السلام عليكم
معايا كورولا 1992 1300 عاملة 285000كم
المشكلة ان الموتور بياكل زيت وكمان وش السلندر متاكل
بافكر اجيب موتور استيراد 1600 انجكشن
اجيب منين واعرف الحالة ازاى وهيكلف كام
وهل ممكن تقابلنى مشاكل
عرض للطباعة
السلام عليكم
معايا كورولا 1992 1300 عاملة 285000كم
المشكلة ان الموتور بياكل زيت وكمان وش السلندر متاكل
بافكر اجيب موتور استيراد 1600 انجكشن
اجيب منين واعرف الحالة ازاى وهيكلف كام
وهل ممكن تقابلنى مشاكل
معاك حلين الاول تجيب وش استيراد و تظبط تاكل الزيت اللى عندك بشنابر جديدة و المكنة تتظبط معاك لان المكنة ال 1300 ديه ممتازة جدا
و الحل التانى تجيب موتور استيراد بفتيسه من الحرفيين او بورسعيد و هاتلاقى 1500 و 1600 و ده بيبقا على التجربة بس ده هايبقا انجيكشن و هاتحتاج تغير ضفيرة العربية بالكامل و ممكن تقابل مشاكل فى موضوع الضفيرة ده و كمان الكونترول يونت بتاعت الموتور هاتيجى معاه و ممكن تحتاج برمجة بعد التركيب و هاتغير الشكمان كله و طرمبة البنزين عشان هاتبقا فى التنك و كهربا و هاتغير خطوط البنزين اللى ماشية فى ارضية العربية بالكامل و فلتر البنزين كمان بالاضافة انك هاتفتح طبب فى الشاسيه عشان تركب عليها قواعد الموتور الجديدة لان قواعد ال 1600 غير ال 1300
الحل الاول يكلفك بالكتير 1000 جنيه
الحل التانى هايدخلك ف 4000 او 6000
الف شكر يا احمد باشا
انا ميال اكتر لتغيير الموتور لان تقديرى الشخصى ان الموتور عايز عمرة كاملة وطبعا شغلانة مش مضمونة
فى نفس الوقت واحد صاحبى معاه بورا جابلها موتور وهو المشجعنى ع الفكرة دى
وقاللى الموتور هيجى بقواعده ويعرف كهربائى كويس يركب الضفيرة
بس انت ادتنى فكرة ان الموضوع صعب
يا ريت لو حد مر بالتجربة دى ىدىنا معلوماته
استاذ احمد جلال ربنا سكرمك ويجعل مساعدتك للناس في ميزان حسناتك وسكون ده سبب في نجاحك في دنيتك واخرتك كنت قريت رد ليك سنة ٢٠١١ بخصوص التويوتا كرولا ملكه موديل ٩٢ وكان عن موضوع تغير موتور ١٣٠٠ لاخر ١٦٠٠ وحضرتك دكرت فيه تغير ضفيره وكنترول ومواسير بنزين وتغير قواعد حضرتك متاكد من موضوع تغير القواعد ده في حالة ان هغير من ١٣٠٠ كاربرتير ل ١٦٠٠ انجكشن
لان معروض عليه عربيه سليمه دواخل موديل ٩٣وحالتها حلوه ب ٤٥ بش موتورها تعبان فتنصحني بايه ولو هاخدها بالعيب ده اخدها بكام وعاجز عن الشكر وربنا يجعا مساعدتك للناس في ميزان حسناتك
منصحكش لو موتورها تعبان تسقيط المواتير ده وجع قلب ودوخه بالاضافه الى ان قطع الغيار قلت شويه اليومين دول و طبيعى على عمر العربيه بقالها ربع قرن فى الشوارع و ديه ممكن تعمل 40 لان اقل واجب فى تسقيط مكنه بمشتملاتها 1600 هتخش فى 10000 مستريح و طبعا القواعد مختلفه
استاذ احمد عاجز عن الشكر والف شكر وربنا يجازيك خير
طيب تنصحني بايه في حدود ٥٠ الف
متابع للإستفادة
طيب حد يخش يفيدنا ياجماعه انا عارف ان الموضوع قديم بس معلش نساعد بعض