موتور استيراد لكورولا 92 الملكة

**EHAB TAHER** · 30-03-2011 11:55 AM

السلام عليكم
معايا كورولا 1992 1300 عاملة 285000كم
المشكلة ان الموتور بياكل زيت وكمان وش السلندر متاكل
بافكر اجيب موتور استيراد 1600 انجكشن
اجيب منين واعرف الحالة ازاى وهيكلف كام
وهل ممكن تقابلنى مشاكل

**Ahmed Galal** · 30-03-2011 09:56 PM

معاك حلين الاول تجيب وش استيراد و تظبط تاكل الزيت اللى عندك بشنابر جديدة و المكنة تتظبط معاك لان المكنة ال 1300 ديه ممتازة جدا
و الحل التانى تجيب موتور استيراد بفتيسه من الحرفيين او بورسعيد و هاتلاقى 1500 و 1600 و ده بيبقا على التجربة بس ده هايبقا انجيكشن و هاتحتاج تغير ضفيرة العربية بالكامل و ممكن تقابل مشاكل فى موضوع الضفيرة ده و كمان الكونترول يونت بتاعت الموتور هاتيجى معاه و ممكن تحتاج برمجة بعد التركيب و هاتغير الشكمان كله و طرمبة البنزين عشان هاتبقا فى التنك و كهربا و هاتغير خطوط البنزين اللى ماشية فى ارضية العربية بالكامل و فلتر البنزين كمان بالاضافة انك هاتفتح طبب فى الشاسيه عشان تركب عليها قواعد الموتور الجديدة لان قواعد ال 1600 غير ال 1300
الحل الاول يكلفك بالكتير 1000 جنيه
الحل التانى هايدخلك ف 4000 او 6000

**EHAB TAHER** · 03-04-2011 12:26 PM

الف شكر يا احمد باشا
انا ميال اكتر لتغيير الموتور لان تقديرى الشخصى ان الموتور عايز عمرة كاملة وطبعا شغلانة مش مضمونة
فى نفس الوقت واحد صاحبى معاه بورا جابلها موتور وهو المشجعنى ع الفكرة دى
وقاللى الموتور هيجى بقواعده ويعرف كهربائى كويس يركب الضفيرة
بس انت ادتنى فكرة ان الموضوع صعب
يا ريت لو حد مر بالتجربة دى ىدىنا معلوماته

**Ahmedlion1986** · 07-01-2016 07:08 AM

المشاركة الأصلية كتبت بواسطة ahmed galal

معاك حلين الاول تجيب وش استيراد و تظبط تاكل الزيت اللى عندك بشنابر جديدة و المكنة تتظبط معاك لان المكنة ال 1300 ديه ممتازة جدا
و الحل التانى تجيب موتور استيراد بفتيسه من الحرفيين او بورسعيد و هاتلاقى 1500 و 1600 و ده بيبقا على التجربة بس ده هايبقا انجيكشن و هاتحتاج تغير ضفيرة العربية بالكامل و ممكن تقابل مشاكل فى موضوع الضفيرة ده و كمان الكونترول يونت بتاعت الموتور هاتيجى معاه و ممكن تحتاج برمجة بعد التركيب و هاتغير الشكمان كله و طرمبة البنزين عشان هاتبقا فى التنك و كهربا و هاتغير خطوط البنزين اللى ماشية فى ارضية العربية بالكامل و فلتر البنزين كمان بالاضافة انك هاتفتح طبب فى الشاسيه عشان تركب عليها قواعد الموتور الجديدة لان قواعد ال 1600 غير ال 1300
الحل الاول يكلفك بالكتير 1000 جنيه
الحل التانى هايدخلك ف 4000 او 6000

استاذ احمد جلال ربنا سكرمك ويجعل مساعدتك للناس في ميزان حسناتك وسكون ده سبب في نجاحك في دنيتك واخرتك كنت قريت رد ليك سنة ٢٠١١ بخصوص التويوتا كرولا ملكه موديل ٩٢ وكان عن موضوع تغير موتور ١٣٠٠ لاخر ١٦٠٠ وحضرتك دكرت فيه تغير ضفيره وكنترول ومواسير بنزين وتغير قواعد حضرتك متاكد من موضوع تغير القواعد ده في حالة ان هغير من ١٣٠٠ كاربرتير ل ١٦٠٠ انجكشن
لان معروض عليه عربيه سليمه دواخل موديل ٩٣وحالتها حلوه ب ٤٥ بش موتورها تعبان فتنصحني بايه ولو هاخدها بالعيب ده اخدها بكام وعاجز عن الشكر وربنا يجعا مساعدتك للناس في ميزان حسناتك

**Ahmed Galal** · 07-01-2016 05:14 PM

منصحكش لو موتورها تعبان تسقيط المواتير ده وجع قلب ودوخه بالاضافه الى ان قطع الغيار قلت شويه اليومين دول و طبيعى على عمر العربيه بقالها ربع قرن فى الشوارع و ديه ممكن تعمل 40 لان اقل واجب فى تسقيط مكنه بمشتملاتها 1600 هتخش فى 10000 مستريح و طبعا القواعد مختلفه

**Ahmedlion1986** · 08-01-2016 02:09 AM

استاذ احمد عاجز عن الشكر والف شكر وربنا يجازيك خير
طيب تنصحني بايه في حدود ٥٠ الف

**Ahmedlion1986** · 09-01-2016 01:10 AM

المشاركة الأصلية كتبت بواسطة ahmed galal

منصحكش لو موتورها تعبان تسقيط المواتير ده وجع قلب ودوخه بالاضافه الى ان قطع الغيار قلت شويه اليومين دول و طبيعى على عمر العربيه بقالها ربع قرن فى الشوارع و ديه ممكن تعمل 40 لان اقل واجب فى تسقيط مكنه بمشتملاتها 1600 هتخش فى 10000 مستريح و طبعا القواعد مختلفه

طيب تنصحني بايه في حدود ٥٠ الف ربنا يكرمك