ايه القرف ده - المظاهرات لحد فين ؟

يا جماعة انا من امبارح مخنوق جدا
كنت في مصر الجديدة وجاي من عند الميرلاند وداخل على اشارة روكسي وعايز ادخل شمال ناحية قويدر
الاقي الدنيا واقفة والاشارة حمراء والناس بتمشي وخضراء برضه والناس بتمشي
لحد ما ربنا كرمني ووصلت للميدان
الاقي شباب لايتعدى عددهم 250 شخص متظاهرين مش عارف ليه
وكم ظباط شرطة من اعلى الرتب وعساكر جيش الشرطة العسكرية
والله لو نفخوا فيهم لهيحرقوهم

عاملين ايه بقى ؟
قاعدين على الارض في الاتجاه اللي عايز ادخل فيه
لقيت عميد شرطة بيقولي يا فندم بعد إذنك ياريت ترجع :rfds:
قلتله سيبني احاول على اساس ان العدد صغير وممكن اسلك قالي اتفضل
وشابين حلوين كده ولاااااااااااد التييييييييييت بيوقفوا العربيات بالعافية وخبط وترزيع على العربية وارجع تاني

:no1:

ياعم انا فيه ناس حريم مستنيين بقالهم ساعة في الشارع وتعبانين
لاااااااا لف وارجع تاني
ياعم يهديك يرضيك
لقيته راح مكشرلي وقالي مش هتعدي حتى لو عملت ايه

والله العصبي ركبني وسبحان من صبرني في اللحظة دي
والله كنت هفرك بالعربية واشيلهم كلهم من على الارض واللي يحصل يحصل

يا ناااااااااااااااس ارحموانا
عايزين ايه

مظاهرة من 250 شخص توقفوا بيها ميدان زي ده
ليه حرام عليكم
والله لحد الان ما اعرفلهم مطالب

حسبي الله ونعم الوكيل في كل مخرب

احنا فعلا عايزين قانون منع التظاهر

قلة عقل مهما كان ليهم مطالب طالما أذوى غيرهم وقطعو الطريق ...........قاطعي طريق مش لاقيلهم مسمى غير كده بصراحة
يشفولهم شغلانة يشغلو نفسهم بيها بدل شغل البلطجةده

الكوميديا بقى

بحثت الان على جوجل عن مظاهرات ميدان روكسي

اقتباس:

---

تظاهر المئات من المواطنين في ميدان روكسي للمطالبة بإخلاء ميدان التحرير من المتظاهرين وبإعطاء الفرصة للحكومة الجديدة برئاسة الدكتور عصام شرف لإنجاز مهمتها في دفع عملية التنمية والبناء في البلاد, وكذلك التعاون مع رجال الشرطة لإعادة الأمن والاستقرار إلى الشارع المصري.

كما ندد المواطنون بالمحاولات البغيضة التي تستهدف إثارة الفتنة بين المسلمين والمسيحيين, مؤكدين تمسك الشعب المصري بوحدته الوطنية والنسيج الاجتماعي دون تفرقة دينية.

وأقام المواطنون إذاعة داخلية في الميدان أنشدت أجمل الأغاني الوطنية التي تفاعل معها المواطنون وكل من كان يمر بالميدان.

---

من كذا مصدر كاتب نفس الكلام

دول بتوع احنا اسفين يا صلاح

اقتباس:

---

المشاركة الأصلية كتبت بواسطة human12

دول بتوع احنا اسفين يا صلاح

---

:36_1_1[1]:

اقتباس:

---

المشاركة الأصلية كتبت بواسطة أبو صلاح

الكوميديا بقى

بحثت الان على جوجل عن مظاهرات ميدان روكسي



من كذا مصدر كاتب نفس الكلام

---

واضح ألي حصل معاك مالوش علاقة بالخبر..........هو لسه في مظاهرات في التحرير

تظاهرة في روكسي للمطالبة بإخلاء ميدان التحرير من المعتصمين

Tweethttp://img.wlxrs.com/$Live.SN.Messen...e/icon16wh.pngشارك

http://productnews.link.net/general/...1/army_370.jpgاضغط للتكبير

مظاهرات بميدان التحرير تنادي بالوحدة الوطنية - مصراوي

• اطبع
• أضف تعليق
• ارسل

3/11/2011 8:34:00 PM
القاهرة - أ ش أ
تظاهر المئات من المواطنين في ميدان روكسي للمطالبة بإخلاء ميدان التحرير من المعتصمين وبإعطاء الفرصة للحكومة الجديدة برئاسة الدكتور عصام شرف لإنجاز مهمتها في دفع عملية التنمية والبناء في البلاد، وكذلك التعاون مع رجال الشرطة لإعادة الأمن والاستقرار إلى الشارع المصري.
كما ندد المواطنون بالمحاولات البغيضة التي تستهدف إثارة الفتنة بين المسلمين والمسيحيين، مؤكدين تمسك الشعب المصري بوحدته الوطنية والنسيج الاجتماعي دون تفرقة دينية.
وأقام المواطنون إذاعة داخلية في الميدان أنشدت أجمل الأغاني الوطنية التي تفاعل معها المواطنون وكل من كان يمر بالميدان.
اقرأ أيضا:

يا otefa

طيب تفسر ده بإيه ؟

حد يفهمني

انا لو مكانك كنت اخدتهم تحت العربية واللى يحصل يحصل
اللى عايز يعمل مظاهرة يعمل بس ميعطلش مصالح الناس

فعلا امباح قعدت الف حوالين الحتة دي كتير علشان اعرف اوصل جسر السويس ... و كانوا ميعدوش 250 شخص مثلا .. قاعدين على الأرض ..

بس ظريف اوي المبدأ ده ... اقفل ميدان حيوي .. علشان اطالب باخلاء ميدان حيوي اخر
lol

عامة الي عجبني الشرطة و الجيش... عملت حواجز حواليهم و بقوا يوجهوا العربيات في الاىتجهات الي لا تؤدي اليهم ...

و مشفتش يافطة واحد مرفوعة بتقول حاجة .. محدش فاهم هما واقفين ليه اصلا !

يمكن يكونوا بتوع احتفالات الكوربه و الحاجات العجيبه دي ؟؟؟

اقتباس:

---

المشاركة الأصلية كتبت بواسطة human12

دول بتوع احنا اسفين يا صلاح

---

:alien42::alien42::alien42::alien42::alien42:
:alien42::alien42::alien42::alien42::alien42:

اقتباس:

---

المشاركة الأصلية كتبت بواسطة cryptonx

فعلا امباح قعدت الف حوالين الحتة دي كتير علشان اعرف اوصل جسر السويس ... و كانوا ميعدوش 250 شخص مثلا .. قاعدين على الأرض ..

بس ظريف اوي المبدأ ده ... اقفل ميدان حيوي .. علشان اطالب باخلاء ميدان حيوي اخر
lol

عامة الي عجبني الشرطة و الجيش... عملت حواجز حواليهم و بقوا يوجهوا العربيات في الاىتجهات الي لا تؤدي اليهم ...

و مشفتش يافطة واحد مرفوعة بتقول حاجة .. محدش فاهم هما واقفين ليه اصلا !

---

كلام مظبوط فعلا

وعجبي

اقتباس:

---

المشاركة الأصلية كتبت بواسطة aboelsoud

يمكن يكونوا بتوع احتفالات الكوربه و الحاجات العجيبه دي ؟؟؟

---

ياباشا الاحتفالات دي ليها ميعاد سنوي وبتبقى بتنظيم من حي مصر الجديدة وعمرها ما بتعطل الدنيا لان في طرق بديلة

مهى الاشكال دى هى اللى اتعمل عشانها قانون الاعتصامات

MMamdouh

يا جماعه مكتوب على اليوم السابع ان اللى عاملين المظاهرات دى عشان فى واحد صاحب معرض نصب عليهم فى موضوع شراء عربيات و كده

اللهم ارفع مقتك وغضبك عنا

اقتباس:

---

المشاركة الأصلية كتبت بواسطة gemy1

يا جماعه مكتوب على اليوم السابع ان اللى عاملين المظاهرات دى عشان فى واحد صاحب معرض نصب عليهم فى موضوع شراء عربيات و كده

---

بالظبط كده هما دول اتنصب عليهم من صاحب محل عربيات في روكسي .....

الجيش منع التظاهر لاي سبب , و الله الجيش محترم انه مدور الضرب فيهم

طيب صلاح سالم النهارده كان فيه ايه في الاتجاه اللي بيبدأ من عند الكلية الحربيه الساعه 7 الصبح؟؟؟

ده كان واقف خالص مع ان المعاد ده مفهوش زحمه وبجد كان مقرف خالص وفي الاخير خرمت من جوه لحد اما عديت المشكله

حد عارف حاجه؟؟؟

الناس دى اتنصب عليهم من غبور او من حد تبعه مش عارف واخد فلوس منهم من شهر 7 اللى فات ولسه مستلموش لحد دلوقت عربيتهم

الظاهر ان المظاهرات ولو الدراع بقي الوسيلة الفعالة اليومين دول

اقتباس:

---

المشاركة الأصلية كتبت بواسطة hm414

طيب صلاح سالم النهارده كان فيه ايه في الاتجاه اللي بيبدأ من عند الكلية الحربيه الساعه 7 الصبح؟؟؟

ده كان واقف خالص مع ان المعاد ده مفهوش زحمه وبجد كان مقرف خالص وفي الاخير خرمت من جوه لحد اما عديت المشكله

حد عارف حاجه؟؟؟

---

حادثه على كوبرى الجلاء والقزاز مالى الارض والناس كانت بتمشى من جنبه

اقتباس:

---

المشاركة الأصلية كتبت بواسطة korkor

حادثه على كوبرى الجلاء والقزاز مالى الارض والناس كانت بتمشى من جنبه

---

لا حول ولا قوة الا بالله

انا توقعت كده لان الزحمه دي في الوقت ده ميعملهاش غير حادثه وكنت تحديدا بقول اكيد عالكوبري ده لان حصلت قبل كده وفعلا بتعمل زحام شديد جدا وراها

عن نفسي مستحملتش امشي ودخلت فورا بعد الكليه الحربية وخرمت لحد روكسي وطلعت من فوق نفق الثوره وكملت وكان سالك جدا هناك

ربنا يستر طريقنا ويارب يفك كرب البلد....


تحياتي

السلام عليكم و رحمة الله و بركاته

مش فى قانون جديد للجماعة المعتصمين, مايطبقوه و خلاص !!!!!

هما دول ناس اتنصب عليها ...ولا دول الباعه الجائلين اللي احتلو الجنينه اللي قدام عمر افندي

اقتباس:

---

المشاركة الأصلية كتبت بواسطة أبو صلاح

والله العصبي ركبني وسبحان من صبرني في اللحظة دي
والله كنت هفرك بالعربية واشيلهم كلهم من على الارض واللي يحصل يحصل

يا ناااااااااااااااس ارحموانا
عايزين ايه

مظاهرة من 250 شخص توقفوا بيها ميدان زي ده
ليه حرام عليكم

---

والله عندك حق والناس دى كانت عايزة الشدة من الاول مش كانت عايزة الحنية والدلع والطبطة اللى احنا عايشين فيها دى

اقتباس:

---

المشاركة الأصلية كتبت بواسطة aliaboali_3

والله عندك حق والناس دى كانت عايزة الشدة من الاول مش كانت عايزة الحنية والدلع والطبطة اللى احنا عايشين فيها دى

---

لو كان حصل شدة كنت هتلاقى الف واحد يدافعوا عنهم ويغلط الجيش والشرطة وتلاقى مية فيديو متفبرك علشا يولعوا بيه البلد