اوكى ......... بص يا باشا ......... انا ما بحبش اكون مش قد كلامى ........ يعنى لازم الكلام يكون محدد و اكون قد المسؤولية
الشغل ده انا فكرت فيه كتير و عملت ليه دراسات وافية .... و كويس انى عرفت انه مش منتشر فى مصر ........ عشان كده انا لسه قدامى مشوار طويل شوية عشان اتأكد من ان الشغل ده ممكن ينعمل بشكل فنى و تقنى جيد ........
و عليه انا ح اقول اللى وصلت له لحد الان ........ التصميم مش مشكلة ......... بنسبة 80 % او اقل شوية من التصميمات اللى برة ........ و ممكن اكتر ........ اصلها حسب المزاج
و كان فى شئ مهم .......... اخد وقت معايا ........ و هو جودة الخامة والاحبار ........... ( معلش انا صريح )
برة مصر فى خامات جامدة زى ( ثرى ام واربنج ) الامريكى ......... و احبار و مكن طباعة على اعلى مستوى ....
لكن بصراحة شديدة هنا الدنيا على ما تفرج ......... يعنى حدث ولا حرج ....... احبار صينى ....... مكن صينى بيعمل خطوط فى الطباعة ....... خامات استيكر لما تيجى تشغلها بالاستشوار ....... تسيح معاك زى اللبانة .......
( معلش ده هو الواقع ) ....... و انا طول عمرى صريح ........ لا بلف ولا بدووووور
و عليه تم حل مشكلة الحبر بنسبة كبيرة ......... يعنى ح يتعمل طبقة حماية فوق الحبر المطبوع عشان يحافظ عليه من الغسيل و من التغيرات الجوية ........ خاصة شمس بلادنا اللى بتبخره .......... ده اول حل وصلت ليه
ثم مكنة الطباعة ........... ان شاء الله في مكن فى مصر محترم بس ده نادر شوية لكن موجود
المهم الخامة ......... الاصلى غالى و الصينى رخيص ........ مشكلة الاصلى انه نادر ......... و بعدين ماكينة الطباعة بتبقى طولها حوالى 3 متر ....... لما اجيبله استيكر حوالى متر × متر مش ح يرضى يطبعه او ح يحاسبنى على 3 متر طباعة
ده اللى عندى دلوقتى ......... و الباقى ان شاء الله ح يكون بعد ما اعمل شوية تجارب كده عشان اتأكد من انى ملم بكل التفاصيل .........
بس المشكلة ....... انى زى ما انت عارف بجهز محل جديد و الله الدنيا معايا مش مزبطة خاصة فى الظروف الحالية
ادعولى بس انى اخلص من موضوع المحل ده و انا ان شاء الله ح اتابع التجارب دى عشان انا اول مرة ح اعملها و ح اقولكم اول بأول انا وصلت لايه
بالمناسبة ........... بجد مش هزار
الموضوع ده مش غالى زى ما انتوا قلتوا ........... خالص
و الفرخ اللى الاخ قال عليه بـ 150 ده بيتعمل بـ 25 الى 35 بس مش اكتر
بس ياريت تصبروا عليا شوية ........ والله المستعان ان شاء الله
كل التحية للجميع