوك، استهلاك البنزين كمان معقول بالنسبة لـ 1600 cc، يعنى بصراحة كله معقول الحمد لله.

استفسارتى عن السيارة للملاك السابقين:ـ

1 ـ هل يمكن استخدام بنزين 80 فى السيارة أم لا ياريت لو حد عملها يقول لأن كده تبقى عربية جامدة جداً.
2 ـ هل يوجد إيموبلويزر فى العربية ولا لأ
3 ـ فيه صوت تكتكة مع دوسة الفرامل بتظهر بوضوح فى السرعات العالية يعنى فوق الستين كده، يمكن ده abs ، وأنا مش واخد بالى هههههه.
4 ـ أخيراً بالنسبة للصيانة الأولى لازم بعد 5000 ك، ولا بعد عشرة ألاف كيلو ويتم تغيير الزيت إمتى مع الخمسة ولا العشرة

أخيراً الباب بيفتح من جوه على طول حتى لو كان اللوك مقفول فهل ده طبيعى من حضراتكو أم أن العربية بتاعتى فيها حاجة مش مظبوطة.

وأخيراً أنا بشكر ربنا سبحانه وتعالى على تلك السيارة ويشرفنى أنا أكون عضو فى منتدى رينو لوجان

وشكراً

المشاركة الأصلية كتبت بواسطة harizy

الزميل الفاضل أنا جبتها كاش مش قسط بصراحة أحاول قدر الإمكان اجتنابه،
الألوان بالنسبة للهاف فيه {رمادى (فضى يعنى)، وفيه بترولى، وفيه أسود، وفيه أبيض} ده اللى جاهز عنده بالنسبة لبقية الألوان هو ممكن يوفرها ليك بس ممكن تتأخر شوية
ومبروك مقدماً واختيار موفق بإذن الله

بس انت عملت ايه في حوار الكاسيت السي دي غيرته وبالنسبه للجنوط متعرفش ممكن تعمل كام لو بدلتها وانا بشتري