وبناء على راى الشباب المحترمين فى المنتدى جربت زيت كاسترول ماجنتك
وبصراحة حاسس بفرق كتير الماتور صوت اهدى والسحب اسرع
معايا هوندا سيتى 2008 _1300 سى سى 163000 كيلو
عرض للطباعة
وبناء على راى الشباب المحترمين فى المنتدى جربت زيت كاسترول ماجنتك
وبصراحة حاسس بفرق كتير الماتور صوت اهدى والسحب اسرع
معايا هوندا سيتى 2008 _1300 سى سى 163000 كيلو
سيارتى شاهين 2001 وهى شقيانة شوية والموتور خفيف شوية
بحثت عنها بموقع كاسترول ولم اجد لها وجود بالموقع
واتمنى تفيدونى بافضل زيت موتور لها لان صوت موتور الشاهين عالى شوية
مع الشكر
يجماعه هل في castrol 5w30 api:sn acea:a5 ?? لو موجود فى مصر حد يقولى موجود فين وسعروا كام من فضلكم ؟
ما تعتمدش على تجارب الآخرين.. خصوصا إذا كان معاهم عربيات مختلفة عن عربيتك
غالبا هتلاقي آراء متباينة عن الزيت الواحد.. ﻷن أغلب الناس بتحط الزيوت في عربياتها بدون أي قواعد.. مجرد آراء ناس تانية لناس ظروفها مختلفة عنك..
وللعلم.. مش كل الزيوت تمشي في كل المواتير.. ﻷن المواتير مش زي بعضها.. وكل واحد وله طلبات.
علشان كده بنقول إن الكتالوج هو المرجع والفيصل في اختيار الزيوت.. وليست التجارب
ولما تختار زيت.. اختاره بناءا على مواصفاته.. اللي لازم تبقى زي الكتالوج .. إذا ما كانتش أحسن منه.
وارد تلاقي زيوت متشابهة في المواصفات.. وساعتها بس ممكن تفاضل ما بينهم من ناحية الماركة... ولو إنك مش حتلاقي فرق في أداءهم لو كانوا زي بعض بالضبط في المواصفات.
مواصفات الزيت ما هياش لزوجة وبس... في أكواد تانية مهمة جدا لازم تراعيها وتتأكد إنها ماشية مع المكتوب في الكتالوج.. ﻷن الأكواد دي بتدي فكرة عن الأداء الفعلي للزيت ومدى كفاءته في الحفاظ على موتورك.
أنصحك تاخد فكرة عن كيفية فهم الأكواد دي من الموضوع دع
http://www.nilemotors.net/Nile/341680-a.html
ولو محتاج أي مساعدة أنا في الخدمة.
...
بوريو باشا .. عاوز رايك في حاجة لو سمحت
انا بحط للنوبيرا زيت للمحرك .. بيزول اﻻلمانى الصنع
كل خمستﻻف كم.. ابو 130ج بالتغير وكل غيار زيت
بغير الفلتر ... عشان احافظ على شمايز واسطوانات المحرك
وزيت فتيس اﻻوتو عندى برضة بغير زيت بيزول الخمسة
لتر
ب290ج وفلتر الفتيس ب60ج مع التغير
اية رايك في زيت محرك بيزول للنوبيرا 2
و زيت بيزول للفتيس اﻻوتو للنوبيرا برضو
كويس ومناسب ليها وﻻ مضر.. خاصة ان مفيش مكانيكى
تقوله ايه رايك في زيوت بيزول ﻻى مكن عربية
اﻻ ويشكر فية.. مع انه مش كسبان حاجة في مدحه
لزيوت بيزول اﻻلمانى الصنع.. المعبأ فالخارج
خاصة ان ان كتالوج النوبيرا عندى مسخرة السنين والله
عندى بيقولى محركها عاوزة زيت10w30
تخيل.. طب انا اﻻن العربية عاملة 88 الف وكسر
احطلها الموبل ابو عشرة على تﻻتين زى مالكتالوج بيقول
وﻻ زيت تقيل لزوجة عالية زى
ال
50w
بص يا باشا..
أولا.. أنا معرفش الزيت أبو ١٣٠ جنيه وأبو ٢٩٠ جنيه... أنا اللي أعرفه مواصفات وبس..
الزيت أبو ١٣٠ جنيه ده مواصفاته إيه؟؟ يعني لازم تقوللي لزوجته كام وأكواد جودته إيه.. ساعتها أقوللك كويس ولا وحش..
ولو الاتنين كويسين.. ممكن يردو يكون فيه واحد منهم جودته أعلى... بس ساعتها الاختيار بيبقى حسب انت عايز إيه من الزيت وهتعمل إيه بالعربية.
أما بقى لو حصل ولقيت زيتين زي بعض بالظبط في المواصفات.. ساعتها بس تدور عالماركة... ولو كانوا الماركتين مضمونين.. ابقى دور على بلد الصنع.
ثانيا... موضوع اللزوجة التقيلة والخفيفة ده فيه كلام كتير غلط منتشر بين الناس.. لإن الناس واخدة نص الكلام وسايبة بقيته..
اللزوجة التقيلة كويسة لإنها بتدي طبقة تزييت اتخن شوية.. وبالتالي بتبقى كويسة لما "تحمل" على الموتور.. زي حالات الشد بالموتور أو طلوع المرتفعات أو قطر السيارات..
بس مشكلة الزيوت التقيلة عموما إن انسيابيتها في الموتور بطيئة شوية.. خصوصا في بداية التشغيل (وانت عارف إن أخطر وقت هو بداية التشغيل).. وأحيانا ممكن ما توصلش للأماكن الضيقة.. وبالتالي بتفقد ميزة التزييت أساسا.
الزيوت الخفيفة بالعكس.. انسيابيتها أسرع.. وبتعمل مقاومة أخف على الموتور.. وبالتالي بتوفر في البنزين.. بس أحيانا ما بتديش الحماية الكافية... بالذات مع اللزوجات الخفيفة جدا زي 0W-20 أو 5W-20
طيب نعمل إيه؟؟؟ ده كل حاجة وليها عيوب ومزايا!!!
ملخص الكلام..
ما تحطش حاجة من دماغك... الزيت بتاع الكتالوج متجرب في ١٠٠ موتور في المصنع قبل ما ينزلك في السوق... والصانع مش هيجازف بسمعة عربيته بحاجة مش مضمونة.. ما تقلقش.
وبعدين ٨٨ ألف كيلو دي يعني الموتور لسه جديد .. ولو بنحسب بحسابات الاستخدام الطبيعي للعربيات في العالم كله.. يبقى الـ٨٨ ألف دول معناها إن العربية عمرها حوالي ٤ سنين...
أمال لما الموتور يعمل ٢٥٠ ألف هتحطله زيت إيه.. فالفلين؟؟ ده أنا معمر موتور عربية والدي على ٣٤٠ ألف.. وماكانش محتاج غير نص عمرة فعلا.
عموما.. ادخل على الموضوع ده يمكن تغير رأيك..
http://www.nilemotors.net/Nile/477071-100.html
والموضوع ده لو عايز تعرف ازاي تختار الزيت الصح وازاي تعرف الزيت الكويس من الوحش.
http://www.nilemotors.net/Nile/341680-a.html
ولو الزيت بينقص عندك.. شوف المعلومات اللي في الموضوع ده قبل ما تفكر في نص عمرة
http://www.nilemotors.net/Nile/418186-a.html
...
زيت باسات 2005 افضل شئ
بصراحه انا بستخدمه على سيراتو كوبيه 2011 من ساعه ماجبت العربيه لان التوكيل كان بيغير نفس الزيت وكملت بعديه والعربيه ماشيه 80000 دلوقتى بس بستعمل gtx وبغيره كل 5000 مع تغيير الفلتر بقول عشان احافظ على العربيه ومريحنى ومش بفكر اغيره
في البداية لو الكلام اللي انت بتقوله ده عن تجربتك للزيت كان خلال 2016 يبقى للأسف إنت ماجبتش ال 15000 كم. لأن الزيت اللي بيقعد 15000 هو كاسترول إيدج و عمري ماجبته بالسعر اللي انت بتقول عليه ده لا في 2016 و لا حتى 2015 فغالباً البائع مكانش أمين معاك لو قالك الزيت ده 15000 كم.
تاني حاجة إنت حكمت منين إن الموتور بتاعك سليم , ممكن يكون بياكل زيت و بيتحرق و الوسيلة الوحيدة لمعرفته إنك تتابع المقاس يومياً.
أخيراً حاول تتأكد من الزيت المناسب للعربية بتاعتك ممكن يكون مواصفته مختلفة عن اللي انت جبته.
بالتوفيق إن شاء الله.
انا جربت كاسترول ايدج 5w 40 هو زيت كويس و بيهدى صوت الموتور و بيخلى العربية ناعمة ولكن العيب الوحيد فيه ان معدل البخر عالى و خاصة عند السير لمسافات طويلة 500 كيلو او اكثر و بالسرعة العالية بتلاقيه بعد المشوار نقص و لونه الزيت بيسود خلافا لما هو مكتوب ان الزيت بعد 7000 كيلو نازل نضيف ..الكلام دة مش مظبوط الزيت اسود و بعد مخاطبة الشركة قالولى ده طبيعى وكده الزيت بيقوم بدورة فى تنقية الشوائب وعدم ترسيبها على الاجزاء الداخلية للموتور.. عموما هو زيت كويس وانصح بتجربته للسيارات الجديده . وشكرا لكم:Y_hi_3[1]:
الأهم من تجربة الزيت هو إنك تتأكد إن الزيت متوافق مع طلبات كتالوج عربيتك... لإنه لو مش متوافق هتحس بمشاكل كتير مع العربية...
دايما ارجع لكتالوج عربيتك علشان تعرف الزيت المناسب.. واختار أي ماركة تمشي مع الكتالوج... بغض النظر عن الماركة... المواصفات هي الأهم...
بالنسبة للنقص اللي حصل مع حضرتك... فده غالبا راجع لواحد من سببين:
إما إن الزيت مش متطابق مع طلبات الكتالوج...
أو إن حضرتك كنت بتستخدم زيوت معدنية لمدة طويلة.. ونقص الزيت في الحالة دي يعتبر شيء طبيعي وبيستمر لمدة معينة (10-20 ألف كيلومتر) وبعدها بيرجع الموتور يحكم كبس ونقص الزيت يرجع للمعدلات الطبيعية.
بردو موضوع تغير اللون...
لو الزيت بيغير لون بسرعة.. ده معناه إن الموتور فيه تسريب داخلي كبير لغازات العادم أو إن الحرق مش كامل.. والترسبات الكربونية دي بقت موجودة كتير جوة الموتور.. والزيت دلوقتي بينظف الترسبات دي.
استمرارك على الزيت التخليقي أفضل (مش مهم الماركة).. وهيرجع الموتور نظيف من جوه ويمنع نقص الزيت .. بس بعد فترة كبيرة شوية.
...
انا عربيتي هيونداي ماتريكس اوتوماتيك موديل 2006 ماشية 118000 كم تنصحوني بكاسترول ايدج و لا كاسترول ماجنتك و شكراً