الموضوع: قضية الترموستات الحكم بعد استشارة العصابة

ندخل فى القضية على طول

المفروض ان عندى المراوح معلقة على السرعة العالية من ساعة ماادور العربية و امشى بيها لغاية لما اوصل اى مشوار و ابطل ( شغالة علطول )

طبعا التشخيص المبدئى ترموستات و بالصدفة و هى معلقة على العالى كدة مرة خبطت على الترموستات بطرف مفك كانت المراوح بتفصل لثوانى و تعلق تانى فقولت يبقى اكيد الترموستات الله يرحمه....دى كدة مشكلة

المشكلة التانية بعد لما تبطل العربية المفروض المراوح بتفضل شغالة شوية و تفصل اوتوماتيك لأ المشكلة عندى تفضل شغالة باستمرار بس على السرعة البطيئة و ياسلام لو ركنت و العربية هتبات للصبح تنزل تلاقى البطارية نامت

روحت لحسام اوبل و كشف قالى عيب ترموستات و قالى فى واحد جديد ب 140 المانى قولتله الجديد اللى بتقول عليه دة مضروب و بيبوظ بسرعة مافيش واحد استيراد ؟؟

قالى مفيش و بتاع المهم من هنا لهنا ركبناه و بندور برده نفس العيب قولتله طب انا هشتريه من التوكيل و اعدى عليك

سالت على الترموستات فى التوكيل مالقتوش و عند العوض لقيت بتاع فكترا a الازرق و اشتريته و انا عربيتى b و هقولكم اشتريته ليه.

بعد كام يوم روحت للكهربائى و معايا بتاع الفكترا ايه على اساس ان لو نفس ارقام الحرارة اركبه عادى و دة اللى اكدهولى فى العوض جروب و انا بشتريه ان لو نفس الارقام نفس اللى راكب عندك ركبه عادى مع ان اللى عندى لونه رمادى مش ازرق و اللى فاكره طشاش ان اللى عندى ارقامه مختلفة بسيط عن اللى اشتريته بس قولت مش هخسر حاجة

الكهربائى شاف اللى معايا الازرق قاللى مش هيركب و صمم يركب واحد برده زى اللى حسام اوبل جابه

المهم ركبه و دور لقينا نفس العيب المراوح معلقة باستمرار و مش شغالة فى ميعادها مع الحرارة قولتله شوفت نفس العيب و الكهريائى متاكد انه مركبه فى كذا عربية و شغال تمام

طبعا الكهربائى عاوز يطلع العيب من اى حاجة تانية غير الترموستات و فعلا فى دفيرة سلك معدية فوق الريداتير قعد يهزها كدة المرواح فصلت و مع مراجعة الحرارة من الاول تلقيط المراوح مع الحرارة اتظبط و رجعنا الترموستات و ركبت اللى كان عندى اصلا

فى دلوقتى مشكلتين

الاولى هى موضوع المراوح اللى بتفضل شغالة بعد لما ابطل و بضطر انى افصل فيوز معين كدة عشان الغى الاوبشن دة

المشكلة التانية ان واحد قريبى كنت موصيه و هو راجع من بورسعيد يجيبلى ترومستات و اللى محيرنى ان هو جابه فعلا و شكله مختلف تماما عن الترموستات اللى هنا

عاوز استفيد من خبرة العصابة فى درجة الحرارة المكتوبة على الترموستات الفكترا b اوتوماتيك 2000 cc موديل 1996

ممكن يكون اللى قريبى جابهولى دة هو الاصلى بتاعها فعلا

و شكرا و اسفين على الاطالة